Godfather: ‘గాడ్‌ ఫాదర్‌’ టీజర్‌ వచ్చేస్తోంది

హైదరాబాద్‌: మెగా అభిమానులందరూ ఎంతగానో ఎదురు చూస్తోన్న ‘గాడ్‌ ఫాదర్‌’(God Father) టీజర్‌ విడుదలకు ముహూర్తం ఖరారైంది. మెగాస్టార్‌ చిరంజీవి (Chiranjeevi) ప్రధాన పాత్రలో నటిస్తోన్న ఈ సినిమా టీజర్‌ని ఆయన  పుట్టినరోజు సందర్భంగా ఆగస్టు 21, ఆదివారం నాడు ప్రేక్షకుల ముందుకు తీసుకురానున్నట్లు తాజాగా చిత్రబృందం ప్రకటించింది. ఈ మేరకు నిర్మాణ సంస్థ కొణిదెల ప్రొడెక్షన్‌ కంపెనీ సరికొత్త పోస్టర్‌ షేర్‌ చేసింది. ‘‘మెగాస్టార్‌కు దారి ఇవ్వండి. గతంలో కంటే శక్తివంతంగా, భయాన్ని కలిగించనున్నారు’’ అని పేర్కొంది.

మలయాళంలో సూపర్‌హిట్‌ అందుకొన్న ‘లూసిఫర్‌’ రీమేక్‌గా ఇది సిద్ధమవుతోంది. పొలిటికల్‌ యాక్షన్‌ ఎంటర్‌టైనర్‌గా సిద్ధమవుతోన్న ఈ సినిమాలో చిరంజీవి విభిన్నమైన లుక్‌లో కనిపించనున్నారు. మోహన్‌రాజా దర్శకుడు. నయనతార, సత్యదేవ్‌ కీలకపాత్రల్లో కనిపించనున్నారు. సల్మాన్‌ఖాన్‌, పూరీ జగన్నాథ్‌, సునీల్‌ తదితరులు అతిథి పాత్రల్లో మెప్పించనున్నారు. ప్రస్తుతం ఈ సినిమా చిత్రీకరణ శరవేగంగా జరుగుతోంది. ఇక ఆగస్టు 22న చిరంజీవి 67వ పుట్టినరోజు జరుపుకొనున్నారు.