Trisha: కమల్‌కు జోడీగా త్రిష?

‘భారతీయుడు 2’ తో ప్రేక్షకులను పలకరించడానికి సిద్ధమవుతున్నారు అగ్రకథానాయకుడు కమల్‌హాసన్‌. ఆయన ‘కేహెచ్‌ 234’(వర్కింగ్‌ టైటిల్‌)లో ప్రధాన పాత్రలో నటిస్తున్న సంగతి తెలిసిందే. మణిరత్నం ఈ సినిమాను తెరకెక్కిస్తున్నారు. చాలా కాలం తరవాత వీరిద్దరి కలయికలో రానున్న ఈ సినిమాపై ప్రేక్షకులను భారీ అంచనాలు ఉన్నాయి. తాజాగా ఈ సినిమాలో కమల్‌ హాసన్‌ సరసన కథానాయిక త్రిష ఖరారైనట్లు సమాచారం. ఇంతక ముందు వీరిద్దరూ ‘తూంగా వనం’, ‘మన్మధన్‌ అంబు’ సినిమాల్లో కలిసి నటించారు. కథానాయకుడు దుల్కర్‌ సల్మాన్‌, తమిళ నటుడు జయం రవి కూడా ఈ సినిమాలో  కీలక పాత్రల్లో నటించనున్నట్లు సినీవర్గాల్లో చర్చ జరుగుతోంది. థ్రిల్లర్‌గా రూపొందుతున్న ఈ చిత్రానికి ఎ.ఆర్‌ రెహమాన్‌ సంగీతమందిస్తున్నారు.