Nacchindi Girl Friendu: ఓటీటీలోకి ‘నచ్చింది గర్ల్‌ ఫ్రెండూ’.. స్ట్రీమింగ్‌ ఎప్పుడంటే?

ఇంటర్నెట్‌ డెస్క్‌: ఉదయ్‌ శంకర్‌ (Uday Shankar) కథానాయకుడిగా దర్శకుడు గురుపవన్‌ తెరకెక్కించిన చిత్రం ‘నచ్చింది గర్ల్‌ ఫ్రెండూ’ (Nacchindi Girl Friendu). జెన్నీఫర్‌ ఇమ్మాన్యుయేల్‌ కథానాయిక. మధునందన్‌ కీలక పాత్ర పోషించారు. ఈ సినిమా థియేటర్లలో గతేడాది నవంబరులో విడుదలై, యువతను మెప్పించింది. ఇప్పుడు ఓటీటీ వేదికగా అలరించేందుకు సిద్ధమైంది. తెలుగు ఓటీటీ ‘ఆహా’ (Aha)లో ఈ సినిమా ఈ నెల 21 నుంచి స్ట్రీమింగ్‌ కానుంది. ఈ సందర్భంగా సదరు సంస్థ ట్రైలర్‌ని విడుదల చేసింది. ‘ఫిబ్రవరి 13.. నా లైఫ్‌లో నేను మర్చిపోలేని రోజు’ అని హీరో తన గురించి చెప్పే సన్నివేశంతో ప్రారంభమైన ట్రైలర్‌ అందరినీ ఆకట్టుకునేలా ఉంది. ప్రేమించిన అమ్మాయి చేతిలో మోసపోయిన యువకుడు ఆ అమ్మాయిపై ప్రతీకారం ఎలా తీర్చుకున్నాడు? అనే కథాంశంతో ఈ సినిమా రూపొందింది.