Guntur Kaaram: ‘గుంటూరు కారం’.. కొత్త ట్రెండ్‌కు శ్రీకారం

ఇంటర్నెట్‌ డెస్క్‌: ‘గుంటూరు కారం’ (Guntur Kaaram) చిత్ర బృందం కొత్త ట్రెండ్‌కు శ్రీకారం చుట్టనుంది. తమ సినిమా ప్రీ రిలీజ్‌ ఈవెంట్‌ను (Guntur Kaaram Pre Release Event) యూఎస్‌ థియేటర్‌లో లైవ్‌ టెలీకాస్ట్‌ చేయబోతున్నట్లు తెలిపింది. ఈ మేరకు సోషల్‌ మీడియా వేదికగా పోస్టర్‌ విడుదల చేసింది. కాలిఫోర్నియాలోని సినీ లాంజ్‌ ఫ్రీమాంట్‌ 7 సినిమాస్‌ స్క్రీన్‌పై వేడుక దృశ్యాలు ప్రదర్శితం కానున్నాయి. సినీ వేడుకలు వెండితెరపై కనిపించనుండడం చిత్ర పరిశ్రమలో ఇదే తొలిసారి. ఆ సెలబ్రేషన్‌ ఎప్పుడుంటుందనే వివరాలను చిత్ర బృందం ఇంకా వెల్లడించలేదు. ఈ నెల 5న హైదరాబాద్‌లో ఉండొచ్చని సమాచారం.

పెద్ద ప్లానింగే..! రాజమౌళి-మహేశ్‌ మూవీ ట్రెండింగ్‌ న్యూస్‌ ఇదే!

‘అతడు’, ‘ఖలేజా’ తర్వాత హీరో మహేశ్‌బాబు (Mahesh Babu)- డైరెక్టర్‌ త్రివిక్రమ్‌ కాంబోలో తెరకెక్కుతున్న చిత్రమిది. శ్రీలీల (Sree Leela), మీనాక్షి చౌదరి కథానాయికలు. యాక్షన్‌ డ్రామాగా రూపొందుతున్న ఈ సినిమా సంక్రాంతి కానుకగా జనవరి 12న ప్రేక్షకుల ముందుకు రానుంది. ఇప్పటికే విడుదలైన ప్రచార చిత్రాలు, పోస్టర్లు, పాటలు సినిమాపై ప్రేక్షకుల్లో ఆసక్తి రేకెత్తించాయి.