Cinema News: వెండితెరపై ‘గాంధీ’గిరి
గాంధీ అంటే ఓ వ్యక్తి కాదు.. మహత్తర శక్తి. ఆచరణీయమైన అపురూప జీవన విధానం. అహింసా మార్గంలో స్వాతంత్య్రం సముపార్జించి పెట్టి.. ప్రపంచానికి సరికొత్త యుద్ధతంత్రం నేర్పిన సత్యాగ్రహ సేనాని....
గాంధీ అంటే ఓ వ్యక్తి కాదు.. మహత్తర శక్తి. ఆచరణీయమైన అపురూప జీవన విధానం. అహింసా మార్గంలో స్వాతంత్య్రం సముపార్జించి పెట్టి.. ప్రపంచానికి సరికొత్త యుద్ధతంత్రం నేర్పిన సత్యాగ్రహ సేనాని. జీవితాన్నే ప్రయోగశాలగా మార్చుకుని సత్యశోధన చేసిన మహా జ్ఞాని. సర్వ జన హితమే నా మతమన్న పావన మూర్తి. ఆయన నడిచిన మార్గం.. ఆదర్శనీయమైన వ్యక్తిత్వం ప్రపంచానికి ఓ స్ఫూర్తి పాఠమైంది. అదే ఆయన్ని అందరి మదిలో మహాత్ముడిగా మార్చింది. యావత్ ప్రపంచానికి ఆదర్శనీయంగా నిలిచిన గాంధీ జీవితం.. ఆయన మహోన్నతమైన వ్యక్తిత్వం.. వెండితెరపై ఎన్నోసార్లు కథా వస్తువుగానూ కాంతులీనింది. గాంధీ జయంతి సందర్భంగా ఆ సినీ విశేషాలు మీకోసం..
గాంధీజీ తన జీవిత కాలంలో రెండే చిత్రాలు చూశారు. వాటిలో ఒకటి మైకేల్ కర్టిజ్ తీసిన ‘మిషన్ టు మాస్కో’ (1943) అనే రష్యన్ సినిమా. మరొకటి విజయ్ భట్ తెరకెక్కించిన ‘రామరాజ్య’ (1943). 1944లో గాంధీ మలేరియాతో బాధపడుతున్న సమయంలో ముంబయిలో ప్రత్యేక ప్రదర్శన ద్వారా ఈ చిత్రాల్ని వీక్షించారు.
‘గాంధీ’ గొప్పతనానికి ఆస్కార్ పట్టాభిషేకం
మహాత్మ గాంధీ కథతో.. ఆయన సిద్ధాంతాలతో వెండి తెరపై ఎన్నో కథలొచ్చినా.. సినీ చరిత్రలో ప్రత్యేకంగా నిలిచిపోయిన సినిమా 1982లో వచ్చిన ‘గాంధీ’నే. ఏ బ్రిటిష్ వారిపై బాపూజీ తన పోరాటాన్ని సాగించారో.. వాళ్లే ఆయన మహనీయతను తెరపై ఆవిష్కరించుకుని పులకించిపోవడం విశేషం. గాంధీజీ జీవనయాత్రకు తెర రూపమైన ఈ సినిమాని బ్రిటిష్ దర్శకుడు రిచర్డ్ అటెన్బరో తెరకెక్కించారు. మహాత్ముడి పాత్రను బ్రిటిష్ నటుడు బెన్ కింగ్స్లే పోషించారు. 1893లో యువ గాంధీని దక్షిణాఫ్రికాలో రైలు నుంచి గెంటివేసిన దగ్గర్నుంచి.. 1948లో గాంధీ మరణించే వరకు ఆయన జీవితంలోని ప్రతి ఘట్టాన్నీ ఈ చిత్రంలో కళ్లకు కట్టినట్లు చూపించారు అటెన్బరో. ఈ సినిమాకి భారతీయులతో పాటు ప్రపంచ సినీప్రియులు నీరాజనాలు పట్టారు. గాంధీజీ మహోన్నతమైన జీవన విధానం అందరి మనసులను హత్తుకోవడం వల్లే ఈ విజయం సాధ్యమైంది. ప్రేక్షకులే కాదు.. ఆస్కార్ పురస్కారాలు సైతం ‘గాంధీ’ గొప్పతనానికి ప్రపంచ వేదికపై పట్టంకట్టాయి. ఈ చిత్రం ఆ ఏడాది ఆస్కార్ పురస్కారాల్లో 11 నామినేషన్లకు గానూ.. ఏకంగా 8 ఆస్కార్ అవార్డులు అందుకుని సత్తా చాటింది.
