BRO movie: జాణవులే.. నా జాను నువ్వులే

ఈ వేసవికి ‘విరూపాక్ష’తో ప్రేక్షకుల్ని అలరించారు సాయిధరమ్‌ తేజ్‌. ఇప్పుడు పవన్‌ కల్యాణ్‌తో కలిసి ‘బ్రో’తో వినోదాలు పంచేందుకు సిద్ధమయ్యారు. ఈ ఇద్దరూ కలిసి నటించిన ఈ చిత్రాన్ని సముద్రఖని తెరకెక్కించిన సంగతి తెలిసిందే. టీజీ విశ్వప్రసాద్‌ నిర్మాత. కేతిక శర్మ కథానాయిక. ఈ సినిమా ఈ నెల 28న థియేటర్లలోకి రానుంది. ఈ నేపథ్యంలోనే ఈ చిత్ర రెండో గీతాన్ని శనివారం తిరుపతిలో విడుదల చేశారు. సాయితేజ్‌, కేతికలపై చిత్రీకరించిన రొమాంటిక్‌ పాటిది. ‘‘జాణవులే.. నెరజాణవులే.. నా జాను నువ్వులే’’ అంటూ సాగుతున్న ఈ గీతానికి తమన్‌ స్వరాలు సమకూర్చడమే కాక కె.ప్రణతితో కలిసి స్వయంగా ఆలపించారు. కాసర్ల శ్యామ్‌ సాహిత్యమందించారు. ఈ సినిమాలో మార్కండేయులు పాత్రలో తేజు కనిపించనుండగా.. కాలస్వరూపుడిగా పవన్‌ కల్యాణ్‌ దర్శనమివ్వనున్నారు. ప్రియా ప్రకాష్‌ వారియర్‌, తనికెళ్ల భరణి, వెన్నెల కిషోర్‌ తదితరులు కీలక పాత్రలు పోషించారు. ఈ చిత్రానికి స్క్రీన్‌ప్లే, మాటలు: త్రివిక్రమ్‌, కూర్పు: నవీన్‌ నూలి, ఛాయాగ్రహణం: సుజిత్‌ వాసుదేవ్‌.