అరుదైన లోహం టాంటలమ్
లోహాలతోనే మన జీవితం ముడిపడి ఉంది. ఇనుము, స్టీలు, అల్యూమినియం, రాగి వంటి లోహాలతో చేసిన వస్తువులు లేకపోతే మనకు రోజే గడవదు. బంగారం, వెండి గురించి చెప్పేదేముంది? ఆభరణాల రూపలో అందానికే అందం తెస్తాయి
లోహాలతోనే మన జీవితం ముడిపడి ఉంది. ఇనుము, స్టీలు, అల్యూమినియం, రాగి వంటి లోహాలతో చేసిన వస్తువులు లేకపోతే మనకు రోజే గడవదు. బంగారం, వెండి గురించి చెప్పేదేముంది? ఆభరణాల రూపలో అందానికే అందం తెస్తాయి. ఇవే కాదు.. కొన్ని అరుదైన లోహాలూ ఉన్నాయి. అలాంటి ఒక లోహాన్ని ఐఐటీ రోపర్ పరిశోధకుల బృందం ఇటీవల పంజాబ్లోని సట్లెజ్ నది ఇసుకలో గుర్తించింది. దీని పేరు టాంటలమ్. ఎలక్ట్రానిక్స్, సెమీకండక్టర్లలో విరివిగా వాడే దీని ఉనికి బయటపడటం దేశానికే గొప్ప విషయంగా భావిస్తున్నారు. మరి దీని విశేషాలేంటో చూద్దామా.
టాంటలమ్ అరుదైన లోహం. దీని అణుసంఖ్య 73. అంటే ఒక అణు మూలకంలో 73 ప్రోటాన్లు ఉంటాయన్నమాట. టాంటలమ్ విడిగా లభించటం అరుదు. చాలావరకిది కొలంబైట్-టాంటలైట్ అనే ఖనిజంతో కలిసిపోయి ఉంటుంది. ఇందులో నియోబియమ్ వంటి ఇతర లోహాలూ ఉంటాయి. బూడిద రంగులో కనిపించే టాంటలమ్ అతి బరువుగా, కఠినంగా ఉంటుంది. ప్రస్తుతం మనం వినియోగిస్తున్న లోహాల్లో అన్నింటికన్నా ఎక్కువగా క్షీణతను తట్టుకునేది ఇదే. ఎందుకంటే గాలి తగిలినప్పుడు దీని ఉపరితలం చుట్టూ ఆక్సైడ్ పొర ఏర్పడుతుంది. దీన్ని తొలగించటం చాలా చాలా కష్టం. బలమైన, వేడి ఆమ్ల వాతావరణాల్లోనూ ఇది చెక్కు చెదరదు. టాంటలమ్ శుద్ధ రూపంలో మృదువుగా, మెత్తగా ఉంటుంది. అంటే దీన్ని సాగదీయొచ్చు, లాగొచ్చు. సన్నటి తీగ రూపంలోకి మార్చొచ్చు కూడా. తెగకుండా తాడు రూపంలోనూ మలచుకోవచ్చు. అన్నింటికన్నా గొప్ప విషయం- 150 డిగ్రీల సెంటీగ్రేడ్ కన్నా తక్కువ ఉష్ణోగ్రతలో ఎలాంటి రసాయన దాడులనైనా తట్టుకోగలగటం. కేవలం హైడ్రోఫ్లోరిక్ ఆమ్లం, ఫ్లోరైడ్ అయాన్తో కూడిన ఆమ్ల ద్రావణాలు మాత్రమే దీనిపై ప్రభావం చూపగలవు. అంతేకాదు.. టాంటలమ్ కరిగే దశ కూడా చాలా ఎక్కువగా ఉంటుంది. ఈ విషయంలో టంగ్స్టన్, రీనియమ్ తర్వాతి స్థానం దీనిదే. ఇతర లోహాల మీద టాంటలమ్ను పలుచటి పొరగా పూస్తే తక్కువ మొత్తంలోనే ఎక్కువ సామర్థ్యాన్నీ సాధించొచ్చు.
1200 ఏళ్ల కిత్రం గుర్తింపు
స్వీడన్ రసాయన శాస్త్రవేత్త ఆండ్రెస్ గుస్తాఫ్ ఎకెన్బర్గ్ 1802లో టాంటలమ్ను తొలిసారి గుర్తించారు. స్వీడన్లోని ఎటర్బై నుంచి సంగ్రహించిన ఖనిజాల్లో ఇది బయటపడింది. మొదట్లో దీన్ని నియోబియమ్కు సంబంధించిన మరో రూపమని భావించారు. నియోబియమ్ కూడా టాంటలమ్ మాదిరిగానే ఉంటుంది మరి. అయితే ఇవి రెండూ వేర్వేరు మూలకాలని స్వీడన్కే చెందిన మరో రసాయన శాస్త్రవేత్త జీన్ ఛార్లెస్ గాలిసార్డ్ డి మారిగ్నాక్ 1886లో తేల్చారు.
