Rohit Shetty: ‘సర్కస్‌’ వారి కోసమే చేశా: దర్శకుడు రోహిత్‌శెట్టి

ముంబయి: కరోనా సమయంలో సినీ కార్మికులు, తన బృందానికి ఉపాధి కల్పించడానికే ‘సర్కస్‌’ (Cirkus) చేశానని బాలీవుడ్‌ దర్శకుడు రోహిత్‌ శెట్టి (Rohit Shetty) తెలిపారు. ఒకవేళ ఇప్పుడు ఆ సినిమా చేయాల్సి వస్తే చేయనన్నారు. ‘‘కరోనా కారణంగా దాదాపు ఎనిమిది నెలల పాటు అందరూ ఇంటికే పరిమితమయ్యారు. ఎటువంటి యాక్షన్‌ సన్నివేశాలుండవు కాబట్టి ఈ సినిమా చేస్తే చాలా మందికి పని దొరుకుతుందనే ఆలోచనతో తెరకెక్కించా. లాక్‌డౌన్‌ ఆంక్షలు సడలించిన తర్వాత చేసిన మొదటి సినిమా ఇది. కొవిడ్‌ పరీక్షలు చేయించడం.. పాజిటివ్‌ వచ్చిన వారిని సెట్స్‌కు దూరంగా ఉంచడంతో సినిమా చిత్రీకరణ చాలా కష్టంగా మారింది ’’అని తాజాగా ఇచ్చిన ఇంటర్వ్యూలో చెప్పారు.

రివ్యూ: ఫైట‌ర్‌.. హృతిక్‌ యాక్షన్ మూవీ మెప్పించిందా?

రణ్‌వీర్‌ సింగ్‌ హీరోగా తెరకెక్కిన ‘సర్కస్‌’ భారీ అంచనాల మధ్య విడుదలై పరాజయాన్ని అందుకుంది. పూజా హెగ్డే  కథానాయిక. బాలీవుడ్‌ స్టార్‌ హీరోయిన్‌ దీపికా పదుకొణె ప్రత్యేక గీతంలో నటించారు. రోహిత్‌ తెరకెక్కించిన ‘ఇండియన్‌ పోలీస్‌ ఫోర్స్‌’ వెబ్‌సిరీస్‌ ఇటీవల ఓటీటీ ‘అమెజాన్‌ ప్రైమ్‌ వీడియో’లో విడుదలైంది. ప్రస్తుతం.. ‘సింగం ఎగైన్‌’తో బిజీగా ఉన్నారు.