Jalsa: పాత్రికేయురాలిగా విద్యాబాలన్‌.. ఆసక్తిగా ‘జల్సా’ ట్రైలర్‌

ఇంటర్నెట్‌ డెస్క్‌: బాలీవుడ్‌ ప్రముఖ నటి విద్యాబాలన్‌ పాత్రికేయురాలిగా నటించిన చిత్రం ‘జల్సా’. షెఫాలీ షా, రోహిణి హట్టంగడి, సూర్య కాశీభట్ల తదితరులు కీలక పాత్రలు పోషించారు. సురేశ్‌ త్రివేణి దర్శకత్వం వహించిన ఈ సినిమా నేరుగా ఓటీటీలో విడుదలవుతుంది. ‘అమెజాన్‌ ప్రైమ్‌’లో మార్చి 18నుంచి స్ట్రీమింగ్‌కానుంది. ఈ నేపథ్యంలో చిత్ర బృందం బుధవారం ట్రైలర్‌ను విడుదల చేసింది. ఓ కారు ప్రమాదం సన్నివేశంతో ప్రారంభమైన ఈ ట్రైలర్‌ ఆద్యంతం ఆసక్తిగా సాగింది. రిపోర్టర్‌గా విద్యాబాలన్‌ నటన అందరినీ ఆకట్టుకునేలా ఉంది. భూషణ్‌ కుమార్‌, కృష్ణన్‌ కుమార్‌, విక్రమ్‌ మల్హొత్రా, శిఖా శర్మ, సురేశ్‌ త్రివేణి సంయుక్తంగా నిర్మించిన ఈ సినిమాకు గౌరవ్‌ సంగీతం అందించారు.