Tamil rockerz Review: రివ్యూ: తమిళ్ రాకర్స్
తమిళ్ రాకర్స్ ఎలా ఉందంటే..?
వెబ్ సిరీస్: తమిళ్ రాకర్స్; నటీనటులు: అరుణ్ విజయ్, వాణి భోజన్, ఐశ్వర్యమేనన్, అగమ్ పెరుమాళ్, వినోదిని, జి.మరిమితు, తరుణ్ కుమార్, వినోద్ సాగర్ తదితరులు; సంగీతం: వికాస్ బాదిస; సినిమాటోగ్రఫీ: బి.రాజశేఖర్; ఎడిటింగ్: వి.జె.సాబు జోసెఫ్; రచన: మనోజ్ కుమార్ కలైవనన్; దర్శకత్వం: అరివళగన్ వెంకటాచలం; స్ట్రీమింగ్ వేదిక: సోనీ లివ్
తమిళ్ రాకర్స్(Tamilrockerz).. నేటి యువతరానికి పరిచయం అక్కర్లేని పేరు. ఒకప్పుడు కొత్త సినిమా విడుదలవటం ఆలస్యం.. మరుసటి రోజే మార్కెట్లోకి పైరసీ సీడీలు వచ్చేవి. కోట్లు ఖర్చు పెట్టిన నిర్మాతలకు, ఎన్నో కష్టనష్టాలకు ఓర్చి షూటింగ్ చేసిన దర్శక-హీరోలకు వణుకు పుట్టించిన పైరసీ భూతానికి ఉన్న పేరే తమిళ్రాకర్స్. అలాంటి వారి ఇతివృత్తంతో అరివళగన్ తెరకెక్కించిన వెబ్సిరీస్ ఇది. సోనీలివ్ వేదికగా వచ్చిన ఈ వెబ్ సిరీస్ ఎలా ఉంది? అసలు తమిళ్ రాకర్స్ నేపథ్యం ఏంటి?
కథేంటంటే: రూ.కోట్లు ఖర్చు పెట్టి సినిమా తీసిన ఓ నిర్మాత తమిళ రాకర్స్ పైరసీ చేయడం కారణంగా నష్టాల పాలై ఆత్మహత్య చేసుకుంటాడు. మరోవైపు యాక్షన్ స్టార్ ఆదిత్య కథానాయకుడిగా మది (అజగమ్ పెరుమాళ్) అనే నిర్మాత రూ.300కోట్లతో ‘గరుడ’ అనే భారీ సినిమా నిర్మిస్తాడు. దీపావళికి విడుదల చేద్దామనుకునే సమయానికి ఆ సినిమాలోని వీడియో క్లిప్ను తమిళ్ రాకర్స్ విడుదల చేసి, పూర్తి సినిమాను విడుదల చేస్తామని బెదిరిస్తారు. దీంతో మది పోలీసులను ఆశ్రయిస్తాడు. పోలీస్ డిపార్ట్మెంట్ ఈ కేసును స్పెషల్ ఆఫీసర్ రుద్ర (అరుణ్ విజయ్)కు అప్పగిస్తుంది. సైబర్ క్రైమ్ టీమ్ సంధ్య(వాణి భోజన్)తో కలిసి తమిళ్ రాకర్స్ను పట్టుకునేందుకు రుద్ర ఏం చేశాడు? అసలు తమిళ్ రాకర్స్ ఎలా పనిచేస్తారు? సినిమాలను ఎలా పైరసీ చేస్తారు? వీళ్ల నెట్వర్క్ ఏంటి? దీని వల్ల ఆ సంస్థకు వచ్చే లాభం ఏంటి? ఈ మొత్తం నెట్వర్క్ వెనుక ఎవరున్నారు? ఇలాంటి ఆసక్తికర విషయాలు తెలియాలంటే వెబ్సిరీస్ చూడాల్సిందే!
