KGF 2: మదర్స్‌ డే స్పెషల్‌.. ‘కేజీయఫ్‌-2’ వీడియో వచ్చేసింది

ఇంటర్నెట్‌డెస్క్‌: మదర్‌ సెంటిమెంట్‌ నేపథ్యంలో తెరకెక్కిన కమర్షియల్‌ ఎంటర్‌టైనర్‌ ‘కేజీయఫ్’. ప్రశాంత్‌ నీల్‌ దర్శకుడు. యశ్‌ కథానాయకుడిగా నటించిన ఈ సినిమా రెండో భాగం ‘కేజీయఫ్‌-2’ ఇటీవల విడుదలై బాక్సాఫీస్‌ వద్ద రూ.1000 కోట్లకు పైగా భారీ కలెక్షన్స్‌తో సునామీ సృష్టించింది. ఈ నేపథ్యంలోనే ‘కేజీయఫ్‌-2’ నుంచి వీడియో సాంగ్స్‌ని ఒక్కొక్కటిగా చిత్రబృందం విడుదల చేస్తోంది. ఇందులో భాగంగా ఆదివారం మాతృదినోత్సవాన్ని పురస్కరించుకుని ‘కేజీయఫ్‌-2’ నుంచి ‘‘ఎదగరా.. ఎదగరా..’’ అంటూ సాగే పాట ఫుల్‌ వీడియోని చిత్రబృందం షేర్‌ చేసింది. ‘అంతులేని గమ్యం కదరా.. అంతవరకూ లేదిక నిదరా.. చరితగా, ఘనతగా వెలగరా’ వంటి పవర్‌ఫుల్‌ లైన్స్‌ మనసుని తాకేలా ఉన్న ఈ పాటను సుచిత ఆలపించారు.