Vishal: షూటింగ్‌లో గాయపడ్డ నటుడు విశాల్‌

ఇంటర్నెట్‌ డెస్క్‌: ‘లాఠీ’ సినిమా చిత్రీకరణలో నటుడు విశాల్‌ గాయపడ్డారు. దీంతో చికిత్స కోసం కేరళ పయనమయ్యారు. ప్రమాదానికి సంబంధించిన వీడియోను ఆయన సోషల్‌ మీడియాలో పోస్ట్‌ చేశారు. ‘‘లాఠీ’ సినిమా స్టంట్‌ సీక్వెన్స్‌ చేస్తుంటే గాయాలయ్యాయి. విశ్రాంతి, చికిత్స కోసం కేరళ వెళ్తున్నా. మార్చి తొలివారంలో ఈ సినిమా తుదిదశ షెడ్యూల్‌లో పాల్గొంటా’’ అని విశాల్‌ తెలిపారు. విశాల్‌ చేతి ఎముకలకు దెబ్బ తగిలినట్లు తెలుస్తోంది. ఈ వీడియోలో ఆయన పోలీసు అధికారిగా కనిపించారు. ఓ బాలుడ్ని రక్షించే సన్నివేశం ఇది. ఈ చిత్రాన్ని పవర్‌ఫుల్‌ పోలీసు కథతో ఎ. వినోద్‌ కుమార్‌ తెరకెక్కిస్తున్నారు. పాన్‌ ఇండియా స్థాయిలో రూపొందుతున్న ఈ చిత్రంలో సునయన కథానాయిక. రమణ, నంద నిర్మాతలు. ఈ చిత్రానికి సామ్‌ సీఎస్‌ సంగీతం అందిస్తున్నారు.