ఎలా ఉందంటే: సగటు సినిమా ప్రేక్షకుడికి తమిళ్ రాకర్స్ గురించి ప్రత్యేకంగా చెప్పాల్సిన పనిలేదు. భాషతో సంబంధం లేకుండా అన్ని సినీ ఇండస్ట్రీలను వణికించిన పైరసీ నెట్వర్క్ ఇది. ఈ అంశాన్ని కథగా తీసుకుని వెబ్సిరీస్గా తెరకెక్కించడంలో దర్శకుడు అరివళగన్ వెంకటాచలం పర్వాలేదనిపించారు. సినీ నిర్మాత ఆత్మహత్య చేసుకోవడంతో కథను మొదలుపెట్టిన దర్శకుడు.. ప్రొడ్యూసర్ కౌన్సిల్లో జరిగే చర్చ ద్వారా సినీ పరిశ్రమపై తమిళ్ రాకర్స్ ప్రభావం ఎంతలా ఉందో చూపించారు. అయితే, పైరసీ నేపథ్యాన్ని, దాని ప్రభావాన్ని చూపేందుకు అవసరమైన సన్నివేశాల కన్నా ఎక్కువ సీన్స్ ఎస్టాబ్లిష్ చేశాడు. దీనికి తోడు ఏసీపీ రుద్ర వ్యక్తిగత జీవితాన్ని కూడా జోడించటం.. ఆసక్తికరంగా సాగుతున్న కథనానికి కాస్త బ్రేక్లు వేసినట్లు అనిపిస్తుంది. తమ కథానాయకుడి సినిమా విడుదలైనప్పుడు అభిమానులు ఎలా ప్రవర్తిస్తారు? ప్రచారం కోసం నిర్మాతలు చేసే పనులేంటి? సినిమా విషయంలో దర్శకుడి సృజనాత్మకకు ప్రాధాన్యం ఇవ్వకుండా.. హీరో తండ్రులు, ఇతరులు ఎలా వేలుపెడతారు? ఇలా ప్రతి అంశాన్ని దర్శకుడు టచ్ చేశాడు.
ఒక వైపు ఈ అంశాలను చెబుతూనే తమిళ్ రాకర్స్ పైరసీ చేసే తీరు, ఆడియో, వీడియో ఫైల్స్ను ఎలా మిక్స్ చేయడం.. ఇలా ఏ అంశాన్నీ దర్శకుడు వదల్లేదు. అయితే, వాటిని ఇంకాస్త ప్రభావవంతంగా చూపించాల్సింది. పైరసీ కారణంగా నిర్మాతలు ఏ విధంగా కూలిపోతున్నారో సంధ్య తండ్రి పాత్ర పోషించిన ఎం.ఎస్.భాస్కర్ ద్వారా భావోద్వేగంగా చూపించారు. అదే సమయంలో మధ్య తరగతి కుటుంబాలు, యువత అవసరాలను అవకాశంగా తీసుకుని.. తమిళ్ రాకర్స్ వాళ్లని వాడుకునే తీరును దర్శకుడు ప్రస్తావించాడు. పైరసీ సీడీలను అమ్మే వ్యక్తి తమిళ్ రాకర్స్ నెట్వర్క్ ప్రారంభించడానికి గల కారణం మాత్రం అంత బలంగా లేదు. పగ, ప్రతీకారంతోనే అది పుట్టుకొచ్చినట్లు చూపించారు. ఇటు రుద్రది కూడా ఒకరకంగా రివేంజ్ డ్రామానే. అన్ని అంశాలను దర్శకుడు చూపిస్తున్నా, ఏదీ ఇంపాక్ట్ క్రియేట్ చేయదు. చాలా సన్నివేశాలకు కత్తెర వేసే అవకాశం ఉన్నా.. వెబ్సిరీస్ను 8 ఎపిసోడ్లకు తీసుకెళ్లారు. ఆరు లేదా ఏడు ఎపిసోడ్లకు పరిమితం చేసి ఉంటే ఇంకాస్త గ్రిప్పింగ్గా ఉండేది. ఈ వీకెండ్లో ఏదైనా ఆసక్తికర వెబ్సిరీస్ చూడాలనుకుంటే కుటుంబంతో కూర్చొన్ని ఎలాంటి అంచనాలు లేకుండా ఒకసారి ‘తమిళ్ రాకర్స్’ చూసేయొచ్చు. ఉత్కంఠగా అయితే ఏమీ ఉండదు.
ఎవరెలా చేశారంటే: పోలీస్ ఆఫీసర్ రుద్రగా అరుణ్ విజయ్ సెటిల్డ్ పెర్ఫామెన్స్ ఇచ్చారు. కథలో తానొక కీలక పాత్రగానే నటించారు తప్ప.. హీరోయిక్ అంశాలకు పోలేదు. వాణిభోజన్, ఐశ్వర్యమేనన్ పాత్రలకు పెద్దగా స్కోప్ లేదు. అజగమ్ పెరుమాళ్, మరిముత్తు, వినోద్ సాగర్.. ఇలా ప్రతి ఒక్కరూ తమ పాత్రకు న్యాయం చేశారు. వికాస్ నేపథ్య సంగీతం ఓకే. బి.రాజశేఖర్ సినిమాటోగ్రఫీ ఈ వెబ్సిరీస్కు బలం. డార్క్ థీమ్, నైట్ ఎపిసోడ్స్ను బాగా చూపించారు. ఎడిటర్ వి.జె.సాబు జోసెఫ్ తన కత్తెరకు పెద్దగా పని చెప్పలేదు. అలాగే రుద్ర భార్య పూజ(ఐశ్వర్య మేనన్)పాత్రకు సంబంధించిన సన్నివేశాలకు కత్తెరవేసి ఉంటే బాగుండేది. మనోజ్ కుమార్ ఇచ్చిన కథను డైరెక్టర్ అరివళగన్ వెంకటాచలం వెబ్ సిరీస్గా తీయడంలో ఓకే అనిపించారు. తమిళ్ రాకర్స్ నేపథ్యంతో తీస్తున్నప్పుడు నెరేషన్ ఇంకాస్త పకడ్బందీగా ఉంటే బాగుండేది. నిడివి విషయంలో వదిలేసినట్లు అనిపించింది. దీనికి కొనసాగింపు ఉన్నట్లు చివర్లో చూపించారు.
