Indian Police Force: పవర్‌ఫుల్‌గా ‘ఇండియన్‌ పోలీస్ ఫోర్స్‌’ టీజర్..

ఇంటర్నెట్ డెస్క్‌: పవర్‌ఫుల్‌ చిత్రాల దర్శకుడిగా రోహిత్‌ శెట్టి (Rohit Shetty) గుర్తింపు తెచ్చుకున్నారు. ఆయన తొలిసారి రూపొందించిన వెబ్‌ సిరీస్‌ ‘ఇండియన్‌ పోలీస్‌ ఫోర్స్‌’ (Indian Police Force). ఈ సిరీస్‌తో ఆయన ఓటీటీలోకి అడుగుపెట్టనున్నారు. ఈ పోలీస్‌ డ్రామాలో సిద్ధార్థ్‌ మల్హోత్ర, శిల్పాశెట్టి, వివేక్‌ ఒబెరాయ్‌ ప్రధాన పాత్రల్లో నటించారు. జనవరి 19 నుంచి ఈ యాక్షన్‌ డ్రామా అమెజాన్ ప్రైమ్‌ వీడియోలో స్ట్రీమింగ్‌ కానుంది. తాజాగా దీని టీజర్‌ను విడుదల చేశారు. ఈ సందర్భంగా రోహిత్‌ శెట్టి మాట్లాడుతూ.. ‘మన భారతీయ పోలీసు అధికారుల పరాక్రమం, త్యాగం, ధైర్యాన్ని ఇందులో చూపించనున్నాం. దీని కోసం అంకితభావంతో పనిచేసిన టీమ్‌ని చూస్తుంటే గర్వంగా ఉంది. నా మొదటి సిరీస్‌ అమెజాన్‌లో ప్రసారం కావడం ఆనందంగా ఉంది’ అన్నారు. ఆ పవర్‌ఫుల్‌ టీజర్‌ను మీరు చూసేయండి.