Pelli SandaD: ‘పెళ్లిసందD’ ఓటీటీలోకి వచ్చేస్తోంది.. స్ట్రీమింగ్‌ ఎక్కడంటే?

ఇంటర్నెట్‌ డెస్క్‌: భారీ బడ్జెట్‌ చిత్రాలైనా, పాన్‌ ఇండియా సినిమాలైనా థియేటర్లో విడుదలైన 2- 3 నెలల్లోనే ఓటీటీకి వచ్చేస్తున్న తరుణమిది. అలాంటిది ‘పెళ్లి సందD’ (Pelli SandaD) చిత్రం గతేడాది అక్టోబరులో థియేటర్లలో సందడి చేసినా ఓటీటీలోకి రాలేదు. తాజాగా ఈ సినిమా ఓటీటీ విడుదల ఖరారైంది. ఈ చిత్రం ‘జీ 5’లో జూన్‌ 24 నుంచి స్ట్రీమింగ్‌కానుంది. ప్రముఖ నటుడు శ్రీకాంత్‌ తనయుడు రోషన్‌ హీరోగా తెరకెక్కిన ఈ చిత్రానికి గౌరీ రోణంకి దర్శకత్వం వహించారు. ప్రముఖ దర్శకుడు రాఘవేంద్రరావు ఈ చిత్రానికి దర్శకత్వ పర్యవేక్షణ చేశారు. కథానాయికగా శ్రీలీల ప్రేక్షకుల్ని ఆకట్టుకుంది.