బలాలు
+ దర్శకుడు ఎంచుకున్న పాయింట్
+ నటీనటుల సెటిల్డ్ పెర్ఫామెన్స్
+ సంగీతం,సినిమాటోగ్రఫీ
బలహీనతలు
- ఊహించే కథనం
- ఎడిటింగ్
చివరిగా: తమిళ్ రాకర్స్.. అక్కడక్కడ మాత్రమే మెప్పిస్తుంది
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: క్రాక్.. విద్యుత్ జమ్వాల్ స్పోర్ట్స్ యాక్షన్ ఫిల్మ్ ఎలా ఉందంటే?
విద్యుత్ జమ్వాల్ నటించిన స్పోర్ట్స్ యాక్షన్ మూవీ ‘క్రాక్’. ఓటీటీ ‘డిస్నీ+ హాట్స్టార్’లో స్ట్రీమింగ్ అవుతోంది. -
రివ్యూ: రత్నం.. విశాల్ నటించిన యాక్షన్ డ్రామా మెప్పించిందా?
Rathnam movie review: విశాల్ కథానాయకుడిగా హరి దర్శకత్వంలో వచ్చిన యాక్షన్ ఫిల్మ్ తెలుగు ప్రేక్షకులను మెప్పించిందా? -
రివ్యూ: ఆర్టికల్ 370.. యామి గౌతమ్, ప్రియమణి నటించిన పొలిటికల్ థ్రిల్లర్ ఎలా ఉంది?
యామి గౌతమ్, ప్రియమణి నటించిన పొలిటికల్ థ్రిల్లర్ మెప్పించిందా? -
రివ్యూ: మై డియర్ దొంగ.. అభినవ్ గోమఠం నటించిన సినిమా ఎలా ఉందంటే?
అభినవ్ గోమఠం, శాలిని కొండెపూడి ప్రధాన పాత్రల్లో నటించిన చిత్రం ‘మై డియర్ దొంగ’. ఓటీటీ ‘ఆహా’లో విడుదలైన ఈ సినిమా రివ్యూ మీ కోసం.. -
రివ్యూ: సైరెన్.. జయం రవి, కీర్తి సురేశ్ యాక్షన్ థ్రిల్లర్ ఎలా ఉంది?
siren movie review: జయం రవి కథానాయకుడిగా ఆంటోనీ భాగ్యరాజా దర్శకత్వంలో వచ్చిన ‘సైరెన్’ మూవీ తెలుగులో మెప్పించిందా? -
రివ్యూ: పారిజాత పర్వం.. క్రైమ్ కామెడీ థ్రిల్లర్ ఎలా ఉంది?
Paarijatha Parvam Review; చైతన్యరావు, సునీల్, శ్రద్ధాదాస్ కీలక పాత్రల్లో నటించిన క్రైమ్ థ్రిల్లర్ మెప్పించిందా? -
రివ్యూ: ఆట్టం.. మలయాళ సస్పెన్స్ డ్రామా ఎలా ఉంది?
వినయ్, కళాభవన్ షాజాన్, జరీన్ షిహబ్ కీలక పాత్రల్లో నటించిన ‘ఆట్టం’ ఎలా ఉంది? -
రివ్యూ: డియర్.. భార్య గురకపెట్టే కాన్సెప్ట్తో రూపొందిన ఈ మూవీ మెప్పించిందా?
DeAr Movie 2024 Review: జీవీ ప్రకాష్కుమార్, ఐశ్వర్య రాజేశ్ కీలక పాత్రల్లో నటించిన ‘డియర్’ మూవీ మెప్పించిందా? -
రివ్యూ: శ్రీ రంగనీతులు.. సుహాస్, కార్తీక్ రత్నంల కొత్త మూవీ మెప్పించిందా?
sri ranga neethulu review: తాజాగా ప్రేక్షకుల ముందుకు వచ్చిన ‘శ్రీరంగ నీతులు’ మూవీ ఎలా ఉంది? -
రివ్యూ: బడే మియా ఛోటే మియా.. అక్షయ్, టైగర్ ష్రాఫ్ నటించిన యాక్షన్ థ్రిల్లర్ ఎలా ఉంది?
