Ashokavanamlo Arjuna Kalyanam Review: రివ్యూ: అశోకవనంలో అర్జున కళ్యాణం
Ashokavanamlo Arjuna Kalyanam Review: విశ్వక్సేన్ కీలక పాత్రలో నటించిన ‘అశోకవనంలో అర్జున కల్యాణం’ ఎలా ఉందంటే?
Ashokavanamlo Arjuna Kalyanam review: నటీనటులు: విశ్వక్సేన్, రుక్సార్ థిల్లాన్, రితికా నాయక్, గోపరాజు రమణ, కేదార్ శంకర్, కాదంబరి కిరణ్ తదితరులు; సంగీతం: జయ్ క్రిష్; సినిమాటోగ్రఫీ: పవి కె పవన్; నిర్మాతలు: భోగవల్లి బాపినీడు, సుధీర్ ఈదర; కథ, మాటలు, కథనం, షో రన్నర్: రవి కిరణ్ కోలా; దర్శకత్వం: విద్యాసాగర్ చింతా; విడుదల: 06-05-2022
కొన్ని సినిమాలు కథ, కథనం, కాన్సెప్ట్, కాస్టింగ్తో క్రేజ్ తెచ్చుకుంటాయి. ఇంకొన్ని సినిమాలు వివాదాలతో క్రేజ్ సంపాదిస్తాయి. అలా ఇటీవల కాలంలో టాక్ ఆఫ్ ది టౌన్గా నిలిచిన చిత్రం ‘అశోక వనంలో అర్జున కళ్యాణం’. విశ్వక్సేన్ కథానాయకుడిగా తెరకెక్కిన ఈ సినిమా ఈ రోజు ప్రేక్షకుల ముందుకొచ్చింది. నిజానికి వివాదానికి ముందు కూడా ఈ సినిమా కాన్సెప్ట్ అట్రాక్టివ్గానే ఉండేది. అదే లేటు వయసులో వివాహం. మరి సినిమా ఎలా ఉంది? అందులో ఏం చెప్పారు? ఏం చూపించారు? అల్లం అర్జున్ మెప్పించాడా? చూద్దాం!
కథేంటంటే: సినిమా ట్రైలర్లో ఇప్పటికే మీరు కథ చూసి ఉంటారు. అయితే కథ అదొక్కటే అనుకుంటే పప్పులో కాలేసినట్లే. లేటు వయసు వివాహంతో పాటు సినిమాలో సమాజంలోని మరో కీలక అంశాన్ని కూడా ప్రస్తావించారు. కథలోకి వెళ్తే... అల్లం అర్జున్ కుమార్ అలియాస్ అర్జున్ (విశ్వక్సేన్) సూర్యాపేటలో వడ్డీ వ్యాపారం చేసుకుంటూ ఉంటాడు. వాళ్ల వర్గంలో అమ్మాయిలు తక్కువగా ఉండటం తదితర కారణాల వల్ల పెళ్లి సంబంధం కుదరడం కష్టమవుతుంది. దీంతో 33 ఏళ్లు వచ్చినా పెళ్లి అవ్వదు. ఆఖరికి గోదావరి జిల్లాలో ఓ సంబంధం సెట్ అవుతుంది. ఆమే మాధవి (రుక్సార్). అక్కడ నిశ్చితార్థం అయ్యాక అర్జున్కి షాకింగ్ విషయం తెలుస్తుంది. అదేంటి, ఆ తర్వాత ఏం జరిగింది. అర్జున్ - మాధవిల కథలో వసుధ (రితికా నాయక్) ఎందుకొచ్చింది అనేదే కథ.
