Katrina Kaif: పెళ్లి సందడి మొదలైందా?

బాలీవుడ్‌లో మరో పెళ్లి బాజా మోగనుందా? అంటే అవునేనే సంకేతాలే వస్తున్నాయి. కత్రినాకైఫ్‌ పెళ్లి పీటలెక్కనుందంటూ మరోసారి వార్తలొస్తున్నాయి. కొంతకాలంగా కత్రినాకైఫ్‌, విక్కీ కౌశల్‌ ప్రేమలో ఉన్నారంటూ వార్తలు వింటున్నాం. పలు కార్యక్రమాల్లో ఈ ఇద్దరూ జంటగానే సందడి చేస్తూ కనిపించారు. తాజాగా వీరిద్దరూ డిసెంబరులో పెళ్లి పీటలెక్కనున్నారనే వార్త బాలీవుడ్‌లో సందడి చేస్తుంది. రాజస్థాన్‌లోని ఓ పురాతన కోటలో పెళ్లి వేడుక జరగనుందంటూ బాలీవుడ్‌లో వినిపిస్తోంది. హిందూ సంప్రదాయం, క్రిస్టియన్‌ పద్ధతుల్లో పెళ్లి వేడుక డిసెంబరు 7 నుంచి 9 వరకూ జరగనుందని సమాచారం. ఇప్పటివరకూ ఈ విషయంపై కత్రినా, విక్కీ..ఇద్దరిలో ఎవరూ స్పందించలేదు. గతంలో ఓ సారి రోఖా వేడుక జరిగిందంటూ వచ్చిన వార్తల్ని కత్రినా ఖండించిన సంగతి తెలిసిందే.