గ్రీకు రాజు పేరు
టాంటలమ్కు ఆ పేరు ఎలా వచ్చిందో తెలుసా? గ్రీకు పౌరాణిక కథల్లోని టాంటలస్ అనే రాజు పేరుతో. ఆయన యూదుల నుంచి ఘోరమైన శిక్షను ఎదుర్కొన్నట్టు కథలు చెబుతాయి. దేవతల విందులో తన కుమారుడితో వడ్డించటానికి ప్రయత్నం చేసినందుకు ఆయనను పాతాళలోకానికి వెలివేశారు. అక్కడ ఒక సరస్సులో నిరంతరం నిలబడే ఉండేవాడు. తల మీద తాజా పండ్ల గుత్తులు వేలాడేవి. నీరు తాగటానికి వంగితే పండ్లు కిందికి వచ్చేవి. కోయటానికి ప్రయత్నిస్తే కొమ్మలు వెనక్కి వెళ్లేవి. ఆమ్లంలో టాంటలమ్ అసలే కరగదు కాబట్టే ఈ పేరును ఎంచుకున్నారు.
ఉపయోగాలేంటి?
ఎలక్ట్రానిక్ రంగంలో టాంటలమ్ను విరివిగా వాడతారు. దీంతో తయారైన చిన్న కెపాసిటర్లు కూడా పెద్ద మొత్తంలో విద్యుత్తును నిల్వ ఉంచుకుంటాయి. ఇతర రకాల కెపాసిటర్ల మాదిరిగా వీటి నుంచి విద్యుత్తు లీక్ కాదు. అందుకే స్మార్ట్ఫోన్లు, ల్యాప్టాప్లు, డిజిటల్ కెమెరాల వంటి పోర్టబుల్ పరికరాలకు అనువుగా ఉంటుంది. కరిగే దశ చాలా ఎక్కువగా ఉండటం వల్ల ప్లాటినమ్కు ప్రత్యామ్నాయంగానూ టాంటలమ్ పనికొస్తోంది. ప్లాటినమ్ చాలా ఖరీదైనది కావటం వల్ల టాంటలమ్ మంచి అవకాశంగా కనిపిస్తోంది. రసాయన పరిశ్రమలు, అణు విద్యుత్తు కేంద్రాల పరికరాల భాగాలు.. విమాన, క్షిపణుల భాగాలనూ దీంతో తయారుచేస్తారు. టాంటలమ్ శరీరంలోని స్రావాలకూ చలించదు. కాబట్టే కృత్రిమ మోకీళ్ల వంటి ఇంప్లాంట్స్, శస్త్రచికిత్సలో వాడే పరికరాల తయారీకిది చాలా అనువుగా ఉంటుంది. పుర్రె ప్లేట్ల వంటి కృత్రిమ ఎముకగానూ వాడుకోవచ్చు. తీగ రూపంలో తెగిన నాడులను అతికించొచ్చు. కడుపులో పేగుల వంటివి జారకుండా మెష్గానూ ఉపయోగపడుతుంది. టాంటలమ్ కార్బయిడ్, గ్రాఫైట్ రెండూ కలిస్తే అతి కఠినమైన పదార్థంగా ఏర్పడుతుంది. ఇప్పటివరకూ మనకు తెలిసిన అతి కఠినమైన పదార్థం ఇదే. దీంతో అధునాతన అత్యధిక వేగంతో ప్రయాణించే యంత్రాల పరికరాలను రూపొందిస్తారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
నాచులో నత్రజని ఫ్యాక్టరీ
ప్రకృతిలో బ్యాక్టీరియా, ప్రాణులు ఒకదాని మీద మరోటి ఆధారపడటం (సింబయోటిక్) మామూలే. కానీ ఆ బ్యాక్టీరియా ప్రాణిలో భాగంగా మారితే? శక్తినందించే వనరుగా పరిణమిస్తే? అలాంటి విషయాన్నే శాస్త్రవేత్తలు గుర్తించారు. -
లిథియం బ్యాటరీ పేలకుండా..
