Sebastian: ‘సెబాస్టియన్‌’గా కిరణ్‌ అబ్బవరం.. స్ఫూర్తినిచ్చేలా ‘రాజాధి రాజాధి రాజా’ గీతం

ఇంటర్నెట్‌ డెస్క్‌: రేచీకటి పోలీసు కానిస్టేబుల్‌గా కిరణ్‌ అబ్బవరం నటించిన చిత్రం ‘సెబాస్టియన్‌ పీసీ 524’. ఆ క్యారెక్టర్‌ తీరును తెలియజేసే గీతాన్ని చిత్ర బృందం తాజాగా విడుదల చేసింది. ఎన్ని కష్టాలెదురైనా మానసిక స్థైర్యం కోల్పోకుండా అనుకున్నది సాధించాలనే స్ఫూర్తినిస్తుంది ఈ గీతం. ‘రాజాధి రాజాధి రాజో రాజా’ అనే హమ్మింగ్‌ ప్రత్యేక ఆకర్షణగా నిలిచింది. భరద్వాజ్‌ పాత్రుడు రచించిన ఈ పాటను పద్మలత ఆలపించారు. జిబ్రాన్‌ స్వరాలు సమకూర్చారు. ఈ చిత్రంలో కిరణ్‌ సరసన నువేక్ష, కోమలీ ప్రసాద్‌ సందడి చేయనుంది. బాలాజీ సయ్యపురెడ్డి దర్శకత్వం వహించిన ఈ సినిమాని సిద్ధారెడ్డి బీ, రాజు, ప్రమోద్‌ నిర్మించారు. ఈ చిత్రం మార్చి 4న ప్రేక్షకుల ముందుకురానుంది.