శ్యామ్ బెనగల్.. ‘మహాత్మ’..
గాంధీ జీవన ప్రయాణం అనగానే అందరికీ దక్షిణాఫ్రికా రైలులో ఆయనకు జరిగిన అవమానం.. అక్కడి నుంచి స్వేచ్ఛ, స్వాతంత్య్రం కోసం ఆయన చేసిన పోరాటాలే గుర్తొస్తాయి. అటెన్బరో తన ‘గాంధీ’ చిత్రంలో చూపించింది ఈ కథే. మరి నిజానికి గాంధీజీ స్వభావం అలా రూపుదిద్దుకోవడానికి మూలమేంటి? ఆయన ప్రస్థానం ఎలా మొదలైంది? అన్నది ‘ది మేకింగ్ ఆఫ్ ది మహాత్మ’ చిత్రంతో వెండితెరపై చూపించారు ప్రముఖ దర్శకుడు శ్యామ్ బెనగల్. ఫాతిమా మీర్ రాసిన ‘ది అప్రంటిస్ షిప్ ఆఫ్ మహాత్మా’ పుస్తకం ఆధారంగా బెనగల్ ఈ సినిమాని రూపొందించారు. రంజిత్ కపూర్ టైటిల్ పాత్రలో నటించిన ఈ సినిమా 1996లో విడుదలై బాక్సాఫీస్ ముందు భారీ విజయాన్ని అందుకోవడమే కాక జాతీయ పురస్కారాన్ని దక్కించుకుంది. ఈ చిత్రంలో బాపూజీగా నటించిన రంజిత్కు ఉత్తమ నటుడిగా జాతీయ అవార్డు దక్కింది.
తెలుగు తెరపై గాంధీయిజం..
తెలుగులో గాంధీ నిజ జీవిత కథతో సినిమాలు రాకున్నా.. ఆయన సిద్ధాంతాలతో అల్లుకున్న కథలతో బాగానే వచ్చాయి. వీటిలో ప్రముఖంగా చెప్పుకోవాల్సింది చిరంజీవి ‘శంకర్దాదా జిందాబాద్’, శ్రీకాంత్ ‘మహాత్మ’ చిత్రాలే. హిందీలో విజయవంతమైన ‘లగేరహో మున్నాభాయ్’కి రీమేక్గా ప్రభుదేవా తెరకెక్కించిన చిత్రమే ‘శంకర్దాదా జిందాబాద్’. హింసే ఆయుధంగా జీవించే ఓ దాదా.. గాంధీ సిద్ధాంతాల స్ఫూర్తితో తన జీవితాన్ని ఎలా మార్చుకున్నాడు? గాంధీగిరితో తన శత్రువులపై ఎలా విజయం సాధించాడన్నది ఈ సినిమాలో వినోదాత్మకంగా చూపించారు. చిరు దీంట్లో గాంధీ మార్గాన్ని అనుసరించే వ్యక్తిగా కనిపించి.. స్ఫూర్తి నింపారు. ఈ సినిమాలో ‘‘ఓ బాపు నువ్వే రావాలి.. నీ సాయం మళ్లీ కావాలి’’ అంటూ సాగే పాట ప్రేక్షకుల్ని భావోద్వేగానికి గురిచేసింది. శ్రీకాంత్ హీరోగా ప్రముఖ దర్శకుడు కృష్ణవంశీ తెరకెక్కించిన ‘మహాత్మ’ చిత్రానికి గాంధీ సిద్ధాంతాలే స్ఫూర్తి. మహాత్ముడి సుగుణాలు.. ఆయన స్ఫూర్తిదాయక జీవన విధానం.. ఓ బస్తీ రౌడీని ఎలా మార్చాయి. అతను మారి సమాజంలో ఎలాంటి మార్పులకు నాంది పలికాడన్నది సినిమాలో ఆసక్తికరంగా చూపించారు కృష్ణవంశీ. ఇందులో వినిపించిన ‘రఘుపతి రాఘవ రాజారాం’ గీతం గాంధీ గొప్పతనాన్ని చాటి చెప్పే పాటల్లో ప్రత్యేకంగా నిలిచింది.
గాంధీజీపై తీసిన పూర్తి నిడివున్న డాక్యుమెంటరీ.. 1940లో వచ్చిన ‘మహాత్మా గాంధీ’. ఏ.కే.చెట్టియార్ తెరకెక్కించారు. ఆయన అనేక ప్రాంతాలకు తిరిగి... ఎంతో పుటేజీ సేకరించి, 50వేల అడుగుల రీళ్లను ఎడిట్ చేసి ఈ డాక్యుమెంటరీ తయారు చేశారట. దీని నిడివి 1గంట 20 నిమిషాలు. దీని కన్నా ముందు బాపూజీపై బ్రిటిష్ పాథే ‘మహాత్మా గాంధీ టాక్స్’, ఎంజీఎం సంస్థ ‘గార్బో టాక్స్’ పేరుతో డాక్యుమెంటరీలు తీసుకొచ్చింది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
‘కల్కి 2898 ఏడీ’ వాయిదా.. కొత్త రిలీజ్ డేట్ ఇదే
ప్రభాస్ ‘కల్కి’ని వాయిదా వేస్తున్నట్లు చిత్రబృందం తెలిపింది. కొత్త విడుదల తేదీని ప్రకటించింది. -
మేకప్ రూమ్లో బంధించారు.. నిర్మాతపై నటి ఆరోపణలు
నిర్మాత వేధింపుల కారణంగా బాలీవుడ్ డ్రామా షో ‘శుభ్ షగున్’ నుంచి బయటకు వచ్చేసినట్లు నటి కృష్ణ ముఖర్జీ తెలిపారు. -
వాటిని తెంచుకున్నంత సులువుగా ప్రేమను వదులుకోలేకపోయా: కమల్ హాసన్
ప్రేమ స్వభావం ఎలా ఉన్నప్పటికీ దానిని వదులుకోవడం చాలా కష్టమన్నారు అగ్ర కథానాయకుడు కమల్ హాసన్. -
అధికారిక ప్రకటనే లేదు.. ‘రామాయణ’ షూట్ ఫొటోలు వైరల్
ఇటీవలే షూటింగ్ మొదలైన ‘రామాయణ’ మూవీకి సంబంధించి సెట్స్లో ఫొటోలు లీకవడం చిత్ర బృందానికి కొత్త తలనొప్పులు తెచ్చిపెడుతోంది. -
హాలీవుడ్కు వెళ్లాక భయపడ్డా.. ఆ భావన మనసును కుంగదీసింది: ప్రియాంక చోప్రా
హాలీవుడ్కు వెళ్లిన తొలినాళ్లలో ఎన్నో కష్టాలు ఎదుర్కొన్నట్లు స్టార్ హీరోయిన్ ప్రియాంక చోప్రా తెలిపారు. -
ఐదు రోజులుగా టీవీ నటుడు మిస్సింగ్.. కిడ్నాప్ అనుమానాలు..!
Gurucharan Singh: బాలీవుడ్లో ప్రముఖ టీవీ నటుడు ఐదు రోజులుగా కన్పించకుండా పోవడం చర్చనీయాంశమైంది. అతడిని కిడ్నాప్ చేసి ఉంటారనే అనుమానాలు వ్యక్తమవుతున్నాయి. -
ఓటీటీలోకి ‘మంజుమ్మల్ బాయ్స్’.. స్ట్రీమింగ్ ఎప్పుడంటే
సర్వైవల్ థ్రిల్లర్ ‘మంజుమ్మల్ బాయ్స్’ ఓటీటీలోకి వచ్చేందుకు సిద్ధమైంది. -
ఆ సమయంలో 32 కిలోల బరువు పెరిగాను: సోనమ్ కపూర్
బరువు పెరిగినప్పుడు బాధపడినట్లు బాలీవుడ్ నటి సోనమ్ కపూర్ తెలిపారు. -
అభిమానుల ప్రేమను పొందడం సులభం కాదు: సమంత
తన అభిమానులపై సమంత ఆసక్తికర వ్యాఖ్యలు చేశారు. -
పరిశ్రమను వదిలి వెళ్లాలనుకున్నా!
‘మురారి’, ‘ఇంద్ర’, ‘మన్మథుడు’లాంటి హిట్ చిత్రాలతో తెలుగు ప్రేక్షకులకు దగ్గరైన బాలీవుడ్ నాయిక సోనాలీ బెంద్రే. చాలా ఏళ్ల విరామం తర్వాత ‘ది బ్రోకెన్ న్యూస్’ అనే సిరీస్తో తెరపై కనిపించింది. -
ఆ అవకాశం ఎప్పటికైనా వస్తుంది
హాలీవుడ్ నుంచి వచ్చిన అవకాశాన్ని కొన్ని అనివార్య కారణాల వల్ల వదులుకున్నానంటోంది బాలీవుడ్ బ్యూటీ కత్రినా కైఫ్. మళ్లీ కచ్చితంగా అవకాశం వస్తుందని, అది తన సినీ ప్రయాణాన్ని మలుపు తిప్పుతుందన్న నమ్మకాన్ని వ్యక్తం చేస్తోంది. -
పాట లేదు ఆట మాత్రమే!
