Pawan Kalyan: కొబ్బరికాయ కొట్టేశారు

పవన్‌ నూతన చిత్రం ప్రారంభం

పవన్‌ కల్యాణ్‌ - సుజీత్‌ కాంబినేషన్‌లో ఓ చిత్రం రూపొందుతోంది. డీవీవీ దానయ్య నిర్మిస్తున్నారు. తమన్‌ స్వరాలందిస్తున్నారు. ఈ సినిమా సోమవారం హైదరాబాద్‌లో పూజా కార్యక్రమాలతో లాంఛనంగా ప్రారంభమైంది. ముహూర్తపు సన్నివేశానికి అల్లు అరవింద్‌ క్లాప్‌ కొట్టగా.. సురేష్‌బాబు కెమెరా స్విచ్చాన్‌ చేశారు. దిల్‌రాజు, అరవింద్‌ దర్శక నిర్మాతలకు స్క్రిప్ట్‌ అందించారు. ఇదొక భారీ యాక్షన్‌ డ్రామా సినిమా. ఇందులో పవన్‌ గ్యాంగ్‌స్టర్‌గా కనిపించనున్నట్లు తెలిసింది. ‘‘ఇటు యాక్షన్‌ ప్రియులకు, అటు పవన్‌ అభిమానులకు ఇది పండుగలాంటి చిత్రమ’’ని నిర్మాత దానయ్య ప్రకటించారు. ఇతర నటీనటులు, సాంకేతిక నిపుణుల వివరాల్ని త్వరలో తెలియజేస్తామన్నారు. ఈ కార్యక్రమంలో హరీష్‌ శంకర్‌, శ్రీవాస్‌, వివేక్‌ ఆత్రేయ, బీవీఎస్‌ఎన్‌ ప్రసాద్‌, ఏఎం రత్నం తదితరులు పాల్గొన్నారు. ఈ చిత్రానికి ప్రొడక్షన్‌ డిజైనర్‌: ఏఎస్‌ ప్రకాష్‌, ఛాయాగ్రహణం: రవి కె.చంద్రన్‌.