ఇప్పుడు లిథియం-అయాన్ బ్యాటరీలు లేని డిజిటల్ పరికరాలను ఊహించుకోలేం. సెల్ఫోన్ల దగ్గరి నుంచి స్మార్ట్వాచ్ల వరకూ అన్నింటికీ ఇవే ఆధారం. ఐప్యాడ్, మ్యాక్, ఎలక్ట్రిక్ టూత్బ్రష్, ట్రిమ్మర్ వంటివీ వీటితోనే పనిచేస్తాయి. -
అణువు మందం బంగారు పొర
బంగారాన్ని పొరలుగా మలచటం తెలుసు. కానీ అతి పలుచటి.. ఆ మాటకొస్తే కేవలం అణువు మందం పొరగా మలచటం చాలా కష్టం. ఇందుకోసం శాస్త్రవేత్తలు చాలాకాలంగా ప్రయత్నిస్తున్నారు. -
నక్షత్రాలూ సంచరిస్తాయి!
నక్షత్ర మండలంలో కోట్లాది నక్షత్రాలుంటాయి. సాధారణంగా ఇవి తమ నక్షత్ర మండలానికే పరిమితమవుతాయి. కానీ కొన్ని మాత్రం నక్షత్ర మండలాల మధ్య తిరుగుతుంటాయి. తమ నక్షత్ర మండలం గురుత్వాకర్షణకు కట్టుబడి ఉండవు. -
లాలీపాప్తో నోటి క్యాన్సర్ జాడ
క్యాన్సర్లను నిర్ధరించటానికి కణజాలం నుంచి చిన్న ముక్కను తీసి పరీక్ష చేస్తుంటారు (బయాప్సీ). ఇందుకోసం శరీరానికి కోత పెట్టాల్సి ఉంటుంది. నొప్పి పుడుతుంది. బయాప్సీ చేయటానికి నిపుణులు అవసరం. -
వరదొచ్చే.. వరదొచ్చే.. వారం ముందే అంచనా
కృత్రిమ మేధ (ఏఐ) రోజురోజుకీ కొత్త పుంతలు తొక్కుతోంది. కంపెనీలు వినూత్న టూల్స్ను సృష్టిస్తూ సత్తాను చాటుకోవటానికి ప్రయత్నిస్తున్నాయి. ఈ విషయంలో గూగుల్ ఇటీవల గొప్ప పురోగతిని సాధించింది. -
భూగర్భంలో నీరెంత?
భూమి మీద మూడొంతుల మేర ఉండేది నీరే. మరి భూగర్భంలో ఎంత నీరుంటుంది? ఎంతుంటే ఏంటని మనం అనుకుంటామేమో గానీ శాస్త్రవేత్తలు అలా కాదు. -
గది ఉష్ణోగ్రత వద్దే క్యూబిట్లు స్థిరంగా..
క్వాంటమ్ కంప్యూటింగ్ శరవేగంగా అభివృద్ధి చెందుతోంది. సమాచార పరిశీలన, విశ్లేషణ ప్రక్రియలో విప్లవాత్మక మార్పులకు శ్రీకారం చుడుతోంది. -
పాలపుంత కేంద్రం తెలుసా?
మన నక్షత్ర మండలమైన పాలపుంత కేంద్రం ఎక్కడుందో తెలుసుకోవాలని అనుకుంటున్నారా? అయితే ఐఫోన్ కొత్త యాప్ సాయం తీసుకోవచ్చు. -
పీసీఆర్ కథ
పాలిమరేజ్ చైన్ రియాక్షన్ అంటే ఎవరికీ తెలియకపోవచ్చు. కానీ పీసీఆర్ పరీక్ష అనగానే అంతా గుర్తుపట్టేస్తారు. కొవిడ్ విజృంభించినప్పుడు ఇదెంత ప్రాముఖ్యం సంతరించుకుందో తెలిసిందే -
పురాతన నక్షత్ర మండలం సరికొత్త సవాల్
కృష్ణ పదార్థం (డార్క్ మ్యాటర్) చుట్టూ ఉండే భారీ పరివేషాల సమీపంలో తొలి నక్షత్ర మండలాలు ఏర్పడ్డాయని ఖగోళ శాస్త్రవేత్తలు భావిస్తుంటారు. -
సుదూర అంతరిక్షంలో మరో భూమి!
