Teja Sajja: తేజ సజ్జాకు మోస్ట్‌ పాపులర్‌ యాక్టర్‌ అవార్డు.. ఇది ఆరంభం మాత్రమే అంటూ పోస్ట్‌

ఇంటర్నెట్‌ డెస్క్‌: బాల నటుడిగా ఇండస్ట్రీలోకి అడుగుపెట్టిన తేజ సజ్జా (Teja Sajja).. ‘హనుమాన్‌’తో హీరోగా అందరి దృష్టిని ఆకర్షించారు. ఈ చిత్రంలో హనుమంతు పాత్రతో మెప్పించారు. తాజాగా ఈ యంగ్‌ హీరో మోస్ట్ పాపులర్‌ యాక్టర్‌గా ‘గామా అవార్డు’ను సొంతం చేసుకున్నారు. ఈ అవార్డు అందుకుంటున్న ఫొటోలను షేర్ చేసి ఆనందం వ్యక్తం చేశారు. ‘దీన్ని హనుమంతుడికి అంకితమిస్తున్నా. ఈ అవార్డు ఎంతో ఉత్సాహాన్నిచ్చింది. ‘హనుమాన్‌’కు ఇలాంటి ఎన్నో అవార్డులు వస్తాయని సినిమా విడుదలకు ముందే భావించాం. ఇది ప్రారంభం మాత్రమే.. ఈ చిత్రం ఇలాంటి వాటిని మరిన్ని గెలుచుకోవాలని ఆశిస్తున్నా’ అని రాశారు. దీంతో నెటిజన్లు ఆయనకు అభినందనలు తెలుపుతున్నారు.

విశ్వక్‌సేన్‌ ‘గామి’పై రాజమౌళి పోస్ట్‌.. ఏమన్నారంటే!

చిన్న సినిమాగా విడుదలై సూపర్‌ హిట్‌ను సొంతం చేసుకున్న ‘హనుమాన్‌’కు త్వరలోనే సీక్వెల్‌ రానుంది. ‘జై హనుమాన్‌’ పేరుతో ప్రశాంత్‌వర్మ దీన్ని తెరకెక్కిస్తున్నారు. ఆ చిత్రం ప్రీ ప్రొడక్షన్‌ పనులు ప్రస్తుతం శరవేగంగా జరుగుతున్నాయి. దీని గురించి ఇటీవల దర్శకుడు మాట్లాడుతూ.. ‘‘హను-మాన్‌’ కంటే వందరెట్లు భారీ స్థాయిలో ‘జై హనుమాన్‌’ ఉండనుంది. సీక్వెల్‌లో తేజ సజ్జా హీరో కాదు. సీక్వెల్‌లోనూ అతడు హనుమంతు పాత్రలో కనిపిస్తాడు. కానీ, ఆ సినిమా హీరో ఆంజనేయ స్వామి. ఆ పాత్రను స్టార్‌ హీరో చేస్తారు. 2025లో ఇది విడుదల కానుంది’ అని చెప్పారు.