బ్రౌజింగ్ హిస్టరీ సరే.. బ్రౌజర్ హిస్టరీ తెలుసా?
కంప్యూటర్ కనిపెట్టింది ఎవరు అనగానే.. ఛార్లెస్ బ్యాబేజ్ అని ఠక్కున చెప్పేస్తారు. కానీ, నిత్యం మనకు కావాల్సిన విషయాల్ని తెలుసుకోవడం కోసం వినియోగించే ఇంటర్నెట్ బ్రౌజర్ను ఎవరు కనిపెట్టారో తెలుసా? ప్రస్తుతం మార్కెట్లో క్రోమ్, మొజిల్లా ఫైర్ఫాక్స్ వంటి బ్రౌజర్లు అనేకం అందుబాటులో
కంప్యూటర్ కనిపెట్టింది ఎవరు అనగానే.. చార్లెస్ బ్యాబేజ్ అని ఠక్కున చెప్పేస్తారు. కానీ, నిత్యం మనకు కావాల్సిన విషయాల్ని తెలుసుకోవడం కోసం వినియోగించే ఇంటర్నెట్ బ్రౌజర్ను ఎవరు కనిపెట్టారో తెలుసా? ప్రస్తుతం మార్కెట్లో క్రోమ్, మొజిల్లా ఫైర్ఫాక్స్ వంటి బ్రౌజర్లు అనేకం అందుబాటులో ఉన్నాయి. మరి.. తొలి బ్రౌజర్ ఏది? ఎలా ఆవిష్కృతమైంది?బ్రౌజర్లో బ్రౌజింగ్ చరిత్రను గమనించే నెటిజన్లు.. దాని అసలు చరిత్ర గురించి ఎప్పుడైనా ఆలోచించారా? చాలా మంది అలాంటి ఆలోచనే చేసి ఉండరు.. అందుకే బ్రౌజర్ చరిత్ర గురించి తెలుసుకుందాం పదండి..
wwwతో మొదలు..
మానవుడి అభివృద్ధికి అగ్ని, నీరు మూల కారణమైనట్లుగానే.. ప్రస్తుత డిజిటల్ యుగానికి www(వరల్డ్ వైడ్ వెబ్) ఆవిష్కరణే కారణమని చెప్పడంలో అతిశయోక్తి లేదు. దీన్ని 1989లో సర్ టిమ్ బెర్నర్స్-లీ ప్రతిపాదించారు. ది యూరోపియన్ ఆర్గనైజేషన్ ఫర్ న్యూక్లియర్ రీసెర్చ్లో బెర్నర్స్ శాస్త్రవేత్తగా పనిచేస్తున్న సమయంలో సమాచారం బదలాయింపులో ఉన్న ఇబ్బందులను బెర్నర్స్ గమనించారు. దీంతో ప్రపంచవ్యాప్తంగా ఉన్న శాస్త్రవేత్తలు, యూనివర్సిటీలు, ఇన్స్టిట్యూట్ల మధ్య సమాచారం వేగంగా బదిలీ జరగడానికి వీలుగా ఏదైనా చేయాలని భావించారు. పలు ప్రయత్నాల అనంతరం 1990లో వరల్డ్వైడ్వెబ్ ప్రాజెక్టును ప్రారంభించారు. అదే ఏడాది డిసెంబర్లో www బ్రౌజర్ను ఆవిష్కరించి.. హెచ్టీఎంల్, హెచ్టీటీపీ, యూఆర్ఎల్ వంటి ఇంటర్నెట్ బేసిక్ కాన్సెప్ట్ను తెలియజేశారు. దీనికి నెక్సస్ అని పేరు పెట్టారు.
అయితే, ఆయన బ్రౌజర్ కోసం నెక్ట్స్ కంపెనీ కంప్యూటర్లో కోడింగ్ చేయడంతో కేవలం ఆ కంప్యూటర్ల మధ్యే సమాచారం బదిలీ అయ్యేది. సమస్య గుర్తించి బెర్నర్స్ సహా ఆయన సహోద్యోగులు కలిసి అన్ని కంప్యూటర్లకు ఉపయోగకరంగా మార్పులు చేశారు. దానికి లైన్ మోడ్ బ్రౌజర్ అని నామకరణం చేశారు. ఈ బ్రౌజర్లో కేవలం టెక్ట్స్ మాత్రమే కనిపిస్తుంటుంది.
టెక్ట్స్ + గ్రాఫిక్స్ = మొజాయిక్
నెక్సస్ బ్రౌజర్లో కేవలం టెక్ట్స్ మాత్రమే బ్రౌజింగ్ చేసే వీలు ఉంటుంది. అందుకే, దీనికి మించిన బ్రౌజర్ను 1993లో యూనివర్సిటీ ఆఫ్ ఇల్లినాయిస్లోని నేషనల్ సెంటర్ ఫర్ సూపర్కంప్యూటర్ అప్లికేషన్(ఎన్సీఎస్ఏ) రూపొందించింది. మొజాయిక్ పేరుతో తీసుకొచ్చిన ఈ బ్రౌజర్లో టెక్ట్స్తోపాటు ఇమేజెస్, గ్రాఫిక్స్ కలిపారు. ఇది ఓపెన్ సోర్స్ బ్రౌజర్ కాదు. కాకపోతే.. నాన్ కమర్షియల్గా ఉచితంగా వినియోగించే అవకాశం ఉండేది. దీంతో ప్రపంచవ్యాప్తంగా ఈ బ్రౌజర్ బాగా పాపులరైంది. 1997 వరకు దిగ్విజయంగా కొనసాగింది. దీనికంటే ముందు యూనిక్స్ కంప్యూటర్ల కోసం ఎరినా బ్రౌజర్ అందుబాటులోకి వచ్చింది. సెల్లో, లినిక్స్ 2.0, ఏమొజాయిక్ వంటి బ్రౌజర్లు ఉనికిలో ఉండేవి.
బ్రౌజర్ యుద్ధానికి నాంది.. నెట్స్కేప్
1994లో ఎన్సీఎస్ఏ రూపొందించిన మొజాయిక్ బ్రౌజర్ కోసం పనిచేసిన మార్క్ ఆండ్రీస్సెన్, ఎరిక్ బినా వారి ఉద్యోగాలకు రాజీనామా చేసి ఎన్సీఎస్ఏ నుంచి బయటకు వచ్చేశారు. అదే ఏడాది మొజాయిక్కు పోటీగా నెట్స్కేప్ బ్రౌజర్ను మార్కెట్లోకి విడుదల చేశారు. ఆ తర్వాత దీన్ని నెట్స్కేప్ నావిగేటర్గా పేరు మార్చారు. 1994లోనే ఐబీఎం సంస్థ ఐబీఎం వెబ్ ఎక్స్ప్లోరర్, యాపిల్ సంస్థ మ్యాక్ వెబ్ను ఆవిష్కరించాయి. వాటితోపాటు మరికొన్ని బ్రౌజర్లు కూడా మార్కెట్లోకి వచ్చాయి. కానీ, ఆధునిక టెక్నాలజీతో రూపొందించిన నెట్స్కేప్ నావిగేటర్ బ్రౌజర్ను యూజర్లు విపరీతంగా ఆదరించారు. 1995లో నెట్స్కేప్ నావిగేటర్ 90శాతం మార్కెట్ సాధించింది.
