Cinemanews: ‘క్రాక్‌’ నుంచి అదిరిపోయే బస్టాండ్‌ ఫైట్‌ సీన్‌

ఇంటర్నెట్‌ డెస్క్‌: మాస్‌ మహారాజా రవితేజ తెరపై కనిపిస్తేనే అభిమానులు ఈలలు వేసి గోల చేస్తారు. రవితేజ పోలీస్‌ అధికారిగా విలన్లను పరిగెత్తించి కొడుతూ ఫైట్‌ చేస్తే పూనకాలు వస్తాయి. రవితేజ హీరోగా గోపీచంద్‌ మలినేని దర్శకత్వంలో తెరకెక్కిన యాక్షన్‌ థ్రిల్లర్‌ ‘క్రాక్‌’. ఈ చిత్రంలో రవితేజ సరసన శ్రుతిహాసన్‌ సందడి చేసింది. వరలక్ష్మీ శరత్‌కుమార్‌, సముద్రకని కీలకపాత్రలు పోషించారు. తమన్‌ సంగీతం అందించారు. మధు నిర్మాత. ఈ ఏడాది సంక్రాంతి కానుకగా విడుదలై బాక్సాఫీస్‌ వద్ద భారీ విజయాన్ని అందుకుంది. ప్రస్తుతం ఆహాలో సినిమా ప్రసారం అవుతోంది. కాగా.. ఈ సినిమాలో బాగా పాపులర్‌ అయిన బస్టాండ్‌ ఫైట్‌ సన్నివేశాన్ని ప్రసార ఓటీటీ సంస్థ ‘ఆహా’ యూట్యూబ్‌లో పంచుకుంది. ఆలస్యమెందుకు మీరూ చూసేయండి మరి..!