ఆ హీరోయిన్‌కు ప్రపోజ్‌ చేయలేదంటున్న దర్శకుడు!

ఇంటర్నెట్‌డెస్క్‌: వాలి’, ‘ఖుషి’ వంటి బ్లాక్‌బస్టర్‌ చిత్రాల్ని తీసి, గత కొంతకాలంగా నటుడిగా వరుస అవకాశాలు దక్కించుకుంటున్నారు ఎస్‌.జె.సూర్య. మహేశ్‌ నటించిన ‘స్పైడర్‌’లో సైకోగా ఆయన నటన విమర్శకులనూ మెప్పించింది. కాగా, నటుడిగా బిజీగా ఉన్న ఎస్‌.జె.సూర్యపై కోలీవుడ్‌లో ఒక వార్త హల్‌ చల్‌ చేయడం మొదలు పెట్టింది. నటి ప్రియా భవానీ శంకర్‌కు ఆయన లవ్‌ ప్రపోజ్‌ చేశారని, అందుకు ఆమె తిరస్కరించారని ప్రచారం మొదలైంది. ఈ వార్త ఇప్పుడు హాట్‌ టాపిక్‌గా మారడంతో ఆయన ట్విటర్‌ వేదిక స్పందించారు!

‘‘కొందరు వ్యక్తులు పని గట్టుకొని అసత్య వార్తలను ప్రచారం చేస్తున్నారు. ప్రియా భవానీ శంకర్‌కు నేను లవ్‌ ప్రపోజ్‌ చేశానని, అందుకు ఆమె తిరస్కరించారని అన్ని మాధ్యమాల్లో గత కొద్దిరోజులు వార్తలు హల్‌చల్‌ చేస్తున్నాయి. ‘మాన్‌స్టర్‌’ చిత్రం నుంచి ఆమె నాకు మంచి స్నేహితురాలు. అలాగే మంచి నటి కూడా. దయచేసి విసిగించకండి. అసత్య, ఆధారాల్లేని వార్తలు వ్యాప్తి చేయొద్దు’’ -ట్విటర్‌లో ఎస్‌.జె.సూర్య

ప్రస్తుతం ఎస్‌.జె.సూర్య నటుడిగా బిజీగా ఉన్నారు. ‘నెన్‌జమ్‌ మరప్పతిల్లాయ్‌’, ‘ఇరివాకలమ్‌’ తదితర చిత్రాలతో బిజీగా ఉన్నారు.