ఎలా ఉందంటే: వరుసగా పాన్ ఇండియా సినిమాలు, మాస్ సినిమాలు చూస్తున్న తెలుగు ప్రేక్షకులు.. ఈ హాట్ సమ్మర్లో కూల్గా క్లాస్ సినిమా పడితే బాగుండు అని అనుకుంటున్న రోజులివి. అలాంటి సమయంలో ‘అశోకవనంలో అర్జున కళ్యాణం’ అంటూ అచ్చ తెలుగు పేరుతో ఓ సినిమా వచ్చింది. పేరుకు తగ్గట్టే సినిమా ఆకట్టుకునేలానే సాగింది. సమాజంలో యువత ఎదుర్కొంటున్న రెండు కీలక సమస్యల్ని సినిమాలో చర్చించారు దర్శకుడు. పెళ్లి ఎవరి కోసం చేసుకోవాలి? సమాజం కోసమా? మన బంధువులు, ఇరుగు పొరుగు అడుగుతున్నారనా? పెళ్లి ఎప్పుడు చేసుకోవాలి? మనసుకు నచ్చిన అమ్మాయి దొరికినప్పుడా? లేదంటే 30 ఏళ్లు వచ్చాయి కాబట్టి వచ్చిన సంబంధం చేసుకోవాలా? ఈ ప్రశ్నకు సమాధానం సినిమాలో చూడొచ్చు.
‘అశోకవనంలో అర్జున కళ్యాణం’ ఒక సాదాసీదా కథ అని చెప్పొచ్చు. సహజత్వానికి చాలా దగ్గరగా సినిమా ఉండేలా చూసుకున్నారు. సినిమాలో చూపించిన అంశాలు, చర్చించిన విషయాలు, నాయకానాయికల పాత్ర చిత్రణ.. ఇలా అన్నీ సమాజంలోని కీలక అంశాల్ని స్పృశిస్తాయి. ఇంటర్వెల్ వరకు సినిమా ఒక ఫ్లోలో ఉంటే, విరామం తర్వాత మరో ఫ్లోకి వెళ్తుంది. ఇదేంటి ఇలా తీసుకెళ్తున్నారు అనుకునేలోగా ఆ కథను బలంగా ముగించారు. థియేటర్ నుండి బయటకు వచ్చినప్పుడు గుండెల నిండా కొన్ని మధురమైన అనుభూతుల్ని నింపుకొని రావొచ్చు.
ఎవరెలా చేశారంటే: విశ్వక్సేన్ అంటే మాస్ తెలంగాణ పోరడు. ఇప్పటివరకు ఆయన చేసిన పాత్రలన్నీ ఇలాంటివే. ఈ ఇమేజ్ నుండి దూరంగా జరుగుతూ, అన్నింటికి జంకుతూ, పెళ్లి కోసం నానా మాటలు పడే 33 ఏళ్ల కుర్రాడిగా కనిపిస్తాడు. ఈ సినిమా కోసం విశ్వక్సేన్ బరువు పెరిగాడు. ఎందుకు పెరిగాడు అనేది సినిమాలో కచ్చితంగా కనిపిస్తుంది. అంతేకాదు ఆయన కష్టం మెప్పిస్తుంది కూడా. రుక్సార్ పాత్ర ఓ రబ్బరు బొమ్మను తలపించింది అని చెప్పొచ్చు. పెద్దగా మార్కులేమీ సంపాదించలేదు. ఇక సినిమాలో సర్ప్రైజ్ గిఫ్ట్ అంటే రితికా నాయక్. తొలి భాగంలో అల్లరిగా ఉంటూనే బాధ్యత గల యువతిగా కనిపిస్తుంది. ద్వితీయార్ధానికి వచ్చేసరికి తన టాలెంట్ గట్టిగానే చూపించింది. ఆమె పాత్ర చిత్రణ అదిరిపోయింది అని చెప్పొచ్చు.
