Acharya: ‘ఆచార్య’ ట్రైలర్‌ వచ్చేసింది.. చిరు- చరణ్‌ కలిస్తే ఇలా ఉంటుంది!

ఇంటర్నెట్‌ డెస్క్‌: ‘ఆచార్య’ హంగామా మొదలైంది. ఎప్పుడెప్పుడా అని సినీ అభిమానులంతా ఎంతో ఆసక్తితో ఎదురుచూస్తోన్న ట్రైలర్‌ వచ్చేసింది. కొరటాల శివ దర్శకత్వంలో చిరంజీవి- రామ్‌చరణ్‌ కలిసి నటించిన చిత్రమిది. ఏప్రిల్‌ 29న విడుదలకానుంది. ఈ సందర్భంగా ప్రచార చిత్రాన్ని కొన్ని ముఖ్యమైన థియేటర్లతోపాటు సోషల్‌ మీడియా వేదికగా విడుదల చేసింది చిత్ర బృందం. మెగా అభిమానులు కోరుకునే అన్ని హంగులూ ఈ చిత్రంలో ఉన్నట్టు ట్రైలర్‌ చూస్తేనే అర్థమవుతోంది. వీడియోలో చూపించిన ఈ ఇద్దరి లుక్స్‌, పవర్‌ఫుల్‌ నటన సినిమాపై మరింత ఆసక్తిని పెంచేలా ఉన్నాయి. దర్శకుడు తనదైన మార్క్‌ కథను చెప్పబోతున్నారని తెలుస్తోంది. ఈ చిత్రంలో చిరు సరసన కాజల్‌ అగర్వాల్‌, చరణ్‌కు జోడీగా పూజా హెగ్డే కనిపించనున్నారు.