Vijay Deverakonda: ఈ విజువల్‌ గురించి ఎప్పటి నుంచో వేచి చూస్తున్నా: విజయ్‌ దేవరకొండ

ఇంటర్నెట్‌ డెస్క్‌: విజయ్‌ దేవరకొండ (Vijay Deverakonda) నటించిన తాజా చిత్రం ‘ఖుషి’ (Kushi) కొన్ని గంటల్లో విడుదల కానుంది. ఈ సందర్భంగా ఆయన సోషల్‌ మీడియా వేదికగా ఓ వీడియో పంచుకున్నారు. సినిమా పూర్తయిన తర్వాత ప్రేక్షకులంతా నవ్వుతూ థియేటర్ల నుంచి బయటకు వస్తారని ఆశాభావం వ్యక్తం చేశారు. ఈ విజువల్‌ గురించి తాను చాలా రోజుల నుంచి ఎదురుచూస్తున్నట్లు తెలిపారు. ‘ఆల్‌ ది బెస్ట్‌’ అంటూ నెటిజన్లు, ఆయన అభిమానులు కామెంట్లు పెడుతున్నారు. తామూ సినిమా కోసం ఆసక్తిగా ఎదురుచూస్తున్నామని పేర్కొన్నారు.

అప్పుడే పెళ్లి చేసుకుంటా.. ఆ విషయం ఎవరికీ చెప్పను: విజయ్‌ దేవరకొండ

‘టక్‌ జగదీష్‌’ తర్వాత దర్శకుడు శివ నిర్వాణ (Shiva Nirvana) తెరకెక్కించిన చిత్రమిది. సమంత (Samantha) కథానాయిక. విభిన్న ప్రేమకథతో రూపొందిన ఈ సినిమాలో విప్లవ్‌గా విజయ్‌, ఆయన భార్య ఆరాధ్యగా సమంత (Samantha) సందడి చేయనున్నారు. మురళీశర్మ, సచిన్‌ ఖేడ్కర్‌, రోహిణి, వెన్నెల కిశోర్‌ తదితరులు కీలక పాత్రలు పోషించారు. ప్రస్తుత సమాజంలో నెలకొన్న ఓ సమస్యను ఈ సినిమాలో ప్రస్తావించినట్లు దర్శకుడు ఇటీవల ఓ ఇంటర్వ్యలో తెలిపారు. హిందూ- ముస్లింల గొడవల ప్రస్తావనే ఉండదని స్పష్టం చేశారు. కథలో కొత్తదనం తీసుకురావడం కోసమే కశ్మీర్‌ బ్యాక్‌డ్రాప్‌ను తీసుకున్నట్లు చెప్పారు. కొందరు అనుకుంటున్నట్లు ఈ సినిమా కథకు, సమంత వ్యక్తిగత జీవితానికి ఎలాంటి సంబంధం లేదని స్పష్టత ఇచ్చారు.