ఈ మూడు పాత్రలు కాకుండా సినిమాలో ఇంకొన్ని మరిచిపోలేని క్యారెక్టర్స్ ఉన్నాయి. ‘మిడిల్ క్లాస్ మెలోడీస్’తో అదరగొట్టిన గోపరాజు రమణ మరోసారి ఈ సినిమాలో తన సత్తా చాటారు. తనకు మాత్రమే సాధ్యమయ్యేలా ఆ కోపిష్టి పాత్రతో మెప్పించారు. విశ్వక్సేన్ తండ్రి పాత్రలో కేదార్ శంకర్ మెప్పించారు. వీళ్లు కాకుండా హడావుడి మావయ్యగా కాదంబరి కిరణ్, ఫొటో గ్రాఫర్గా రాజ్కుమార్ చౌదరి చక్కటి నటనను కనబరిచారు. విశ్వక్సేన్ సోదరిగా విద్య శివలెంక మెప్పించారు. తమిళ హీరో అశోక్ సెల్వన్, వెన్నెల కిషోర్ అతిథి పాత్రల్లో మెరిశారు.
సినిమాలో నటీనటుల కష్టం ఎంతుందో, సాంకేతిక నిపుణుల కష్టమూ అంతే ఉంది. సినిమా స్టార్టింగ్ నుంచి ఆఖరి వరకు జయ్ క్రిష్ సంగీతం చెవులకు వినసొంపుగా ఉంటుంది. గోదావరి అందాలను, నటీనటుల భావోద్వేగాలను చాలా అందంగా చూపించారు సినిమాటోగ్రాఫర్ పవన్. రవికిరణ్ కోలా కథ ఎంత చక్కగా ఉందో మాటలూ అంతే పొందికగా ఉన్నాయి. పంచ్ డైలాగ్లు లాంటివి ఎక్స్పెక్ట్ చేయకుండా, గోదావరి చణుకులు, సెటైర్లు చూడొచ్చు. ఒకటి రెండు మనసుకు హత్తుకునే డైలాగ్లు సెకండాఫ్లో పడతాయి. అయితే సమస్య ఒక్కటే. ఫీల్ గుడ్ మూవీ అంటే స్లో నెరేషన్ ఉండాలి అనుకున్నట్లుగా చాలా నెమ్మదిగా సాగింది స్క్రీన్ప్లే. చాలా వరకు సన్నివేశాలను మూడ్ను బిల్డప్ చేయడానికి రాసుకున్నట్లు కనిపిస్తాయి. దాంతో ప్రేక్షకులు కుర్చీలో కాస్త ఇబ్బందిగా కూర్చునే పరిస్థితి కూడా వస్తుంది. దానికితోడు జనతా కర్ఫ్యూ, లాక్డౌన్ నేపథ్యం తీసుకోవడంతో అప్పటి కథనా అనే చిన్న ఫీల్ ప్రేక్షకుడి బుర్రలోకి వస్తుంది.
బలాలు
+ విశ్వక్సేన్ నటన
+ ఫీల్ గుడ్ ఫ్యాక్టర్
+ క్లీన్ కామెడీ
బలహీనతలు
- అక్కడక్కడా సాగదీతగా అనిపించే సన్నివేశాలు
- పాత్రలు ఎక్కడో చూసినట్లు అనిపించడం
చివరిగా: ‘అశోకవనంలో అర్జునకళ్యాణం’ వేసవిలో చల్లటి వినోదం
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: ఆవేశం.. రూ.150 కోట్లు వసూలు చేసిన మలయాళ బ్లాక్ బస్టర్ ఎలా ఉంది?
ఫహద్ ఫాజిల్ కీలక పాత్రలో నటించిన మలయాళ సూపర్హిట్ మూవీ ‘ఆవేశం’ మెప్పించిందా? -
రివ్యూ: ప్రణయ విలాసం.. ‘ప్రేమలు’ హీరోయిన్ నటించిన సినిమా ఎలా ఉందంటే?
