Nayanthara: శ్రీవారి సేవలో నయనతార దంపతులు

ఇంటర్నెట్‌ డెస్క్‌: నవ దంపతులు విఘ్నేశ్‌ శివన్‌, నయనతార తిరుమల శ్రీవారిని దర్శించుకున్నారు. గురువారం వైవాహిక జీవితంలోకి అడుగుపెట్టిన వీరు శుక్రవారం తిరుమల విచ్చేసి, శ్రీవారి కల్యాణోత్సవ సేవలో  పాల్గొన్నారు. మొక్కులు చెల్లించుకున్న అనంతరం వీరికి అర్చకులు తీర్థ ప్రసాదాలు అందజేశారు. కొందరు భక్తులు ఈ జంటను చూసేందుకు ఉత్సాహం చూపారు. మరికొందరు ఫొటోలు తీసుకున్నారు. ఇప్పటికే పలుమార్లు శ్రీవారిని దర్శించుకున్న నయనతార, విఘ్నేశ్‌ భార్యభర్తలుగా విచ్చేయడం ప్రత్యేకతను సంతరించుకుంది. మహాబలిపురంలో జరిగిన నయన్‌- విఘ్నేశ్‌ వివాహానికి రజనీకాంత్‌, షారుఖ్‌ ఖాన్‌, మణిరత్నం, బోనీ కపూర్‌ తదితర ప్రముఖుల విచ్చేసిన సంగతి తెలిసిందే.