ఆయన సినిమాలకు అభిమానిని: ఎన్టీఆర్‌

నితిన్‌ కథానాయకుడిగా నటిస్తోన్న చిత్రం ‘చెక్‌’. చంద్రశేఖర్‌ యేలేటి దర్శకత్వంలో చిత్రం తెరకెక్కుతోంది. వి.ఆనంద్‌ప్రసాద్‌

Published : 25 Feb 2021 17:06 IST

హైదరాబాద్: నితిన్‌ కథానాయకుడిగా నటిస్తోన్న చిత్రం ‘చెక్‌’. చంద్రశేఖర్‌ యేలేటి దర్శకత్వంలో చిత్రం తెరకెక్కుతోంది. వి.ఆనంద్‌ప్రసాద్‌ నిర్మిస్తున్నారు. రకుల్‌ప్రీత్‌ సింగ్‌, ప్రియా ప్రకాశ్‌ వారియర్‌ నాయికలు. ఈ చిత్రం ఫిబ్రవరి 26న విడుదల కానుంది. ఈ సందర్భంగా హీరో ఎన్టీఆర్‌ తన ట్విటర్‌ ద్వారా శుభాకాంక్షలు తెలియజేస్తూ..‘‘చంద్రశేఖర్‌ యేలేటి ఎంచుకునే సినిమా ఇతివృత్తాలకు, కథ చెప్పే తీరుకు నెనెప్పుడూ అభిమానినే. అవి ఎంతో ఆసక్తికరంగా ఉంటాయి. ‘చెక్‌’ లుక్స్ ఆకట్టుకునేలా ఉన్నాయి. హీరో నితిన్‌కి, చిత్రబృందానికి నా శుభాకాంక్షలు’’ అంటూ పేర్కొన్నారు.

దీనికి నితిన్‌ స్పందిస్తూ ‘మీ ప్రేమ పూర్వక శుభాకాంక్షలకు ధన్యవాదాలు తారక్‌ బ్రదర్‌. మీకు ఈ సినిమా నచ్చుతుందని ఆశిస్తున్నా’’ అని సమాధానమిచ్చారు. మరోవైపు తారక్‌ ట్వీట్‌కు దర్శకుడు చంద్రశేఖర్ యేలేటి కృతజ్ఞతలు తెలిపారు. ‘నీకున్న కోట్లాది అభిమానుల్లో నేనూ ఒకడిని. నీ సహకారం మర్చిపోలేను’ అని ట్వీట్‌ చేశారు.

ఇది ఉరిశిక్ష పడిన ఓ ఖైదీ కథ. చదరంగం నేపథ్యంలో సాగుతుంది.  పోసాని కృష్ణమురళి, మురళీ శర్మ, త్రిపురనేని సాయిచంద్‌ తదితరులు నటిస్తున్నారు. ప్రియా వారియర్‌కి ఇదే తొలి తెలుగు చిత్రం. కల్యాణి మాలిక్‌ సంగీత స్వరాలు సమకూర్చగా రాహుల్ శ్రీవాత్సవ్ సినిమాటోగ్రాఫర్‌గా వ్యవహరిస్తున్నారు.


Read latest Movies News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts