Senapathi: సేనాపతి ‘ది ఛేజ్‌’ సీన్‌ చూశారా..!

హైదరాబాద్‌: నటకిరీటి రాజేంద్రప్రసాద్‌ (Rajendra Prasad) ప్రధాన పాత్రలో నటించిన చిత్రం ‘సేనాపతి’ (Senapathi). కోలీవుడ్‌లో తెరకెక్కిన ‘8 తూటాకల్‌‌’కు రీమేక్‌గా ఈ సినిమా రూపొందించారు. పవన్‌సాధినేని దర్శకత్వం వహించిన ఈ సస్పెన్స్‌ క్రైమ్‌ థ్రిల్లర్‌ ఇటీవల ఆహా ఓటీటీ వేదికగా విడుదలై విశేష ప్రేక్షకాదరణ పొందింది. ఈనేపథ్యంలో తాజాగా ‘సేనాపతి’ నుంచి ఓ స్పెషల్‌  వీడియోని చిత్రబృందం సోషల్‌మీడియా వేదికగా విడుదల చేసింది. ‘ది ఛేజ్‌’ పేరుతో విడుదలైన ఈ వీడియోలో కీలక పాత్రధారి అయిన నరేశ్‌ అగస్త్య దొంగని ఛేజ్‌ చేస్తూ కనిపించారు. ఈ క్రమంలోనే తన తుపాకీని ఎక్కడో చేజార్చుకోవడంతో తన పోలీస్ ఉద్యోగం ప్రమాదంలో పడటం వంటి సన్నివేశాలతో ఈ వీడియో రూపుదిద్దుకుంది. మరోవైపు ఇప్పటివరకూ కామెడీ, ఫ్యామిలీ ఎంటర్‌టైనర్స్‌తో ప్రేక్షకుల్ని అలరించిన రాజేంద్రప్రసాద్‌ మొదటిసారి ఈ విధమైన క్రైమ్‌ థ్రిల్లర్‌లో నటించారు. ఇందులో ఆయన సీరియస్‌ రోల్‌లో కనిపించారు. చిరంజీవి పెద్దకుమార్తె సుస్మిత, ఆమె భర్త విష్ణు ఈ చిత్రాన్ని నిర్మించారు.