ఆలస్యంగా మేల్కొన్న మైక్రోసాఫ్ట్
వివిధ సంస్థలు బ్రౌజర్లను రూపొందించి విజయవంతంగా కొనసాగుతుంటే.. కంప్యూటర్లు.. వాటిలో ఆపరేటింగ్ సిస్టమ్ సాఫ్ట్వేర్ను అందించే దిగ్గజ సాఫ్ట్వేర్ సంస్థ మైక్రోసాఫ్ట్ మాత్రం ఇంటర్నెట్ బ్రౌజింగ్పై తాత్సారం చేసింది. చివరకు బ్రౌజర్ ప్రాధాన్యత తెలుసుకొని రేసులో నిలబడింది. 1995లో విడుదల చేసిన విండోస్ 95 సాఫ్ట్వేర్లో ఇంటర్నెట్ ఎక్స్ప్లోరర్ 1.0 బ్రౌజర్ను ఇన్బిల్ట్గా పెట్టింది. ఎక్కువ మంది మైక్రోసాఫ్ట్నే ఉపయోగించేవారు కాబట్టి.. ఆటోమెటిక్గా ఇంటర్నెట్ ఎక్స్ప్లోరర్ వినియోగం బాగా పెరిగింది. బ్రౌజర్ రేసులో తాము ముందుండాలనే ఉద్దేశంతో కంప్యూటర్లను తయారు చేసే కంపెనీలను ఇన్బిల్ట్గా ఉండే ఇంటర్నెట్ ఎక్స్ప్లోరర్ను అన్ఇన్స్టాల్ చేసి వేరే బ్రౌజర్ను ఇన్స్టాల్ చేసుకునే వెసులుబాటు ఇవ్వకుండా చేసింది. దీనిపై అమెరికా ప్రభుత్వం ఆగ్రహించి మైక్రోసాఫ్ట్పై కేసు నమోదు చేసింది. 2001లో ఈ కేసు పరిష్కారమైంది. అయినా.. చాలాకాలం పాటు ఇంటర్నెట్ ఎక్స్ప్లోరరే నంబర్వన్ బ్రౌజర్గా నిలిచింది. 2003లో 95శాతం యూజర్లు దీనిని వాడినట్లు గణాంకాలు వెల్లడిస్తున్నాయి.
మొజిల్లా పుట్టిందిలా..
మైక్రోసాఫ్ట్ ఇంటర్నెట్ ఇక్స్ప్లోరర్ రాకతో నెట్స్కేప్కు ఆదరణ తగ్గిపోయింది. దాదాపు దివాలా తీసే పరిస్థితుల్లో ఉన్న నెట్స్కేప్ను 1998లో ఏఓఎల్ సంస్థ కొనుగోలు చేసింది. కొన్ని నెలల తర్వాత నెట్స్కేప్ బ్రౌజర్కు లైసెన్స్ విధానం రద్దు చేసి అందరూ ఉచితంగా ఉపయోగించుకునేలా చేసింది. బ్రౌజర్ సోర్స్కోడ్ను కూడా బహిరంగపర్చింది. దీంతో ఇతరులకు సొంతగా మరో బ్రౌజర్ రూపకల్పన చేసే అవకాశం దక్కినట్లయింది. ఈ నేపథ్యంలో మొజిల్లా ప్రాజెక్ట్ ప్రారంభమైంది. మొదట్లో నెట్స్కేప్ నావిగేటర్ను అభివృద్ధి పరిచి వినూత్నంగా ఆవిష్కరించాలని మొజిల్లా వ్యవస్థాపకులు భావించారు. ఆ తర్వాత సొంతగానే మొజిల్లా1.0 పేరుతో 2002లో బ్రౌజర్ను ప్రారంభించారు. 2003 మొజిల్లా ఫౌండేషన్ స్థాపించి.. ఫైర్ఫాక్స్ 1.0ను విడుదల చేశారు.
గూగుల్ క్రోమ్ ఎంట్రీ..