భూమి ఆయుష్షు ఏటికేడు తగ్గుతూ వస్తోంది. వనరులూ తగ్గుతూ వస్తున్నాయి. దీన్ని దృష్టిలో పెట్టుకునే మన భూమిలాంటి నివాసయోగ్య గ్రహాల కోసం ఖగోళ శాస్త్రవేత్తలు చాలాకాలంగా అన్వేషిస్తూనే ఉన్నారు. ఒకవేళ భవిష్యత్తులో ఎప్పుడైనా భూమి నివసించటానికి పనికిరాకుండా పోతే, మానవజాతి అంతరించకుండా చూడటం దీని ఉద్దేశం. ఈ నేపథ్యంలో అమెరికా అంతరిక్ష సంస్థ నాసా శాస్త్రవేత్తలు ‘భారీ భూమి’ని (సూపర్ ఎర్త్) గుర్తించారు. -
ఇంటి గాలిని వడపోసే మొక్క
వాయు కాలుష్యం అనగానే రద్దీ రహదారులు, పారిశ్రామిక పాంతాలే గుర్తుకొస్తాయి. కానీ ఇళ్లు, కార్యాలయాలూ తక్కువేమీ కాదు. ఆ మాటకొస్తే బెంజీన్, టొల్యూన్, జైలీన్, ఫార్మాల్డిహైడ్ వంటి వాయు కాలుష్య కారకాలు ఆరుబయట కన్నా ఇంటి లోపలే 2 నుంచి 5 రెట్లు ఎక్కువని అమెరికాకు చెందిన ఎన్విరాన్మెంటల్ ప్రొటెక్షన్ ఏజేన్సీ చెబుతోంది. -
అంగారకుడి శోధనకు వినూత్న వ్యోమనౌక
అంగారకుడి శోధనకు అమెరికా అంతరిక్ష సంస్థ నాసా వినూత్న వ్యోమనౌకను రూపొందించనుంది. దీని పేరు మార్స్ ఏరియల్ గ్రౌండ్ ఇంటెలిజెంట్ ఎక్స్ప్లోరర్ (మ్యాగ్గీ). -
గోబర్ గ్యాస్ రాకెట్!
గోబర్ గ్యాస్తో వంట చేసుకోవటం పాత విషయమే. దీంతో రాకెట్లనూ నడపొచ్చని తెలుసా? జపాన్కు చెందిన ఒక అంతరిక్ష సంస్థ అలాంటి రాకెంట్ ఇంజిన్నే రూపొందించింది. -
హ్యామ్- అంతరిక్షంలోకి వెళ్లిన తొలి చింపాంజీ
మనుషుల కన్నా ముందు జంతువులే అంతరిక్షంలో అడుగుపెట్టాయి. వీటిల్లో హ్యామ్ అనే చింపాంజీ ఒకటి. అమెరికా చేపట్టిన మెర్క్యురీ ప్రాజెక్టులో భాగంగా ప్రయోగాత్మక రాకెట్ ద్వారా ఇది అంతరిక్షంలోకి వెళ్లింది. అప్పుడు హ్యామ్ వయసు మూడున్నరేళ్లే. గంటకు 8,046 కిలోమీటర్ల వేగంతో దూసుకెళ్లిన రాకెట్ ద్వారా ఇది 241 కిలోమీటర్ల ఎత్తుకు చేరుకుంది. -
స్వయం ప్రయోగశాలలు
స్వయం చోదక వాహనాల గురించి తెలిసిందే. ఎక్కి కూర్చోగానే వాటంతటవే గమ్యానికి చేరుస్తాయి. మొదట్లో సైన్స్ ఫిక్షన్ కథలా అనిపించినా ఇప్పుడివి కొన్నిదేశాల్లో నిత్య జీవనంలోకీ వచ్చేశాయి. -
భారీ విశ్వదర్శిని!
అంతర్జాతీయ టెలిస్కోప్ ప్రాజెక్టు స్క్వయర్ కిలోమీటర్ అరే(ఎస్కేఏ)లో మనదేశం అధికారికంగా చేరనుంది. దీని నిర్మాణానికి రూ.1,250 కోట్లు కేటాయించాలని నిర్ణయించింది. -
కీటకం ఈత గుట్టు
కీటకాలకు ఒలింపిక్ క్రీడల పోటీలు నిర్వహిస్తే ఈతలో వర్లిగిగ్ బీటిల్ బంగారు పతకం కొట్టేయటం ఖాయం. ఉండేది సెంటీమీటరు పొడవే అయినా వేగంలో దీన్ని మించిన కీటకం లేదు -
కిరణజన్య సంయోగక్రియ మూలం!
మన భూమ్మీద ప్రాణులు జీవించి ఉండటానికి ఆక్సిజన్నే ఆధారం. దీనికి మూలం కిరణజన్య సంయోగక్రియ. వృక్షాలు, మొక్కలు గాల్లోంచి కార్బన్ డయాక్సైడ్, భూమిలోంచి నీరు, సూర్యుడి నుంచి కాంతిని గ్రహించి చక్కెరను సృష్టించుకుంటాయి. -
బొగ్గు దాణా!
బొగ్గుతో ఏం చేస్తారు? పొయ్యిలో మండించి వంట వండుకుంటారు. విద్యుత్ కేంద్రాల్లో విద్యుత్తు ఉత్పత్తి చేస్తారు. ఇంకేం చేస్తారు? చైనా శాస్త్రవేత్తలైతే దాణానూ తయారుచేస్తారు