ఒకవైపు ‘ఫ్యామిలీస్టార్’ గురించి చర్చ జరుగుతుండగానే... మరోవైపు గౌతమ్ తిన్ననూరి దర్శకత్వం వహిస్తున్న కొత్త సినిమాతో బిజీ అయిపోయారు విజయ్ దేవరకొండ. -
అక్షయ్ కొత్త చిత్రం
‘బడే మియా ఛోటే మియా’తో ఇటీవలే ప్రేక్షకులను పలకరించారు బాలీవుడ్ కథానాయకుడు అక్షయ్ కుమార్. ప్రస్తుతం వరుస సినిమాలతో బిజీగా ఉన్న ఆయన.. -
ప్రేమ ‘పరదా’
అనుపమ పరమేశ్వరన్ ప్రధాన పాత్రధారిగా... ప్రవీణ్ కాండ్రేగుల దర్శకత్వంలో ఓ చిత్రం తెరకెక్కుతోంది. ‘సినిమా బండి’ చిత్రంతో మెప్పించిన దర్శకుడీయన. -
అధునాతన సాంకేతికతతో..
సినిమా నిర్మాణానంతర పనులకి కావల్సిన అత్యాధునిక సాంకేతికతని అందుబాటులోకి తీసుకొచ్చినట్టు తెలిపారు శ్రీసారథి స్టూడియోస్ ఛైర్మన్ ఎం.ఎస్.ఆర్.వి.ప్రసాద్. -
ఆడపిల్లనే! ఐతే ఏంటంట?
చాందిని చౌదరి ప్రధాన పాత్రలో ప్రకాష్ దంతులూరి తెరకెక్కిస్తున్న చిత్రం ‘యేవమ్’. నవదీప్, పవన్ గోపరాజు సంయుక్తంగా నిర్మిస్తున్నారు. వశిష్ఠ సింహా, జై భారత్ తదితరులు కీలక పాత్రలు పోషిస్తున్నారు. -
శరవేగంగా ఓదెల 2
‘ఓదెల 2’తో ప్రేక్షకుల్ని అలరించేందుకు సిద్ధమవుతోంది తమన్నా. ఆమె ప్రధాన పాత్రలో నటిస్తున్న ఈ చిత్రాన్ని అశోక్ తేజ తెరకెక్కిస్తున్న సంగతి తెలిసిందే. -
గెలుపే లక్ష్యమైతే ఆట ఎలా ఆడితే ఏంటి?
ఆర్కే సాగర్ ప్రధాన పాత్రలో రాఘవ్ ఓంకార్ శశిధర్ తెరకెక్కించిన చిత్రం ‘ది100’. రమేశ్ కరుటూరి, వెంకీ పూషడపు, జె.తారక్ రామ్ సంయుక్తంగా నిర్మించారు. -
అనుపమ ‘పరదా’.. అదితి ఆన్డ్యూటీ.. భూమీ భలే డ్రెస్సు!
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ.. -
‘పుష్ప’ కేశవ రోల్కు సుహాస్ని అనుకున్నాం.. కానీ!: సుకుమార్
‘ప్రసన్నవదనం’ సినిమా ప్రీ రిలీజ్ ఈవెంట్కు దర్శకుడు ముఖ్య అతిథిగా హాజరయ్యారు. ఆ వేదికపై సుహాస్ గురించి ఆసక్తికర విషయం చెప్పారు. -
కియారా కీలక పాత్ర.. అవన్నీ రూమర్సే!
కియారా అడ్వాణీ ఓ పాన్ ఇండియా చిత్రంలో కీలక పాత్ర పోషించనుందంటూ ప్రచారం జరిగింది. అది రూమరే అని స్పష్టత వచ్చింది.
తాజా వార్తలు (Latest News)
-
‘కల్కి 2898 ఏడీ’ వాయిదా.. కొత్త రిలీజ్ డేట్ ఇదే
-
‘అప్పుడు ఆత్మహత్య చేసుకోవాలనుకున్నా’: బైడెన్
-
నక్కపల్లి వద్ద ఘోర ప్రమాదం: ముగ్గురి మృతి
-
అమెజాన్ గ్రేట్ సమ్మర్ సేల్ తేదీలు వచ్చేశాయ్.. ఈ ఫోన్లపై డిస్కౌంట్
-
ఈనాడు.నెట్లో టాప్ 10 వార్తలు @ 5 PM
-
మారుతీ నుంచి అందుబాటు ధరకే త్వరలో హైబ్రిడ్ కారు