Bhagwant Kesari: కేసరిని ఢీకొట్టే రాహుల్‌ సంఘ్వి

బాలకృష్ణ కథానాయకుడిగా అనిల్‌ రావిపూడి దర్శకత్వంలో తెరకెక్కుతున్న చిత్రం ‘భగవంత్‌ కేసరి’. కాజల్‌ కథానాయిక. శ్రీలీల ముఖ్యభూమిక పోషిస్తున్నారు. సాహు గారపాటి, హరీష్‌ పెద్ది సంయుక్తంగా నిర్మిస్తున్నారు. అక్టోబరు 19న ప్రేక్షకుల ముందుకు రానున్న ఈ సినిమాలో ప్రతినాయకుడిగా బాలీవుడ్‌ నటుడు అర్జున్‌ రాంపాల్‌.. రాహుల్‌ సంఘ్వి అనే పాత్రలో నటిస్తున్నారు. ఆయనపై సన్నివేశాల చిత్రీకరణ ఇటీవలే పూర్తయింది. ఈ సందర్భంగా అర్జున్‌ రాంపాల్‌.. ‘భగవంత్‌ కేసరి’ అనుభవాల్ని సామాజిక మాధ్యమాల ద్వారా పంచుకున్నారు. ‘‘తొలి తెలుగు సినిమా కావడంతో మొదట భయపడ్డా. కానీ పెద్దన్నయ్యలాంటి బాలకృష్ణ ఉత్సాహం, ప్రేమ... తమ్ముడిలాంటి అనిల్‌ రావిపూడి ప్రేమ కారణంగా చిత్రీకరణ చాలా బాగా సాగింది’’ అంటూ వ్యాఖ్య చేశారు. ఈ చిత్రానికి సంగీతం: తమన్‌.