అలీ అబ్బాస్ జాఫర్ దర్శకత్వంలో అక్షయ్, టైగర్ ష్రాఫ్ కీలక పాత్రల్లో నటించిన ‘బడే మియా ఛోటే మియా’ మెప్పించిందా? -
రివ్యూ: గీతాంజలి మళ్ళీ వచ్చింది.. హారర్ కామెడీ థ్రిల్లర్ ఎలా ఉంది?
అంజలి కీలక పాత్రలో నటించిన హారర్ కామెడీ థ్రిల్లర్ ‘గీతాంజలి మళ్ళీ వచ్చింది’ ప్రేక్షకులను మెప్పించిందా? -
రివ్యూ: లవ్గురు.. విజయ్ ఆంటోనీ మూవీ ఎలా ఉంది?
Love Guru Review: విజయ్ ఆంటోని, మృణాళిని రవి కీలక పాత్రల్లో నటించిన న్యూఏజ్ ఫ్యామిలీడ్రామా మెప్పించిందా? -
రివ్యూ: మైదాన్.. అజయ్ దేవ్గణ్ కీలక పాత్రలో నటించిన స్పోర్ట్స్ డ్రామా మెప్పించిందా?
భారత ఫుట్బాల్ కోచ్ అబ్దుల్ సయ్యద్ రహీం జీవిత చరిత్ర ఆధారంగా రూపొందిన ‘మైదాన్’ మూవీ ఎలా ఉంది? -
రివ్యూ: ప్రాజెక్ట్-Z.. సందీప్ కిషన్, లావణ్య త్రిపాఠి సైన్స్ ఫిక్షన్ థ్రిల్లర్ ఎలా ఉంది?
Project Z Movie Review: ఏడేళ్ల కిందట తమిళంలో విడుదలై తాజాగా తెలుగు ప్రేక్షకుల ముందుకు వచ్చిన ‘ప్రాజెక్ట్-Z’ ప్రేక్షకులను మెప్పించిందా? -
రివ్యూ: మంజుమ్మల్ బాయ్స్.. మలయాళ సూపర్హిట్ తెలుగులో ఎలా ఉంది?
మలయాళంలో రూ.200 కోట్లకు పైగా వసూళ్లు సాధించి రికార్డు సృష్టించిన ‘మంజుమ్మల్ బాయ్స్’ మూవీ తెలుగు ప్రేక్షకులకు నచ్చుతుందా? -
రివ్యూ: ఫ్యామిలీస్టార్.. విజయ్ దేవరకొండ ఖాతాలో హిట్ పడిందా?
Family Star Review: విజయ్ దేవరకొండ, మృణాళ్ ఠాకూర్ కీలక పాత్రల్లో నటించిన ‘ఫ్యామిలీస్టార్’ ఎలా ఉందంటే? -
రివ్యూ: టిల్లు స్క్వేర్.. సిద్ధు, అనుపమ జోడీ మేజిక్ చేసిందా?
Tillu Square Review: సిద్ధు జొన్నలగడ్డ, అనుపమ పరమేశ్వర్ జంటగా నటించిన రొమాంటిక్ క్రైమ్ కామెడీ మెప్పించిందా? -
రివ్యూ: ఆడుజీవితం: ది గోట్లైఫ్.. పృథ్వీరాజ్ సుకుమారన్ సర్వైవల్ థ్రిల్లర్ ఎలా ఉంది?
మలయాళ నటుడు పృథ్వీరాజ్ సుకుమారన్, అమలాపాల్ కీలకపాత్రల్లో బ్లెస్సీ తీసిన ‘ఆడు జీవితం’ తెలుగు ప్రేక్షకులను మెప్పించిందా? -
Om Bhim Bush Review; రివ్యూ: ఓం భీమ్ బుష్.. కామెడీ ఎంటర్టైనర్ అలరించిందా?
om bhim bush review: శ్రీ విష్ణు, ప్రియదర్శి, రాహుల్ రామకృష్ణ కీలక పాత్రల్లో నటించిన ‘ఓం భీమ్ బుష్’ ఎలా ఉందంటే? -
ThulasiVanam Review: రివ్యూ: తులసీవనం: మిడిల్క్లాస్ కుర్రాడి బయోపిక్
ఓటీటీ ‘ఈటీవీ విన్’లో విడుదలైన ‘తులసీవనం’ వెబ్సిరీస్ ఎలా ఉందంటే? -
Abraham Ozler review: రివ్యూ: అబ్రహాం ఓజ్లర్.. మలయాళ క్రైమ్ థ్రిల్లర్ ఎలా ఉంది?
Abraham Ozler review: జయరామ్, మమ్ముట్టి కీలక పాత్రల్లో నటించిన ‘అబ్రహాం ఓజ్లర్’ ఎలా ఉందంటే?