1998లో గూగుల్ సంస్థ ఏర్పాటైంది. కేవలం సెర్చ్ ఇంజిన్లా ఇంటర్నెట్ ప్రపంచంలోకి అడుగుపెట్టిన గూగుల్ అనతి కాలంలో విశేష ఆదరణ పొందింది. అప్పటికే యాహూ.. ఏఓఎల్ వంటి అనేక సెర్చ్ ఇంజిన్లు అందుబాటులో ఉన్నా.. శోధనకు గూగుల్ సులువుగా ఉండటంతో నెటిజన్ల మనసు దోచుకుంది. కాగా.. ఇంటర్నెట్ యూజర్లకు మరింత చేరువ కావాలన్న లక్ష్యంతో మొజిల్లా సంస్థలో పనిచేసే కొందరు ఉద్యోగులను తమ సంస్థలో నియమించుకొని ‘గూగుల్ క్రోమ్’ బ్రౌజర్ను అభివృద్ధి చేసింది. 2008లో గూగుల్ క్రోమ్1.0ను తీసుకొచ్చింది. ఇంటర్నెట్ ఎక్స్ప్లోరర్కు అలవాటు పడ్డ నెజిటన్లు మొదట్లో క్రోమ్ వైపు మొగ్గుచూపలేదు. కానీ, ఆ తర్వాత క్రోమ్ పుంజుకుంది. తొలినాళ్లలో కేవలం 1 శాతం వాటా ఉన్న గూగుల్ క్రోమ్.. ప్రస్తుతం బ్రౌజర్ల వాడకంలో 64శాతం వాటాతో అగ్రస్థానంలో కొనసాగుతోంది. ఇవే కాకుండా మరికొన్ని బ్రౌజర్లు మార్కెట్లోకి వచ్చినట్లే వచ్చి కనుమరుగయ్యాయి. ఇంకొన్ని నిలదొక్కుకొని కొనసాగుతున్నాయి. ప్రస్తుతం గూగుల్ క్రోమ్.. మొజిల్లా ఫైర్ఫాక్స్తోపాటు మైక్రోసాఫ్ట్ ఎడ్జ్, ఒపెరా, సఫారీ(ఐఓఎస్),పేల్మూన్, సీ మంకీ, వివాల్డి వంటి అనేక బ్రౌజర్లు అందుబాటులో ఉన్నాయి. ఇదండీ.. బ్రౌజర్ కహానీ..!
- ఇంటర్నెట్ డెస్క్
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
మెదడులాంటి కంప్యూటర్!
మనిషి మెదడులా పనిచేసే, ఒకే సమయంలో వేర్వేరుగా స్పందించే కంప్యూటర్లను రూపొందించాలని చాలాకాలంగా ప్రయత్నిస్తున్నారు. ఈ దిశగా ఇంటెల్ శాస్త్రవేత్తలు ముందడుగు వేశారు. ప్రపంచంలోనే అతి పెద్ద న్యూరోమార్ఫిక్ కంప్యూటర్ను రూపొందించారు. -
దైవకణం కథ
అది అన్ని కణాలకూ ద్రవ్యరాశిని సంతరింపజేస్తుంది. దీని గురించి 1960ల్లోనే తెలిసినా 50 ఏళ్ల తర్వాత గానీ ఉనికి బయటపడలేదు. ప్రపంచంలోనే అతి పెద్ద, అతి సంక్లిష్ట యంత్రం సాయం తీసుకుంటే తప్ప అది సాధ్యం కాలేదు. -
కాల మహిమ
ఉగాది రోజు పంచాంగం విన్నారా? దీనిలోని తిథులు, రోజులు, పక్షాలు, నెలలు, రుతువులు.. అన్నీ కాల గమన సంకేతాలే. అసలు కాలమంటే ఏంటి? అది ఎలా మొదలైంది? ఇలాగే కొనసాగుతుందా? అంతమవుతుందా? -
కంప్యూటర్కు బుర్ర!
మన మెదడు అద్భుతమైంది. హేతుబద్ధంగా వ్యవహరిస్తుంది. కార్య కారణాలను విశ్లేషించి ఒక నిర్ణయానికి వస్తుంది. ఉచితానుచితాలను బేరీజు వేస్తుంది. ఏ పని ఎలా చేస్తే ఎలాంటి ఫలితం వస్తుందో పసిగడుతుంది. -
ఫోన్ ట్యాప్ అయ్యిందా?
నేటి డిజిటల్ యుగంలో వ్యక్తిగత సమాచార గోప్యత, భద్రత అతి కీలకమయ్యాయి. అధునాతన నిఘా పద్ధతుల నేపథ్యంలో ఇవి మరింత ప్రాధాన్యం సంతరించు కుంటున్నాయి. నిత్య జీవితంలో విడదీయలేని పరికరంగా మారిన ఫోన్ల మీదా నిఘా వేయటం, ట్యాపింగ్ చేయటమూ చూస్తున్నాం. -
రోబో సేవలు చేసేనే..
మనిషికి మనిషి తోడంటారు. ఇప్పుడు మర మనిషీ (రోబో) చేయందిస్తోంది. ఒకపక్క అధునాతన హ్యూమనాయిడ్ రోబోల వెల్లువ సంచలనం సృష్టిస్తుండగా.. మరోపక్క మామూలు రోబోలూ సేవలకు సిద్ధమవుతున్నాయి. -
మానవ రోబో దండు!
రోబో అనగానే ఏం గుర్తుకొస్తుంది? లోహ చట్రంతో కదిలే మర యంత్రమో, కదిలే లోహం బొమ్మో మదిలో కదలాడుతుంది. రబ్బరు కండరాలతో చేసినదైతే మనిషి మాదిరిగానూ కనిపిస్తుంది. చూపు, మాట మనిషిని పోలి ఉంటాయి. -
paul alexander: ఇనుప ఊపిరితిత్తి!
ఓ పొడవైన పెట్టె. శరీరమంతా అందులోనే. తల మాత్రమే బయటకు. ఒకటి కాదు, రెండు కాదు.. ఏకంగా 72 ఏళ్లు అందులోనే గడిపితే? అమెరికాకు చెందిన పాల్ అలెగ్జాండర్ అలాగే గడిపారు -
గూగుల్ సెర్చ్ తెలివిగా..
స్మార్ట్ఫోన్లలో గూగుల్ సెర్చ్ను వాడనివారుండరంటే అతిశయోక్తి కాదు. కానీ తేలికగా, త్వరగా ఆయా అంశాలను శోధించటానికి కొన్ని చిట్కాలు ఉన్నాయనే సంగతి తెలుసా? అలాంటి కొన్ని ఉపాయాల గురించి తెలుసుకుందాం. -
భళారే డిజిటల్ విచిత్రం!
ఒకప్పటి కన్నా స్మార్ట్ఫోన్లు, ల్యాప్టాప్ల సామర్థ్యం, వేగం పుంజుకున్న మాట నిజం. కానీ ఆకారంలో పెద్దగా మారింది లేదు. ఒకసారి అంచులు చిన్నగా.. మరోసారి కెమెరా బంప్లు పెద్దగా ఉండటం తప్పించి దాదాపు అలాగే కనిపిస్తుంటాయి. -
కృత్రిమ మేధ గుండె కాయ
కృత్రిమ మేధ.. కృత్రిమ మేధ.. కృత్రిమ మేధ. శాస్త్ర, సాంకేతిక రంగాల్లో ఎక్కడ చూసినా ఈ పేరే మార్మోగుతోంది. -
ఇక ఏఐ సినిమా!
పదాల కూర్పు ఆధారంగా చిటికెలో ఫొటోలు, చిత్రాలు, సంగీతం, పాటలను పుట్టిస్తున్న కృత్రిమ మేధ (ఏఐ) మరో అడుగు ముందుకేసింది. ఏకంగా వీడియోలనూ సృష్టించే స్థాయికి చేరుకుంది. విప్లవాత్మక ఛాట్జీపీటీని రూపొందించిన ఓపెన్ఏఐ సంస్థ కొత్తగా తీసుకొచ్చిన జనరేటివ్ కృత్రిమ మేధ (జెన్ఏఐ) మోడలే దీనికి నిదర్శనం. -
ఈ విశ్వ కిరణాలు..
