Sampath Raj: బాలీవుడ్ నుంచి వారానికి 2 కాల్స్ వస్తాయి!
విలన్ పాత్రలకు అతని నటన రెఫరెన్స్లాంటిది. తన విశేషమైన నట ప్రతిభకు తను పోషించిన పాత్రలు మచ్చుతునకల్లాంటివి. గంభీరమైన కంఠంతో.. ఆరు అడుగుల కటౌట్తో.. ఆరు భాషల్లో సుమారు వందకుపైగా చిత్రాల్లో విలన్, సహాయక పాత్రల్లో నటించి ప్రేక్షకులతో శభాష్ అనిపించుకుంటున్నారు.. నటుడు
విలన్ పాత్రలకు అతడి నటన రెఫరెన్స్లాంటిది. గంభీరమైన కంఠంతో.. ఆరు అడుగుల కటౌట్తో.. ఆరు భాషల్లో వందకుపైగా చిత్రాల్లో విలన్, సహాయక పాత్రల్లో నటించి ప్రేక్షకులతో శభాష్ అనిపించుకుంటున్నారు.. ఆయనే సంపత్ రాజ్. ఎన్నో పాత్రలకు జీవం పోస్తున్న ఈ విలక్షణ నటుడు ‘ఈటీవీ’లో ఆలీ వ్యాఖ్యాతగా ప్రసారమవుతోన్న ‘ఆలీతో సరదాగా’ కార్యక్రమానికి తాజాగా విచ్చేసి ఎన్నో విషయాలను పంచుకున్నారు. ఆ విశేషాలు మీకోసం..
మీరు.. పుట్టి పెరిగింది ఎక్కడ?
సంపత్ రాజ్: ఉత్తరప్రదేశ్లోని లఖ్నవూలో పుట్టాను. మా అమ్మగారిది తమిళనాడులోని శ్రీరంగం. మా నాన్న రామస్వామి శ్రీనివాస్. ఆయనది నెల్లూరే. కానీ, ఆర్మీలో పనిచేస్తుండటంతో తరుచూ బదిలీలయ్యేవి. అలా దేశం మొత్తం తిరిగి.. ఆఖరుకు బెంగళూరులో స్థిరపడ్డాం. మా నాన్న తెలుగు పుస్తకాలు ఎక్కువగా చదివేవారు. మా తల్లిదండ్రులకు ఏడెనిమిది భాషల్లో పట్టు ఉంది. నేనూ ఐదారు భాషలు మాట్లాడగలను.
ఏడుగురు సంతానంలో నేను చిన్నవాడిని. ‘మాకు పేర్లెందుకు పెట్టావ్..? సండే, మండే, ట్యూస్డే అని పెడితే సరిపోయేది’ అని మా అమ్మతో అనేవాడిని. అప్పుడు నా పేరు సండే అయ్యేది. అందుకే, నాకు స్కూల్, కాలేజీ చదువులు నచ్చలేదు. పెద్దన్నయ్య గల్ఫ్లో ఉన్నాడు. ఒక అన్న లండన్లో, ఇంకో అన్న ఇక్కడే ఉన్నాడు. అక్కలకు వివాహాలయ్యాయి.. అందరూ సంతోషంగా ఉన్నారు. మా కుటుంబంలో నేను ఒక్కడినే నటుడిని.
మిమ్మల్ని ‘మిర్చి’ సంపత్ అంటేనే అందరూ గుర్తుపడుతుంటారు. ఆ సినిమా అవకాశం ఎలా వచ్చింది?
సంపత్ రాజ్: బోయపాటి శ్రీను దర్శకత్వంలో వచ్చిన ‘దమ్ము’ నా తొలి చిత్రం. ఆ తర్వాత పవన్ కల్యాణ్ ‘పంజా’లో నటించా. మూడో చిత్రం ‘మిర్చి’. కొరటాల శివ కథ చెప్పగానే ఒప్పేసుకున్నా. నా తొలి రోజు షూటింగ్లో ప్రభాస్ను ఇంట్లో నుంచి బయటకు లాక్కెళ్తూ ఒక డైలాగ్ చెప్పా. దానికి సెట్లో అందరూ క్లాప్స్ కొట్టారు. మంచి పాత్ర అవుతుందని అనుకున్నాను. కానీ, అంత పేరు వస్తుందని అనుకోలేదు.
నిజానికి మా అమ్మకు సినిమాలంటే ఇష్టం ఉండదు. చదువు రాని వాడు, పనికిరానివాడు సినిమాల్లోకి వెళ్తారని భావించేవారు. ఆ భయంతో నాకు సినిమాలపై ఇష్టం ఉన్నా చెప్పలేదు. ఓ సారి నేషనల్ స్కూల్లో డ్రామాకు దరఖాస్తు చేస్తే ఇంటర్వ్యూ కాల్ లెటర్ వచ్చింది. కానీ, దాన్ని మా అమ్మ చింపేసింది. అప్పుడు మా నాన్న ‘నువ్వు ఇలాగే అమ్మకి భయపడుతూ ఉంటే వెళ్లలేవు. ఇంట్లో నుంచి పారిపో’’ అన్నారు.
తమిళ్లో ‘సరోజా’ చిత్రంలో నేను నటించాను. ఆ చిత్రం ప్రివ్యూ షోకి మా అమ్మను తీసుకెళ్లా. సినిమా చూశాక.. దర్శకుడు వెంకట్ ప్రభు వచ్చి ఎలా ఉందని అమ్మని అడిగారు. మా అమ్మ ఏమీ స్పందించకుండా తల ఊపింది. తెలుగు సినిమాలో ఎంట్రీ ఇచ్చే సమయానికి అమ్మగారు లేరు. ఉండి ఉంటే నాకు చాలా సంతోషంగా ఉండేది.
32 ఏళ్లకు మీ కెరీర్ స్టార్ట్ అయింది.. దానికి ముందు ఏం చేశారు?
సంపత్ రాజ్: నాకు ఒక అడ్వర్టైజింగ్ కంపెనీ ఉండేది. ఇప్పుడూ ఉంది. కానీ, దాంట్లో నాకు భాగస్వామ్యం లేదు. సినిమాల్లోకి రాకముందు 12ఏళ్లు అందులోనే పనిచేశా. కన్నడలో ఒక చిన్న సినిమాకు ఆడిషన్స్ నిర్వహిస్తుంటే మా స్నేహితుడు వెళ్లి ఫెయిలయ్యాడు. అయితే, వాళ్లు ఇచ్చిన పాత్ర నాకు బాగా సూట్ అవుతుందని నా స్నేహితుడు భావించాడట. అలా అందులో నటించా. ఆ సమయంలో నాకు విడాకులు అయ్యాయి. ఆ బాధలో కాస్త బక్కచిక్కిపోయి ఉన్నా. అదే ఆ సినిమాలో నాకు ప్లస్ అయ్యింది.
విడాకులు ఎందుకు తీసుకున్నారు?
సంపత్ రాజ్: మాది పెద్దలు కుదర్చిన వివాహమే. చిన్న వయసులోనే పెళ్లి చేసుకున్నాను. అదే విడాకులకు కారణమని చెప్పొచ్చు. గొడవలు ఏం లేవు. కానీ, మా ఇద్దరి మధ్య సఖ్యత ఉండేది కాదు. దీంతో పరస్పర అంగీకారంతో విడాకులు తీసుకున్నాం. 20ఏళ్లకు ఉండే ఆలోచనలు.. 30ఏళ్లకు వచ్చేసరికి మారిపోతుంటాయి. అందుకే చిన్న వయసులో వివాహం చేసుకుంటే సమస్యలొస్తాయి. ఇదే విషయాన్ని నా కూతురికి చెబుతుంటా. ప్రస్తుతం నా కూతురు ఆస్ట్రేలియాలో మాస్టర్స్ చదువుతోంది. మా విడాకులపై తను మొదట్లో బాధ పడింది. కానీ నేను వివరంగా నచ్చజెప్పా. ఇప్పుడు తను సంతోషంగానే ఉంది. విడాకుల తర్వాత నా కూతురు బాధ్యత నేనే తీసుకున్నా. తన స్కూల్లో జరిగే ప్రతి కార్యక్రమానికీ హాజరయ్యేవాడిని. తనతో ఉండటం కోసం సెలవుల్లో షూటింగ్లకు వెళ్లేవాడిని కాదు.
నటి శరణ్య మీ మాజీ భార్య అట. నిజమేనా?
సంపత్ రాజ్: నిజం కాదు. మీడియాలో తప్పుగా ప్రచారమైంది. ఆ వార్త రాసిన వెబ్సైట్కి నేను లీగల్ నోటీసు కూడా పంపించా. నిజమేంటంటే.. శరణ్య కుటుంబం నాకు చాలా సన్నిహితంగా ఉంటుంది. ఓ సినిమాలో నేను, శరణ్య భార్యభర్తలుగా నటించాం. ఆ ఫొటో పెట్టి ఆమె.. నా మాజీ భార్య అని రాసుకొచ్చారు.
సాధారణంగా సినిమాల్లో లేడీస్తో ఐటెం సాంగ్ చేయిస్తారు. కానీ, మీ బాడీలో మంచి గ్రేస్ కనిపిస్తోంది. ఈ ఎపిసోడ్ తర్వాత మీతో ఐటెం సాంగ్ చేయిస్తారేమో..?
సంపత్ రాజ్: మీరు సిఫార్సు చేస్తే ఐటెం సాంగ్ చేయడానికి నేను సిద్ధంగానే ఉన్నా. ఈ ప్రోగ్రాం చూశాక ఎవరైనా ఆ నిర్ణయం తీసుకుంటే నేను రెడీ.
ఏదైనా సినిమాలో డ్యాన్స్ చేశారా?
సంపత్ రాజ్: చేశా. ‘సరోజా’ సినిమాలో విలన్కి లవర్ ఉంటుంది. ఒక పాట కూడా ఉంది. 2008లో వచ్చిన ఆ పాట చాలా హిట్ అయింది. నేను.. సింగపూర్, మలేషియా, శ్రీలంక, ఆస్ట్రేలియా ఇలా ఏ దేశానికి వెళ్లినా ఆ పాట ప్లే చేసేవారు. ఒక విలన్కు అంత హిట్ పాట ఉండటం ఏ నటుడికీ జరగలేదు.
మీ స్నేహితుడితో కలిసి కపుల్లాగా ఉన్నారట?
సంపత్ రాజ్: ‘సరోజా’ తర్వాత ‘గోవా’ అని ఓ సినిమా చేశా. దాంట్లో ఒక గే పాత్ర ఉంది. ‘ఆ పాత్ర ఎవరు చేస్తున్నారు?’ అని దర్శకుడు వెంకట్ ప్రభుని అడిగితే.. ‘నా మైండ్లో ఒకరు ఉన్నారు. అడిగితే ఒప్పుకోరేమో’ అన్నాడు. అదేంటి.. ‘నటుడు ఇలాంటి ఒక ఛాలెంజింగ్ పాత్రను కచ్చితంగా చేయాలి’ అన్నా. వెంటనే అది నువ్వే అని చెప్పి తను పారిపోయాడు. నేను పరిగెత్తి పట్టుకొని ఆ పాత్ర చేస్తానని చెప్పా. ఆ సినిమాలో నాకు గే భాగస్వామి ఉంటాడు. ఆ పాత్రలో అరవింద్ ఆకాశ్ అనే నటుడిని తీసుకున్నారు. దీంతో ‘ఆయన వద్దకు వెళ్లి.. మనం స్నేహితులం. నేరుగా కెమెరా ముందు నటించాలంటే కాస్త ఇబ్బందిగా ఉండొచ్చు. నువ్వు జిమ్ చేసి మా ఇంటికి రా’ అని చెప్పా. అలా తరచూ అతడు మా ఇంటికి వచ్చేవాడు. అతడికి టీ ఇచ్చేవాడిని.. బాల్కనీలో కూర్చొనేవాళ్లం. బెడ్పై పడుకొని టీవీ చూసేవాళ్లం. నిజంగా కపుల్లాగా ప్రవర్తించాం. అందుకే, ఆ సినిమాలో మా పాత్రలు బాగా పండాయి.
రియల్ లైఫ్లో సంపత్ విలనా? సాఫ్టా?
సంపత్ రాజ్: నేను సినిమాని ఒక పనిలా చూస్తా. ఒకరు ఇంజినీర్ అవ్వాలనుకుంటారు.. మరొకరు డాక్టర్ అవ్వాలనుకుంటారు. నేను నటుడిని అవ్వాలనుకున్నా. నా వ్యక్తిగత జీవితాన్ని, సినిమాలను అస్సలు కలపను. దాంట్లో నాకు స్పష్టత ఉంది. ఇక నేను ఎలాంటి వాడినని అడిగితే మంచివాడిననే చెబుతా. నాతో ఉన్నవాళ్లని అడిగితే నేనేంటో తెలుస్తుంది.
తర్వాతి సినిమాలో అవకాశం ఇవ్వకపోతే లొకేషన్కి వచ్చి కెమెరా ఎత్తుకెళ్తానని బెదిరించారట?
సంపత్ రాజ్: ఇప్పటికీ ఆ మాట మీదే నిలబడతా. త్రివిక్రమ్ శ్రీనివాస్ సినిమాలు నాకు బాగా నచ్చుతాయి. సాధారణంగా నేను సినిమా కథ, నా పాత్ర గురించి తెలుసుకున్న తర్వాతే ఒకే చెబుతా. కానీ, ‘S/o సత్యమూర్తి’ సినిమా కోసం త్రివిక్రమ్ గారి నుంచి ఫోన్ రాగానే ఒప్పుకొన్నా. ఆ సినిమా చేస్తున్నప్పుడు ‘ఇది చిన్న పాత్ర.. కానీ, భవిష్యత్తులో మీతో కనీసం 25 రోజులు కలిసి పనిచేసేలా పాత్ర రాస్తా’’ అని చెప్పారు. ఆ తర్వాత ఎన్నో సినిమాలు చేశారు. కానీ, నా కోసం ఇప్పటివరకూ అలాంటి పాత్ర రాయలేదు. పాత్ర ఇస్తానని ఆయన సినిమా ఫంక్షన్లో బహిరంగంగా చెప్పారు. సినిమాలో అవకాశం ఇవ్వకపోతే కెమెరా ఎత్తుకెళ్తానని నేనూ బహిరంగగానే చెప్పా. ఇప్పుడాయన ఏదో సినిమా చేయబోతున్నారు. కచ్చితంగా అన్న పని చేస్తా. త్రివిక్రమ్ని ఎక్కడ కలవొచ్చు అని ఎఫ్3 షూటింగ్లో సునీల్ని అడిగా. ఆయన అడ్రస్ చెప్పారు. త్వరలోనే ఆయన వద్దకు వెళ్తా.
భవిష్యత్తులో సంపత్ నటుడిగా కాకుండా ఏం అవుదామనుకుంటున్నారు?
సంపత్ రాజ్: అలా ఏం అనుకోలేదు. చనిపోయే వరకూ.. అవకాశాలు వచ్చే వరకూ నటించొచ్చు. అయితే, నాకు ‘రూరల్ టూరిజం’పై ఒక ఆలోచన ఉంది. దాని గురించి నా స్నేహితులతో కలిసి ప్రణాళికలు రచిస్తున్నాం. మూడేళ్ల ప్రాజెక్ట్ అది.
మీరు మంచి రచయిత అంట కదా?
సంపత్ రాజ్: నేను, నా వ్యాపార భాగస్వామి ముప్పై ఏళ్లుగా కలిసి ఉంటున్నాం. అతడు మంచి రచయిత. ఇద్దరం కలిసి ఎన్నో కథలు చర్చించాం. కొన్ని షార్ట్ ఫిల్మ్స్ కూడా చేశాం. ఇప్పుడు మూడు కథలు సిద్ధంగా ఉన్నాయి. వాటిలో ఒకటి తెలుగు సినిమాగా, ఇంకోటి తమిళ్ వెబ్సిరీస్గా తీయబోతున్నాం. దర్శకత్వం వహించడం చాలా కష్టం. నటుడైతే నటించి వెళ్లొచ్చు. దర్శకుడు అన్నీ చూసుకోవాలి. నాకు అంత ఓపిక ఉందో లేదో తెలియదు. కానీ, ఒకట్రెండు సినిమాలకు దర్శకత్వ శాఖలో పనిచేసిన తర్వాత దర్శకత్వం వహించడంపై నిర్ణయం తీసుకుంటా.
ఉత్తరాదిలో చాలా కాలం ఉన్నారు కదా? హిందీ సినిమాల్లో ఎందుకు ప్రయత్నించలేదు?
సంపత్ రాజ్: వారానికి రెండు సార్లు ముంబయి నుంచి ఫోన్లు వస్తూనే ఉంటాయి. అక్కడికి వెళ్తే ఏదో ఒకటి చేసేశామన్నట్లు కాకుండా మంచి పాత్రతో పరిచయమవ్వాలని అనుకుంటున్నా. అలాంటి పాత్ర వస్తే కచ్చితంగా చేస్తా. ఇక్కడ నాకు మంచి పాత్రలు వస్తున్నాయి. అలాంటప్పుడు బాలీవుడ్ అన్న పేరు చూసి అక్కడ చిన్న పాత్రలో నటించడం నాకు నచ్చదు.
మోహన్బాబు గారు కూడా మీ వాయిస్కి అభిమాని. ఆయనతో మీరు నటించారా?
సంపత్ రాజ్: సినిమాలో కలిసి నటించలేదు కానీ, ఆయన్ను కలిశా.
‘మిర్చి’ సినిమాకి మీరే డబ్బింగ్ చెప్పారా?
సంపత్ రాజ్: డైరెక్టర్, నిర్మాతలు, ప్రభాస్.. నన్నే డబ్బింగ్ చెప్పమన్నారు. రెండ్రోజుల్లో చెప్పేశా.
నచ్చిన నటుడిని చూడటానికి స్కూల్ బంక్ కొడుతుంటారు.. డూప్ని చూడటానికి మీరు స్కూల్ బంక్ కొట్టారట?
సంపత్ రాజ్: అమితాబ్ బచ్చన్ నటించిన ‘మర్ద్’ చిత్రం షూటింగ్ బెంగళూరు ప్యాలెస్లో జరిగింది. నేను అప్పుడు 12వ తరగతి చదువుతున్నా. నాకు అమితాబ్ బచ్చన్ అంటే పిచ్చి. ‘మర్ద్’ షూటింగ్ చూడాలని నా స్నేహితులను ఒప్పించి మరీ స్కూల్ బంక్ కొట్టి అక్కడికి వెళ్లాం. ఆయన షూటింగ్ అంటే అర కిలోమీటర్ దూరంలోనే బ్యారికేడ్లు పెట్టేస్తారు. అక్కడి నుంచి షూటింగ్ చూస్తున్నాం. అమితాబ్ బచ్చన్ ఫైట్ చేస్తున్నారు. అది చూసి సంతోషంగా ఇంటికెళ్లాం. మరుసటి రోజు న్యూస్ పేపర్లో వార్త చూస్తే.. ‘బెంగళూర్లో జరుగుతున్న అమితాబ్ బచ్చన్ చిత్రం షూటింగ్లో ఆయన డూప్ వచ్చి ఫైట్ చేశారు. ఆయన్ను చూడటానికి జనాలు పెద్ద ఎత్తున వచ్చారు’ అని రాసుంది. ‘స్కూల్ బంక్ కొట్టి రోజంతా చూసింది అమితాబ్ బచ్చన్ డూప్నా’ అని అనుకున్నా. బంక్ కొట్టినందుకు స్కూల్లో నన్ను సస్పెండ్ చేశారు. దానికి బాధపడలేదు కానీ, ఆయన్ను చూడలేదన్న బాధే ఎక్కువ ఉండేది.
ఇండస్ట్రీలో స్నేహితులెవరున్నారు?
సంపత్ రాజ్: ఎస్పీ చరణ్, వెంకట్ ప్రభు. నాజర్.. నాకు గురువు.
శంషాబాద్ ఎయిర్పోర్టులో నలుగురు మిమ్మల్ని ప్రేమాభిమానంతో భయపెట్టారట!
సంపత్ రాజ్: ‘మిర్చి’ విడుదలై పెద్ద హిట్ అయింది. నేను ఎయిర్పోర్టు నుంచి బయటకు వస్తుంటే నలుగురు వచ్చి.. నన్ను గట్టిగా పట్టుకొని ఫొటో తీసుకున్నారు. వాళ్ల ప్రేమలో కొంచెం పెత్తనం కనిపించింది. దీని గురించి నా డ్రైవర్కి చెబితే ‘‘మిర్చి’లో మీరు చేసిన పాత్ర ఫ్యాక్షనిస్ట్ కదా..’ అన్నాడు. వాళ్లది నిజంగానే కర్నూలట. ఎవరైనా నచ్చితే వాళ్లు అలాగే ప్రేమ చూపిస్తారని డ్రైవర్ చెప్పాడు. వాళ్ల ప్రేమ చూసి ఆ రోజు నిజంగానే భయపడ్డా.
నెల్లూరులో మీవాళ్లు ఉన్నారా?
సంపత్ రాజ్: తెలియదు. ‘మిర్చి’ హిట్ అయిన తర్వాత ప్రమోషన్ కోసం తొలిసారి అక్కడికి వెళ్లానంతే.
ఒక తమిళ్ సినిమా షూటింగ్లో డైరెక్టర్ ఏదో అంటే.. మీరు ఇబ్బంది పడ్డారట? ఎందుకు?
సంపత్ రాజ్: కొత్త నటులకి కథ, పాత్ర గురించి ఏమీ చెప్పరు. అప్పటికే నేను మూడు సినిమాలు చేశా. కథ చెప్పాకే ఓకే చెబుదామనుకున్నా. కానీ, కొన్ని ఒత్తిళ్ల వల్ల కథ వినకుండానే ఒప్పుకొని షూటింగ్ వెళ్లాను. నాకు మిగతా పాత్రల గురించి తెలియదు. అయినా, సీన్లో డైలాగు చెప్పా. డైరెక్టర్ మాత్రం వన్మోర్, వన్మోర్ అంటూనే ఉన్నారు. టేక్లను ఏ, బీ, సీల్లో చెప్పారు. నాకు ఇబ్బందిగా అనిపించింది. సీన్ ఓకే అయినా కూడా చెప్పకుండా వెళ్లిపోయారు. ఆ తర్వాత నేనే ఆయన వద్దకు వెళ్లి కథ, పాత్రల గురించి చెబితే బాగుంటుందని అడిగా. మరుసటి రోజు పాత్రల గురించి తెలుసుకొని నటించడం మొదలుపెట్టా. నాలుగైదు టేకుల్లో సీన్స్ ఓకే అయ్యేవి.
తెలుగు ఇండస్ట్రీలో ఏ హీరో ఇష్టం? ఏ డైరెక్టర్ ఇష్టం?
సంపత్ రాజ్: అందరూ ఇష్టమే. అందరు హీరోలతో పనిచేశా. డైరెక్టర్లలో కొరటాల శివ, త్రివిక్రమ్, కల్యాణ్ కృష్ణ, భీష్మ డైరెక్టర్ వెంకీ నచ్చుతారు. త్రివిక్రమ్తో కూర్చొని ఎన్నో విషయాల గురించి మాట్లాడొచ్చు.
ఫస్ట్ ఏ సినిమాతో కెమెరా ముందుకొచ్చారు?
సంపత్ రాజ్: కన్నడలో ‘బీంబా’ అనే చిత్రం. అదో ఆర్ట్ సినిమా. దాని డైరెక్టర్ కవితా లంకేశ్. ఆమె వచ్చి ‘నా తర్వాతి కమర్షియల్ సినిమాలో ఒక అమ్మాయికి తండ్రి పాత్రలో నటిస్తావా?’అని అడిగారు. అప్పటికి నా వయసు 32 ఏళ్లే. అయినా సరే.. నటుడిని అవ్వాలనుకున్నా. 60 ఏళ్ల వృద్ధుడి పాత్ర ఇచ్చినా చేస్తానని చెప్పా.
మీ నటన చూసిన ఓ పెద్ద డైరెక్టర్ మీ వద్దకు వచ్చి చెన్నైలోనే ఉండు అన్నారట. ఎవరా డైరెక్టర్?
సంపత్ రాజ్: కె. బాలచందర్ గారు. నా తొలి తమిళ చిత్రం ‘నిరంజ మనసు’కి దర్శకుడు సముద్రఖని. అతడు కేబీ సర్ వద్ద పనిచేశారు. అలా ఆయన కోసం ప్రత్యేక షో వేశారు. సినిమా చూశాక ఆయన నాకు షేక్హ్యాండ్ ఇచ్చి.. చెన్నై వదిలి వెళ్లొద్దని చెప్పారు. ఒక లెజెండరీ పర్సన్ నాకు అలా చెప్పడం ఒక అవార్డులా భావిస్తాను.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
నా జీవితంలో ఇదే రిస్కీ సినిమా
‘క్రూ’.. ఇటీవలే విడుదలైన ఈ సినిమాతో మంచి విజయాన్ని తన ఖాతాలో వేసుకుంది బాలీవుడ్ భామ కృతిసనన్. ఇందులో ఎయిర్హోస్టెస్ పాత్రలో కనిపించి సినీప్రియుల్ని మెప్పించింది. -
ఆ విషయంలో అల్లరి నరేశ్ను పట్టుబట్టా: నాని
నరేశ్ హీరోగా తెరకెక్కిన కామెడీ ఫిల్మ్ ‘ఆ ఒక్కటీ అడక్కు’. ఈ సినిమా ట్రైలర్ ఈవెంట్లో నాని సందడి చేశారు. -
అలాంటి మాటలు చెప్పే అలవాటు లేదు
‘పొలిమేర’ సిరీస్ సినిమాలతో అందర్నీ మెప్పించి సత్తా చాటారు సత్యం రాజేశ్. ఇప్పుడాయన హీరోగా నటించిన చిత్రం ‘టెనెంట్’. వై.యుగంధర్ తెరకెక్కించిన ఈ సినిమాని మోగుళ్ల చంద్రశేఖర్ రెడ్డి నిర్మించారు. -
చరణ్, జాన్వీ ‘జగదేక వీరుడు అతిలోక సుందరి’ సీక్వెల్ చేయాలన్నది నా కల: చిరంజీవి
‘జగదేక వీరుడు అతిలోక సుందరి’ రెండో భాగంలో రామ్చరణ్, జాన్వీకపూర్ కలిసి నటిస్తే చూడాలన్నది తన కల అని, దానికోసం ఎదురుచూస్తున్నానని అగ్ర కథానాయకుడు చిరంజీవి (Chiranjeevi) అన్నారు. -
హీరో ఒక్కడే థియేటర్లలోకి రప్పించలేడు
‘సినిమాలో పెద్ద హీరో ప్రధాన పాత్రధారిగా ఉన్నంతమాత్రాన ప్రేక్షకుడిని థియేటర్లలోకి రప్పించలేం. కథే సిసలైన హీరో’ అంటోంది కృతి సనన్. -
ఆ అవకాశం ఉంటే చెన్నై వదిలి ఇక్కడే సినిమాలు చేస్తా!
