Raviteja: నేను లక్‌పై ఆధారపడేవాడ్ని కాదు.. రవితేజ ‘మాస్‌ నోటీస్‌’!

ఇంటర్నెట్‌ డెస్క్‌: రవితేజ (Raviteja) హీరోగా రూపొందిన యాక్షన్‌ కథా చిత్రం ‘రామారావు ఆన్‌ డ్యూటీ’ (RamaRao On Duty). ప్రభుత్వ అధికారిగా రవితేజ నటించిన ఈ సినిమా ఈ శుక్రవారం విడుదల కానుంది. ఈ నేపథ్యంలో ‘మాస్‌ నోటీస్‌’ పేరుతో చిత్ర బృందం ప్రత్యేక వీడియోను విడుదల చేసింది. పోరాట దృశ్యాలు, పవర్‌ ఫుల్‌ సంభాషణలతో రూపొందిన ఈ వీడియో అన్ని వర్గాల వారిని మెప్పించేలా ఉంది. ముఖ్యంగా, ‘నేను లక్‌ మీద, లాటరీల మీద డిపెండ్‌ అయ్యేవాడ్ని కాదు నా వర్క్‌ మీద డిపెండ్‌ అయ్యేవాడ్ని’ అని రవితేజ ఇచ్చిన స్వీట్‌ వార్నింగ్‌ అందరినీ ఆకట్టుకునేలా ఉంది. తొట్టెంపూడి వేణు, రజిషా విజయన్‌, తనికెళ్ల భరణి తదితరుల పాత్రలకు సంబంధించిన కొన్ని షాట్స్‌ను ఈ వీడియోలో చూపించారు. మరి, రవితేజ చేసిన ఆ డ్యూటీ ఏంటి? తెలియాలంటే సినిమా చూడాల్సిందే. శరత్‌ మండవ దర్శకత్వం వహించిన ఈ చిత్రానికి సామ్‌ సి. ఎ. ఎస్‌. సంగీతం అందించారు.