anushka shetty: అప్పుడే మొదలైంది

కొన్నేళ్లుగా అనుష్క కథల ఎంపికలో ఆచితూచి అడుగులేస్తోంది. నిదానమే ప్రధానం అన్నట్లు ఒకటి తర్వాత ఒకటిగా సినిమాలు చేసుకుంటూ వెళ్తోంది. ఆమె గతేడాది ‘మిస్‌ శెట్టి మిస్టర్‌ పొలిశెట్టి’ చిత్రంతో ప్రేక్షకుల్ని మురిపించింది. ఆ తర్వాత మళ్లీ ఇంత వరకు మరో కొత్త కబురు వినిపించలేదు. అయితే ఆమె ఇప్పటికే నిశ్శబ్దంగా తెలుగులో ఓ సినిమాని పట్టాలెక్కించినట్లు తెలిసింది. ఇది ప్రముఖ దర్శకుడు క్రిష్‌ జాగర్లమూడి దర్శకత్వంలో రూపొందుతున్నట్లు సమాచారం. దీన్ని యూవీ క్రియేషన్స్‌ సంస్థ నిర్మిస్తున్నట్లు తెలుస్తోంది. క్రిష్‌ శైలికి తగ్గ ఓ బలమైన కథాంశంతో ఈ చిత్రం తెరకెక్కుతోందని.. సవాల్‌తో కూడిన పాత్రను స్వీటీ పోషిస్తోందని ప్రచారం వినిపిస్తోంది. చిత్రీకరణ దశలో ఉన్న ఈ సినిమాని త్వరలో అధికారికంగా ప్రకటించనున్నారు. అనుష్క ప్రస్తుతం మలయాళంలో ‘కథనార్‌’ అనే చిత్రంలో నటిస్తోంది.