వైవిధ్యభరితమైన థ్రిల్లర్ కథలకు చిరునామాగా నిలుస్తుంటారు విజయ్ ఆంటోని. ఇప్పుడాయన తొలిసారి రొమాంటిక్ జానర్లో ‘లవ్ గురు’ అనే చిత్రం చేశారు. ఆయన స్వయంగా నిర్మించిన ఈ సినిమాని వినాయక్ వైద్యనాథన్ తెరకెక్కించారు. -
ఆ దిగ్గజ నటుడు నాకు ఆరాధ్య దైవంతో సమానం: మురళీ మోహన్
సినీ నటుడు మురళీ మోహన్ తాజాగా ‘ఆలీతో సరదాగా’లో పాల్గొన్నారు. ఆయన జీవితంలోని కొన్ని ఆసక్తికర అంశాలను పంచుకున్నారు. -
ఆ మాటలతోనే స్టార్నయ్యా.. ఇప్పటికీ షాంపూ బాటిల్లో నీళ్లు పోసి వాడుతుంటా!: చిరంజీవి
కెరీర్ పరంగా తాను ఎదుర్కొన్న సవాళ్లు, తన కుటుంబం, పొదుపుపై ఆసక్తికర వ్యాఖ్యలు చేశారు అగ్ర కథానాయకుడు చిరంజీవి (Chiranjeevi). -
చిరంజీవితో ఆ పాటకు డ్యాన్స్ వేయడం కష్టంగా అనిపించింది: రాధ
నటి రాధ ‘ఆలీతో సరదాగా’ కార్యక్రమానికి హాజరయ్యారు. ఆమె కెరీర్కు సంబంధించిన ఆసక్తికర విషయాలు పంచుకున్నారు. -
Prithviraj Sukumaran: అందుకు మలయాళ ఇండస్ట్రీ నాపై అసూయ పడిందేమో: పృథ్వీరాజ్ సుకుమారన్
తన కొత్త సినిమా ‘ఆడుజీవితం’ ప్రచారంలో భాగంగా హైదరాబాద్కు వచ్చారు మలయాళ నటుడు పృథ్వీరాజ్ సుకుమార్. ఆ చిత్రం గురించి పలు విశేషాలు పంచుకున్నారు. -
alitho saradaga: డబ్బులు అడుగుతానేమోనని కొందరు తప్పించుకు తిరిగేవాళ్లు: పుల్లెల గోపీచంద్
ప్రముఖ బ్యాడ్మింటన్ కోచ్ పుల్లెల గోపీచంద్ ఆలీతో సరదాగా కార్యక్రమానికి వచ్చారు. చాముండేశ్వర నాథ్తో కలిసి ఆయన చెప్పిన సంగతులేంటంటే.. -
Anupama Parameswaran: అందుకు బోర్ ఫీలయ్యా.. గ్లామర్ డోస్పై స్పందించిన అనుపమ
సిద్ధు జొన్నలగడ్డ, అనుపమ జంటగా నటించిన చిత్రం ‘టిల్లు స్క్వేర్’. ఈ సినిమా సాంగ్ లాంచ్ ఈవెంట్లో హైదరాబాద్లో జరిగింది. -
Priyadarshi: స్వచ్ఛమైన హాస్యంతో సినిమా ఓ పెద్ద సవాల్
‘‘కథానాయకుడు అనగానే ఒక ప్రత్యేకమైన ఇమేజ్కి పరిమితం చేసినట్టు ఉంటుంది. స్వేచ్ఛగా ఉండలేను. నన్ను నేను ఓ నటుడిగా చూసుకోవడానికే ఇష్టపడతా’’ అన్నారు ప్రియదర్శి. -
Sivaji: ఆలీ అన్నా.. దయచేసి ఎన్నికల్లో పోటీ చేయొద్దు: శివాజీ
ఇప్పటి రోజుల్లో రాజకీయాలు వ్యాపారంగా మారాయన్నారు నటుడు శివాజీ. డబ్బులు ఖర్చుపెట్టడంతోపాటు వివిధ మార్గాల్లో ఆ మొత్తాన్ని తిరిగి లాక్కొనేవారికే పాలిటిక్స్ సెట్ అవుతాయన్నారు. -
Allari Naresh: ‘ఆ ఒక్కటీ అడక్కు’ టైటిల్.. ఆ ఉద్దేశంతో పెట్టలేదు : అల్లరి నరేశ్
నరేశ్ హీరోగా రూపొందిన తాజా చిత్రం ‘ఆ ఒక్కటీ అడక్కు’. ఈ సినిమా టీజర్ లాంచ్ ఈవెంట్లో నరేశ్ పాల్గొని సందడి చేశారు. -
Raghu Karumanchi: స్టాక్మార్కెట్.. రూ.కోట్లలో నష్టపోయా: రఘు
ఈటీవీలో ప్రసారమవుతోన్న సెలబ్రిటీ టాక్ షో ‘చెప్పాలని ఉంది’ (Cheppalani Vundi). బాలాదిత్య వ్యాఖ్యాతగా వ్యవహరిస్తోన్న ఈ కార్యక్రమంలో తాజాగా టాలీవుడ్ హాస్యనటుడు రఘు కారుమంచి (Raghu Karumanchi) పాల్గొన్నారు. తన కెరీర్ విశేషాలు పంచుకున్నారు. -
Akash Puri: అప్పటి వరకు నాన్న దర్శకత్వంలో నటించను: ఆకాశ్ పూరి
తన తండ్రి పూరి జగన్నాథ్ దర్శకత్వంలో ప్రస్తుతానికి నటించాలనుకోవడంలేదని నటుడు ఆకాశ్ తెలిపారు. హైదరాబాద్లో నిర్వహించిన ప్రెస్మీట్లో ఆయన మాట్లాడారు. -
Suhaas: రూ.3 కోట్ల రెమ్యూనరేషన్.. సుహాస్ ఏమన్నారంటే!
తాజాగా ‘ప్రసన్నవదనం’ టీజర్ లాంచ్ ఈవెంట్ జరిగింది. ఇందులో సుహాస్ తన రెమ్యూనరేషన్పై స్పందించారు. -
Gopichand: ఆ పిల్లల చదువుకు సాయం చేస్తున్నా.. చెప్పకపోవడానికి కారణమదే: గోపీచంద్
ప్రముఖ హాస్యనటుడు ఆలీ వ్యాఖ్యాతగా ఈటీవీ వేదికపై విశేష ఆదరణ సొంతం చేసుకున్న సెలబ్రిటీ టాక్ షో ‘ఆలీతో సరదాగా’ (Alitho Saradaga). ఈ షో సెకండ్ సీజన్ తాజాగా మొదలైంది. తొలి ఎపిసోడ్కు గోపీచంద్ (Gopichand) అతిథిగా విచ్చేశారు. -
Gopichand: భీమా ప్రేక్షకుల మదిలో నిలిచిపోయే పాత్ర: గోపీచంద్
భీమా ప్రమోషన్స్లో భాగంగా హీరో గోపీచంద్ ఇటీవల ఓ ఇంటర్వ్యూలో మాట్లాడారు. -
మూఢ నమ్మకాలు లేని దెయ్యం సినిమా ‘వళరి’
‘హారర్ సినిమాల సంఖ్య తగ్గుతున్న సమయంలో.. ఆ లోటును ‘వళరి’ చిత్రం తీర్చేయడానికి త్వరలో రాబోతుంది’ అంటున్నారు దర్శకురాలు మ్రితికా సంతోషిణి. దర్శకురాలిగా ఆమె రూపొందించిన తొలి చిత్రమిది. రితికా సింగ్, శ్రీరామ్ ప్రధాన పాత్రల్లో నటించారు.
తాజా వార్తలు (Latest News)
-
రేమండ్ వివాదం.. డైరెక్టర్గా నవాజ్ మోదీ తొలగింపు!
-
అలా చేయాలని చెబితే.. భారత్ నుంచి వెళ్లిపోతాం: వాట్సప్
-
ట్రావిస్ హెడ్ బలహీనతను పట్టిన బెంగళూరు..!
-
విజయ్ మాల్యా అటుగా వస్తే మాకు అప్పగించండి: ఫ్రాన్స్కు భారత్ విజ్ఞప్తి
-
‘ఫ్రీజింగ్ ఎగ్స్’ విధానం మంచిదే: మృణాల్ ఠాకూర్ ఆసక్తికర వ్యాఖ్యలు
-
100% వీవీప్యాట్ స్లిప్ల లెక్కింపు కుదరదు: పిటిషన్లు కొట్టేసిన సుప్రీం