Published : 28 Feb 2022 01:15 IST

Vijay: సెన్సేషన్‌ క్రియేట్‌ చేసిన ‘అరబిక్‌ కుత్తు’

చెన్నై: విజయ్‌ హీరోగా నటిస్తోన్న సినిమా ‘బీస్ట్‌’. పూజాహెగ్డే కథానాయిక. నెల్సన్‌ దర్శకుడు. కమర్షియల్‌ హంగులతో రూపుదిద్దుకుంటోన్న ఈ చిత్రాన్ని వేసవి కానుకగా ఏప్రిల్‌లో విడుదల చేయాలని చిత్రబృందం భావిస్తోంది. ఈ చిత్రం నుంచి మొదటి సాంగ్‌గా ‘అరబిక్‌ కుత్తు’ను ఇటీవల విడుదల చేసింది. ‘పాన్‌ వరల్డ్‌ పాట’గా వచ్చిన ఈ సాంగ్‌.. విడుదలైన నాటి నుంచే యూట్యూబ్‌లో దూసుకెళ్తోంది.

కాగా, తాజాగా ‘అరబిక్‌ కుత్తు’ పాట సరికొత్త రికార్డ్‌ సృష్టించింది. విడుదలైన రెండు వారాల్లోనే  100 మిలియన్ల వ్యూస్‌ సొంతం చేసుకుంది. ఈ విషయాన్ని తెలియజేస్తూ చిత్ర నిర్మాణ సంస్థ ఓ స్పెషల్‌ పోస్ట్‌ రిలీజ్‌ చేసింది. పాట విడుదలైన 24 గంటల్లో 25 మిలియన్ల వ్యూస్‌ అందుకుందని.. నాలుగు రోజుల్లో ఆ సంఖ్య 50 మిలియన్లకు చేరిందని తెలిపింది. ఈక్రమంలోనే తాజాగా ఈ పాట 100 మిలియన్ల వ్యూస్‌ దాటింది. 3.7 మిలియన్ల మంది ఈ పాటను లైక్‌ చేశారు. ఇప్పటికే ఈ పాటకు ప్రేక్షకుల్లో విపరీతమైన క్రేజ్‌ పెరిగింది. నెట్టింట్లో ఎక్కడ చూసినా ‘హలమితీ హబీబో’ అంటూ ఈ పాట రీల్సే కనిపిస్తున్నాయి.



Read latest Movies News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని