Priyanka Chopra: రూ.165 కోట్ల ఇంటిని వీడిన ప్రియాంక దంపతులు.. కారణం ఏమిటంటే?

ఇంటర్నెట్‌డెస్క్‌: అమెరికన్‌ పాప్‌ సింగర్‌ నిక్‌ జొనాస్‌ (Nick Jonas)ను వివాహం చేసుకుని యూఎస్‌లో సెటిలయ్యారు బాలీవుడ్‌ నటి ప్రియాంకా చోప్రా. తమ అభిరుచులకు తగ్గట్టు లాస్‌ ఏంజిలెస్‌లో 20 మిలియన్‌ డాలర్లతో విలాసవంతమైన భవనాన్ని కొనుగోలు చేశారు. తాజా సమాచారం ప్రకారం.. ఆ ఇంటి నుంచి వాళ్లిద్దరూ బయటకు వచ్చేశారు. ఈ మేరకు స్థానిక మీడియాలో వార్తలు వస్తున్నాయి.

Tripti Dimri: అలాంటి వ్యక్తినే పెళ్లి చేసుకుంటా: త్రిప్తి డిమ్రి

నీళ్లు లీక్‌ అవుతుండటంతో ఇంట్లో చాలా ప్రదేశాలు డ్యామేజ్‌ అయ్యాయట. దీంతో నష్టపరిహారం ఇప్పించాలని ఆ ఇల్లు అమ్మిన వ్యక్తిపై కోర్టులో దావా వేశారు అనేది వార్తల సారాంశం. ఈ క్రమంలోనే ఇంటి నుంచి బయటకు కూడా వచ్చేశారని చెబుతున్నారు. ప్రస్తుత ధరల ప్రకారం ఆ ఇంటి విలువ సుమారు రూ.165 కోట్లు. మరమ్మతులు చేయించడానికి దాదాపు 2.5 మిలియన్‌ డాలర్లు ఖర్చు అవుతుందని సమాచారం.

అమూల్యమైన క్షణాల కోసం...

ఆ విలాసవంతమైన ఇంటిలో ఏడు పడక గదులు, తొమ్మిది బాత్‌రూమ్‌లు, టెంపరేచర్ కంట్రోల్డ్ వైన్ సెల్లార్, చెఫ్ కిచెన్, హోమ్‌ థియేటర్, స్పా, స్టీమ్ షవర్, జిమ్‌, బిలియర్డ్స్ రూమ్ లాంటివి ఉన్నాయి. పిల్లలతో గడిపే ప్రతి క్షణం అమూల్యమైనదిగా ఉండాలని ప్రియాంక - నిక్‌ ఆ ఇంటిని కొనుగోలు చేశారు. తమ ఆలోచనలకు అనుగుణంగా కొన్ని మార్పులు చేశారు. అవుట్‌డోర్‌ స్పేస్‌, పచ్చదనం ఎక్కువ ఉండేలా చూసుకున్నారు.