Surya42: సూర్య సినిమాలోని సన్నివేశాలు లీక్‌.. యాజమాన్యం ఏమందంటే...!

ఇంటర్నెట్‌ డెస్క్‌: సూర్య హీరోగా దర్శకుడు శివ ఓ చిత్రాన్ని తెరకెక్కిస్తున్నారు. ఇటీవలే ఈ సినిమా షూటింగ్‌ ప్రారంభమైంది. సూర్య సరసన దిశాపటానీ నటిస్తోంది. ఇంకా పేరు ఖరారు కాని  ఈ చిత్రం(Surya42)లోని పలు వీడియోలు, ఫొటోలు లీక్‌ అయ్యాయి. దీనిపై చిత్ర బృందం ట్విటర్‌ వేదికగా స్పందించింది.

‘‘సూర్య చిత్రంలోని పలు సన్నివేశాలు, ఫొటోలు లీక్‌ అయ్యాయని మా దృష్టికి వచ్చింది. ఏ సినిమాలోనైనా ప్రతి భాగం కొన్ని వందల మంది చెమట, రక్తంతో కూడుకుని ఉంటుంది. మేము ఈ సినిమా చూసే ప్రేక్షకులకు ఓ అద్భుతమైన అనుభూతిని కలిగించాలనుకుంటున్నాం.  మీరు లీక్‌ చేసిన వాటిని తొలగించండి. అలా చేయకపోతే చట్టపరమైన  చర్యలు తీసుకుంటాం.’’ అని ఓ ప్రెస్‌నోట్ విడుదల చేసింది. ఓ పరాక్రమవంతుడి కథగా రూపొందుతున్న ఈ  త్రీడి చిత్రం 10 భాషల్లో విడుదలవ్వనుంది.  డీఎస్పీ సంగీతం అందిస్తున్న ఈ సినిమాను వంశీ, ప్రమోద్‌  నిర్మాతలుగా స్టూడియో గ్రీన్‌, యు.వి క్రియేషన్స్‌ సంస్థలు సంయుక్తంగా నిర్మిస్తున్నాయి.