Rashmika: ‘బేబీ’ ప్రీమియర్‌ చూశాక.. రష్మిక ఫస్ట్‌ రియాక్షన్‌ ఇదే..

హైదరాబాద్‌: ఆనంద్‌ దేవరకొండ (Anand Deverakonda), వైష్ణవి చైతన్య (vaishnavi chaitanya), విరాజ్‌ అశ్విన్‌ (Viraj Aswani) ప్రధాన పాత్రల్లో నటించిన యూత్‌ఫుల్‌ లవ్‌ ఎంటర్‌టైనర్‌ ‘బేబీ’ (Baby). సాయిరాజేశ్‌ దర్శకుడు. శుక్రవారం ప్రేక్షకుల ముందుకు వచ్చిన ఈసినిమా అంతటా మంచి టాక్‌ అందుకుంది. కాగా, గురువారం రాత్రి హైదరాబాద్‌లోని ప్రసాద్‌ ఐమ్యాక్స్‌లో జరిగిన ప్రీమియర్‌లో విజయ్‌ దేవరకొండ, రాశీ ఖన్నా, మారుతితోపాటు పలువురు పాల్గొని సందడి చేశారు. నటి రష్మిక సినిమా చూసి ఉద్వేగానికి గురయ్యారు. సినిమా పూర్తయ్యాక థియేటర్‌ నుంచి బయటకు వచ్చిన ఆమె.. కాస్త ఎమోషనల్‌గా అక్కడి నుంచి వెళ్లిపోయారు. దీనికి సంబంధించిన ఓ వీడియో నెట్టింట వైరల్‌గా మారింది.

• ఇదీ చదవండి: రివ్యూ: బేబీ.. ముక్కోణపు ప్రేమకథ మెప్పించిందా?

మరోవైపు, ‘బేబీ’ వీక్షించిన తర్వాత చిత్రబృందంపై ప్రశంసల వర్షం కురిపించారు నటుడు విజయ్‌ దేవరకొండ. ‘‘ఎస్‌కేఎన్‌, సాయి రాజేశ్‌.. ఈరోజు నేనెంతో గర్వంగా ఉన్నాను. అద్భుతమైన చిత్రాన్ని ప్రేక్షకులకు అందించారు. వైష్ణవి.. తన నటనతో ఏడిపించేసింది. ఆనంద్‌, విరాజ్‌ బాగా చేశారు. టీమ్‌ అందరి విషయంలో గర్వపడుతున్నా. త్వరలోనే ఈసినిమా గురించి మరిన్ని విషయాలు మాట్లాడతా’’ అని చెప్పారు.