మమితా బైజు, అర్జున్ అశోకన్ తదితరులు ప్రధాన పాత్రల్లో నటించిన చిత్రం ‘ప్రణయ విలాసం’. ‘ఈటీవీ విన్’లో స్ట్రీమింగ్ అవుతున్న ఈ సినిమా కథేంటంటే? -
రివ్యూ : బాక్.. తమన్నా, రాశీఖన్నాల హారర్ మూవీ ఎలా ఉంది
baak movie review: ‘అరణ్మనై’ సిరీస్లో నాలుగో భాగంగా వచ్చిన ‘బాక్’మూవీ సినీ ప్రేక్షకులను మెప్పించిందా? -
రివ్యూ: ఆ ఒక్కటీ అడక్కు.. అల్లరి నరేష్ ఖాతాలో హిట్ పడిందా?
aa okkati adakku review: అల్లరి నరేష్, ఫరియా జంటగా నటించిన కామెడీ ఎంటర్టైనర్ మెప్పించిందా. -
రివ్యూ: శబరి.. వరలక్ష్మీ శరత్కుమార్ నటించిన థ్రిల్లర్ ఎలా ఉంది?
sabari movie review in telugu: వరలక్ష్మీ శరత్కుమార్, గణేశ్ వెంట్రామన్ కీలక పాత్రల్లో నటించిన ‘శబరి’ మెప్పించిందా? -
రివ్యూ: ప్రసన్నవదనం.. సుహాస్ ఖాతాలో హిట్ పడిందా?
సుహాస్ కీలక పాత్రలో ఫేస్ బ్లైండ్నెస్ కాన్సెప్ట్తో రూపొందిన థ్రిల్లర్ మూవీ ఎలా ఉంది. -
రివ్యూ హీరామండి: ది డైమండ్ బజార్.. సంజయ్లీలా భన్సాలీ ఫస్ట్ వెబ్సిరీస్ ఎలా ఉంది?
భారీ తారాగణంతో సంజయ్లీలా భన్సాలీ దర్శకత్వంలో రూపొందిన వెబ్సిరీస్ మెప్పించిందా? -
రివ్యూ: క్రాక్.. విద్యుత్ జమ్వాల్ స్పోర్ట్స్ యాక్షన్ ఫిల్మ్ ఎలా ఉందంటే?
విద్యుత్ జమ్వాల్ నటించిన స్పోర్ట్స్ యాక్షన్ మూవీ ‘క్రాక్’. ఓటీటీ ‘డిస్నీ+ హాట్స్టార్’లో స్ట్రీమింగ్ అవుతోంది. -
రివ్యూ: రత్నం.. విశాల్ నటించిన యాక్షన్ డ్రామా మెప్పించిందా?
Rathnam movie review: విశాల్ కథానాయకుడిగా హరి దర్శకత్వంలో వచ్చిన యాక్షన్ ఫిల్మ్ తెలుగు ప్రేక్షకులను మెప్పించిందా? -
రివ్యూ: ఆర్టికల్ 370.. యామి గౌతమ్, ప్రియమణి నటించిన పొలిటికల్ థ్రిల్లర్ ఎలా ఉంది?
యామి గౌతమ్, ప్రియమణి నటించిన పొలిటికల్ థ్రిల్లర్ మెప్పించిందా? -
రివ్యూ: మై డియర్ దొంగ.. అభినవ్ గోమఠం నటించిన సినిమా ఎలా ఉందంటే?
అభినవ్ గోమఠం, శాలిని కొండెపూడి ప్రధాన పాత్రల్లో నటించిన చిత్రం ‘మై డియర్ దొంగ’. ఓటీటీ ‘ఆహా’లో విడుదలైన ఈ సినిమా రివ్యూ మీ కోసం.. -
రివ్యూ: సైరెన్.. జయం రవి, కీర్తి సురేశ్ యాక్షన్ థ్రిల్లర్ ఎలా ఉంది?
siren movie review: జయం రవి కథానాయకుడిగా ఆంటోనీ భాగ్యరాజా దర్శకత్వంలో వచ్చిన ‘సైరెన్’ మూవీ తెలుగులో మెప్పించిందా? -
రివ్యూ: పారిజాత పర్వం.. క్రైమ్ కామెడీ థ్రిల్లర్ ఎలా ఉంది?
Paarijatha Parvam Review; చైతన్యరావు, సునీల్, శ్రద్ధాదాస్ కీలక పాత్రల్లో నటించిన క్రైమ్ థ్రిల్లర్ మెప్పించిందా? -
రివ్యూ: ఆట్టం.. మలయాళ సస్పెన్స్ డ్రామా ఎలా ఉంది?
