Dhee 14: కంటెస్టెంట్‌కి జానీ మాస్టర్‌ స్పెషల్ గిఫ్ట్

హైదరాబాద్‌: ‘నందీకొండా వాగుల్లోనా’ అనే పాటకు డ్యాన్స్‌ చేసి.. తన మూమెంట్స్‌తో అందర్నీ మెప్పించిన ఓ కంటెస్టెంట్‌కు కొరియోగ్రాఫర్‌ జానీ మాస్టర్‌ ఓ స్పెషల్‌ గిఫ్ట్‌ ఇచ్చారు. డ్యాన్స్‌తో మెప్పించిన ఆమెకు ఖరీదైన జాకెట్‌ బహుమతిగా ఇస్తున్నట్లు చెప్పారు. ఆయన మాటలతో కంటెస్టెంట్‌తోపాటు టీమ్‌ మొత్తం ఆనందం వ్యక్తం చేసింది. ఈ మంచి కార్యక్రమానికి ‘ఢీ 14’ వేదికైంది. ప్రదీప్‌ వ్యాఖ్యాతగా ప్రతి బుధవారం ఈటీవీలో ప్రసారమయ్యే డ్యాన్స్‌ షో ‘ఢీ14’. ప్రియమణి, జానీ మాస్టర్‌, నందితా శ్వేత న్యాయనిర్ణేతలుగా వ్యవహరిస్తోన్న ఈ షో లేటస్ట్‌ ప్రోమో విడుదలైంది. ప్రదీప్‌, హైపర్‌ ఆది, అఖిల్‌, రవికృష్ణ, నవ్యస్వామిల కామెడీ టైమింగ్‌తో ఎప్పటిలాగానే వచ్చేవారం ఎపిసోడ్‌లోనూ ఫుల్‌ ఎంటర్‌టైన్‌మెంట్‌ ఉండనున్నట్లు ప్రోమో చూస్తే తెలుస్తోంది. మరి, రానున్న ఎపిసోడ్‌లో ఎవరు డ్యాన్స్‌తో మెప్పించనున్నారు? ఏ టీమ్‌ టాప్‌లోకి రానుంది?