Sumalatha: మరణించినప్పటికీ నువ్వు నాలోనే ఉన్నావు: సుమలత

ఇంటర్నెట్‌డెస్క్‌: తన భర్త అంబరీష్‌ను (Ambareesh) గుర్తు చేసుకుని భావోద్వేగానికి గురయ్యారు నటి సుమలత (Sumalatha). వివాహ వార్షికోత్సవం సందర్భంగా ఆమె ఇన్‌స్టాలో ఎమోషనల్‌  పోస్ట్‌ పెట్టారు. ‘‘గాలిలో నీ మాట విని నిన్ను చూద్దామని వెనక్కి తిరిగి చూశా.. ఆ సూర్యుడి వేడిలో నీ స్పర్శను అనుభూతి చెందా.. ఆ వెచ్చదనానికి అలాగే కూర్చొండిపోయా..! ఈ రోజు నా మనసు నిన్ను మరెంతగానో గుర్తు చేసుకుంటుంది. నీతో ఉన్న క్షణాలు గుర్తుకు వచ్చాయి. నువ్వు మరణించి ఉండొచ్చు కానీ నాలో ఎప్పటికీ భాగమే. ఈ సూర్యుడు, గాలి, వర్షం.. ఉన్నంతవరకూ నువ్వు నాలోనే ఉంటావు. నా మనసుకు ఇది తెలుసు’’ అని సుమలత రాసుకొచ్చారు. కన్నడ చిత్రం ‘ఆహుతి’తో పరిచయమైన సుమలత-అంబరీష్‌.. 1991లో వివాహం చేసుకున్నారు. అనారోగ్య కారణాల తో 2014లో అంబరీష్‌ మృతి చెందారు. గురువారం తమ 31వ వివాహ వార్షికోత్సవాన్ని పురస్కరించుకుని సుమలత ఈ ఎమోషనల్‌ పోస్ట్‌ పెట్టారు.