వినయ్, కళాభవన్ షాజాన్, జరీన్ షిహబ్ కీలక పాత్రల్లో నటించిన ‘ఆట్టం’ ఎలా ఉంది? -
రివ్యూ: డియర్.. భార్య గురకపెట్టే కాన్సెప్ట్తో రూపొందిన ఈ మూవీ మెప్పించిందా?
DeAr Movie 2024 Review: జీవీ ప్రకాష్కుమార్, ఐశ్వర్య రాజేశ్ కీలక పాత్రల్లో నటించిన ‘డియర్’ మూవీ మెప్పించిందా? -
రివ్యూ: శ్రీ రంగనీతులు.. సుహాస్, కార్తీక్ రత్నంల కొత్త మూవీ మెప్పించిందా?
sri ranga neethulu review: తాజాగా ప్రేక్షకుల ముందుకు వచ్చిన ‘శ్రీరంగ నీతులు’ మూవీ ఎలా ఉంది? -
రివ్యూ: బడే మియా ఛోటే మియా.. అక్షయ్, టైగర్ ష్రాఫ్ నటించిన యాక్షన్ థ్రిల్లర్ ఎలా ఉంది?
అలీ అబ్బాస్ జాఫర్ దర్శకత్వంలో అక్షయ్, టైగర్ ష్రాఫ్ కీలక పాత్రల్లో నటించిన ‘బడే మియా ఛోటే మియా’ మెప్పించిందా? -
రివ్యూ: గీతాంజలి మళ్ళీ వచ్చింది.. హారర్ కామెడీ థ్రిల్లర్ ఎలా ఉంది?
అంజలి కీలక పాత్రలో నటించిన హారర్ కామెడీ థ్రిల్లర్ ‘గీతాంజలి మళ్ళీ వచ్చింది’ ప్రేక్షకులను మెప్పించిందా? -
రివ్యూ: లవ్గురు.. విజయ్ ఆంటోనీ మూవీ ఎలా ఉంది?
Love Guru Review: విజయ్ ఆంటోని, మృణాళిని రవి కీలక పాత్రల్లో నటించిన న్యూఏజ్ ఫ్యామిలీడ్రామా మెప్పించిందా? -
రివ్యూ: మైదాన్.. అజయ్ దేవ్గణ్ కీలక పాత్రలో నటించిన స్పోర్ట్స్ డ్రామా మెప్పించిందా?
భారత ఫుట్బాల్ కోచ్ అబ్దుల్ సయ్యద్ రహీం జీవిత చరిత్ర ఆధారంగా రూపొందిన ‘మైదాన్’ మూవీ ఎలా ఉంది? -
రివ్యూ: ప్రాజెక్ట్-Z.. సందీప్ కిషన్, లావణ్య త్రిపాఠి సైన్స్ ఫిక్షన్ థ్రిల్లర్ ఎలా ఉంది?
Project Z Movie Review: ఏడేళ్ల కిందట తమిళంలో విడుదలై తాజాగా తెలుగు ప్రేక్షకుల ముందుకు వచ్చిన ‘ప్రాజెక్ట్-Z’ ప్రేక్షకులను మెప్పించిందా?
తాజా వార్తలు (Latest News)
-
భార్య ఉండగా సహజీవనం చేసేందుకు ఇస్లాం అనుమతించదు
-
విశాఖలో సీఎస్ జవహర్రెడ్డి రహస్య పర్యటన?
-
కదులుతున్న మెట్రోలో బాలుడిపై లైంగిక వేధింపులు
-
చీరలో అదాశర్మ హొయలు.. ఈవెంట్లో మౌనీరాయ్ పోజులు
-
పూర్వ వైభవానికి బైజూస్ పాట్లు.. కోర్సు ఫీజు తగ్గింపు!
-
కెనడా ఏ ఆధారాలూ ఇవ్వలేదు.. నిజ్జర్ హత్య కేసుపై భారత్