Nayanthara: సోదరి పాత్రలో నయన

‘కోమలి’తో దర్శకుడిగా చిత్రరంగంలో అడుగుపెట్టాడు ప్రదీప్‌ రంగనాథన్‌. తన దర్శకత్వంలో వచ్చిన ‘లవ్‌ టుడే’లో హీరోగా నటించి మంచి విజయం అందుకున్నాడు. అదే పేరుతో టాలీవుడ్‌లో వచ్చిన ఆ సినిమాతో తెలుగు ప్రేక్షకులకు దగ్గరయ్యాడు. ఇప్పుడాయన హీరోగా తమిళ దర్శకుడు విఘ్నేశ్‌ శివన్‌ ఓ చిత్రాన్ని రూపొందిస్తున్నారు. ఇంకా పేరు ఖరారు కాని ఈ సినిమాలో ప్రముఖ అగ్రకథానాయిక, విఘ్నేశ్‌ భార్య నయనతార కీలక పాత్ర పోషించనున్నట్లు సమాచారం.  నయన ఈ చిత్రంలో ప్రదీప్‌కి సోదరిగా నటించనున్నట్లు తెలుస్తోంది. తన నటనతో అందరినీ ఆకట్టుకునే నయన కోసం దర్శకుడు ఆ పాత్రను ఎంతో అందంగా తీర్చిదిద్దారని తెలిసింది. ‘లియో’ మేకర్స్‌ ఈ సినిమాకోసం సన్నాహాలు చేస్తున్నట్లు, త్వరలో ఈ చిత్రం సెట్స్‌పైకి వెళ్లనున్నట్లు సన్నిహితవర్గాలు తెలిపాయి.