Kondapolam: ‘కొండపొలం’ ఓటీటీలోకి వచ్చేసింది.. స్ట్రీమింగ్ ఎక్కడంటే? 

ఇంటర్నెట్‌ డెస్క్‌: వైష్ణవ్‌తేజ్‌, రకుల్‌ప్రీత్‌ సింగ్‌ జంటగా నటించిన చిత్రం ‘కొండపొలం’. అడవి నేపథ్యంలో రూపొందిన ఈ సినిమా అక్టోబరు 8న థియేటర్లలో విడుదలై ప్రేక్షకుల్ని మెప్పించింది. ఇప్పుడు ఓటీటీ వేదికగా అలరిస్తోంది. ఈ చిత్రం ప్రముఖ ఓటీటీ అమెజాన్‌ ప్రైమ్‌లో స్ట్రీమింగ్‌ అవుతోంది. సన్నపురెడ్డి వెంకటరామిరెడ్డి రాసిన ‘కొండపొలం’ నవల ఆధారంగా ఈ చిత్రం తెరకెక్కింది. క్రిష్‌ దర్శకత్వం వహించారు. ఎం. ఎం. కీరవాణి సంగీతం అందించారు. కోట శ్రీనివాసరావు, సాయిచంద్‌, హేమ, రచ్చ రవి తదితరులు కీలక పాత్రలు పోషించారు.

ఇదీ కథ: ర‌వీంద్ర‌నాథ్ (వైష్ణ‌వ్‌తేజ్‌) గొర్రెల కాపరుల కుటుంబానికి చెందిన యువ‌కుడు. ఉద్యోగవేట‌లో భాగంగా హైద‌రాబాద్ చేరుకుంటాడు. నాలుగేళ్లు ప్ర‌య‌త్నించినా అతనికి ఉద్యోగం రాదు. ఆత్మ‌విశ్వాస లోప‌మే త‌న‌కి శాపంగా మారుతుంది. ఎంత‌కీ ఉద్యోగం రాక‌పోవ‌డంతో తిరిగి ఊరికి చేరుకుంటాడు. తండ్రితో పాటు గొర్రెల్ని మేప‌డం కోసం కొండ‌పొలానికి వెళ‌తాడు. అప్పుడా యువ‌కుడికి అడ‌వి ఏం నేర్పింది? అత‌నిలో వ‌చ్చిన మార్పేమిటి? యూపీఎస్‌సీలో ఐ.ఎఫ్‌.ఎస్‌కి ఎంపికయ్యేంత ఆత్మ‌విశ్వాసాన్ని ఎలా పెంపొందించుకున్నాడనేది మిగ‌తా క‌థ‌.

► Read latest Cinema News and Telugu News