RRR Etthara Jenda: ‘ఎత్తర జెండా’ ఫుల్‌ వీడియో చూశారా.. రాజమౌళి సర్‌ప్రైజ్‌ అదిరింది!

ఇంటర్నెట్‌ డెస్క్‌: వారానికో ఫుల్‌ వీడియో సాంగ్‌ను విడుదల చేస్తూ సినీ అభిమానుల్ని అలరిస్తోంది ‘ఆర్‌ఆర్‌ఆర్‌’ చిత్ర బృందం. ఇప్పటికే ‘నాటు నాటు’, ‘కొమ్మా ఉయ్యాలా’, ‘దోస్తీ’ వీడియోలు పంచుకున్న టీమ్‌ తాజాగా సెలబ్రేషన్‌ ఆంథమ్‌ ‘ఎత్తర జెండా’ను అందించింది. సినిమా విడుదలకు ముందే ఈ పాటకు సంబంధించిన వీడియోను రిలీజ్‌ చేసినా అందులో కథానాయకులు రామ్‌చరణ్‌, ఎన్టీఆర్‌, కథానాయిక అలియా భట్ మాత్రమే కనిపించారు. ఈ కొత్త వీడియోలో దర్శకుడు రాజమౌళి, అజయ్‌దేవ్‌గణ్‌, ఒలివియా మోరిస్‌ తళుక్కున మెరిశారు. రామజోగయ్య శాస్త్రి సాహిత్యం, ఎం. ఎం. కీరవాణి సంగీతం, విశాల్‌ మిశ్రా, పృథ్వీ చంద్ర, సాహితి చాగంటి, హరికా నారాయణ్‌ గానం ఎంతగా అలరించాయో తెలిసిందే. మార్చి 25న విడుదలైన ఈ పాన్‌ ఇండియా చిత్రం రూ. 1100 కోట్లకుపైగా వసూళ్లు సాధించి, రికార్డు సృష్టించింది.