Kannappa: మంచు విష్ణు ‘కన్నప్ప’లో బాలీవుడ్‌ స్టార్‌ హీరో..!

ఇంటర్నెట్‌ డెస్క్‌: మంచు విష్ణు (Manchu Vishnu) హీరోగా ప్రతిష్ఠాత్మకంగా రూపొందుతోన్న సినిమా ‘కన్నప్ప’ (Kannappa). ఇందులో భారీ తారాగణాన్ని ప్రకటించి అంచనాలు పెంచేసింది చిత్రబృందం. తాజాగా దీనికి సంబంధించిన ఓ వార్త సోషల్‌ మీడియాలో షేర్‌ అవుతోంది.

ఇప్పటికే ఇందులో దక్షిణాదికి చెందిన స్టార్‌ నటీనటులు భాగమైన సంగతి తెలిసిందే. ఇప్పుడు బాలీవుడ్‌ స్టార్‌ హీరో అక్షయ్‌కుమార్‌ కూడా ఇందులో భాగం కానున్నట్లు తెలుస్తోంది. కొందరు ఈ విషయాన్ని ఎక్స్‌ వేదికగా పంచుకున్నారు. త్వరలోనే అక్షయ్‌ షూటింగ్‌లో జాయిన్ కానున్నారట. ఇదే నిజమైతే ఆయనకు ‘కన్నప్ప’ తొలి తెలుగు సినిమా అవుతుంది. గతంలో 1993లో ఓ కన్నడ సినిమాలో ఆయన కనిపించారు. ఆ తర్వాత 2018లో రజనీ హీరోగా తెరకెక్కిన రోబో2.0లో తమిళ ఇండస్ట్రీకి పరిచమయ్యారు. ఇప్పుడు ఈ మూవీతో తెలుగు పరిశ్రమలోకి అడుగుపెట్టనున్నారు. అక్షయ్‌ ఏ పాత్రలో కనిపించనున్నారో మాత్రం తెలియాల్సి ఉంది. దీనిపై అధికారిక ప్రకటన కోసం ప్రేక్షకులు ఎదురుచూస్తున్నారు.

ఇప్పటికే ఈ చిత్రంలో అగ్ర కథానాయకులు మోహన్‌ బాబు, మోహన్‌ లాల్‌, శివరాజ్‌కుమార్‌ (Shiva Rajkumar), శరత్‌ కుమార్‌ భాగమయ్యారు. విష్ణు టైటిల్‌ రోల్‌ పోషిస్తుండగా.. శివ పార్వతులుగా ప్రభాస్‌, నయనతార నటించనున్నట్లు సమాచారం. ఈ సినిమా షూటింగ్ మొత్తం న్యూజిలాండ్‌లో జరుగుతోంది. అత్యంత భారీ బడ్జెట్‌తో పాన్‌ ఇండియా స్థాయిలో రూపొందుతోన్న ఈ చిత్రాన్ని మోహన్‌బాబు నిర్మిస్తున్నారు.