Chiranjeevi Sarja: డియర్‌ చిరు.. నీకోసమే నవ్వుతున్నా: మేఘనా రాజ్‌

ఇంటర్నెట్‌డెస్క్‌: తన భర్త, కన్నడ నటుడు చిరంజీవి సర్జా (Chiranjeevi Sarja) జయంతి సందర్భంగా నటి మేఘనా రాజ్‌ (Meghana Raj) ఓ ఎమోషనల్‌ పోస్ట్‌ పెట్టారు. పెళ్లి నాటి ఫొటోను షేర్‌ చేసిన ఆమె.. ‘‘నా సంతోషానికి పుట్టినరోజు శుభాకాంక్షలు!! డియర్‌ చిరు.. నీకోసమే నేనింకా నవ్వుతూ జీవిస్తున్నా. ఎప్పటికీ నిన్ను ప్రేమిస్తూనే ఉంటాను’’ అని పేర్కొన్నారు. ఈ పోస్ట్‌ చూసిన నెటిజన్లు ఆమెకు ధైర్యం చెబుతున్నారు. ‘‘మేడమ్‌ మీరు ధైర్యంగా ఉండాలని కోరుకుంటున్నాం’’, ‘‘మేమే ఆయన్ని మర్చిపోలేకపోతున్నాం. అలాంటిది మీరెంత బాధపడుతున్నారో తెలుస్తోంది’’ అని కామెంట్స్‌ పెడుతున్నారు. కన్నడ పరిశ్రమలో నటుడిగా గుర్తింపు తెచ్చుకున్న చిరంజీవి సర్జా.. 2020 జూన్‌లో గుండెపోటుతో మరణించిన విషయం తెలిసిందే.