Game Changer: గేమ్‌ ఛేంజర్‌ ఆ రోజేేనా?

రామ్‌చరణ్‌ కథానాయకుడిగా శంకర్‌ రూపొందిస్తున్న పాన్‌ ఇండియా చిత్రం ‘గేమ్‌ ఛేంజర్‌’. దిల్‌రాజు నిర్మిస్తున్నారు. కియారా అడ్వాణీ కథానాయిక. చిత్రీకరణ దశలో ఉన్న ఈ సినిమా వచ్చే ఏడాది ప్రేక్షకుల ముందుకు రానుంది. ఈ విషయంపై దిల్‌రాజు స్పందించారు. ఇటీవల ‘సలార్‌’ చిత్రం వీక్షించడం కోసం థియేటర్‌కు వచ్చిన ఆయన్ని పలువురు అభిమానులు ‘గేమ్‌ ఛేంజర్‌’ విడుదలెప్పుడని ప్రశ్నించగా.. ‘‘సెప్టెంబరులో’’ అంటూ బదులిచ్చి వెళ్లిపోయారు. ఆయన వ్యాఖ్యల్ని బట్టి దీన్ని వినాయక చవితి సందర్భంగా విడుదల చేసేందుకు సన్నాహాలు చేస్తున్నట్లు తెలుస్తోంది. పొలిటికల్‌ యాక్షన్‌ థ్రిల్లర్‌గా ముస్తాబవుతోన్న ఈ చిత్రంలో చరణ్‌ భిన్న కోణాలున్న పాత్రలో కనిపించనున్నారు. అంజలి, శ్రీకాంత్‌, సునీల్‌, సముద్రఖని, ఎస్‌.జె.సూర్య తదితరులు కీలక పాత్రలు పోషిస్తున్నారు. సంగీతం: తమన్‌, ఛాయాగ్రహణం: తిరు.