విశ్వ కిరణాలు.. కాస్మిక్ రేస్. అంతరిక్షం ఆవలి నుంచి దూసుకొచ్చే ఇవి నిరంతరం అతి వేగంగా.. దాదాపు కాంతి వేగంతో సమానంగా విశ్వమంతటా ప్రయాణిస్తుంటాయి. వీటి మీద మొదటి నుంచీ శాస్త్రవేత్తలకు ఎంతో ఆసక్తి. ఎందుకంటే అంతరిక్షంలో పుట్టుకొచ్చిన చోటు, ఢీకొట్టిన వస్తువులను బట్టి ఇవి విశ్వానికి సంబంధించిన ఎన్నో విషయాలను వివరిస్తాయి. -
ప్రేమ శాస్త్రం!
ప్రేమ ఎందుకు పుడుతుందో, ఎవరి మీద పుడుతుందో తెలియదు. ఒకరికి నచ్చిన వ్యక్తి మరొకరికి నచ్చకపోవచ్చు. ఒకరికి అసలే నచ్చనివారు మరొకరికి ప్రాణం కన్నా మిన్నగా అనిపించ్చొచ్చు. -
ఫోల్డర్ మాయలు
విండోస్ పీసీలో రోజూ ఫోల్డర్లను వాడుతూనే ఉంటాం. కొత్త ఫైళ్లను స్టోర్ చేయటం, డేటాను వరుసగా పెట్టుకోవటం.. ఇలా ఎన్నింటికో వీటిని ఉపయో గిస్తుంటాం. మరి అదృశ్య ఫోల్డర్ను సృష్టించుకోగలరా? ఒకేసారి బోలెడన్ని ఫోల్డర్ల పేర్లను మార్చుకోగలరా? ఖాళీ ఫోల్డర్లను గుర్తించగలరా? ఇలాంటి కొన్ని చిత్రమైన ఫోల్డర్ చిట్కాల గురించి తెలుసుకుందాం. -
అమెజాన్ అడుగున బంగారు నేల
అమెజాన్ అనగానే దట్టమైన అడవులే గుర్తుకొస్తాయి. మనుషులు దూరటానికి వీల్లేని అక్కడ ఒకప్పుడు పెద్ద పట్టణమే ఉండేదని ఇటీవల తేలటం అందరినీ ఆశ్చర్యపరచింది -
ఏఐ టెక్కులు!
అసలే కృత్రిమ మేధ (ఏఐ) యుగం. ఆపై ప్రపంచంలోనే అతి పెద్ద ఎలక్ట్రానిక్ వస్తు ప్రదర్శన. ఇక చెప్పేదేముంది? ఏ పరికరాన్ని చూసినా ఏఐమయమే. హెల్త్ ట్రాకర్ల దగ్గరి నుంచి వాహనాల వరకూ అన్నింటికీ అదే ఆలంబన. -
Cyber Crime: నయా సైడర్!
నేటి సైబర్ యుగంలో నేరాలూ మారిపోతున్నాయి. ఆన్లైన్ మోసాలు కోకొల్లలు. డెబిట్, క్రెడిట్ కార్డు వివరాలు చోరీ చేసి మన ప్రమేయమేమీ లేకుండానే నేరగాళ్లు షాపింగ్ చేయటం తెలిసిందే -
కొత్త టెక్ లోకం
డిజిటల్ పరిణామం ఆగేది కాదు. ఇదో నిరంతర ప్రక్రియ. గత ఏడాదిని గతి తిప్పిన ట్రెండ్స్ కొత్త సంవత్సరాన్నీ పరుగులు తీయించనున్నాయి. మెషిన్ ఇంటెలిజెన్స్ జోరందుకోనుంది. వాస్తవ, కాల్పనిక ప్రపంచాల మధ్య హద్దులు చెరగటం ఖాయంగా కనిపిస్తోంటే.. నిరంతర అంతర్జాల పరిణామ ప్రక్రియ మన జీవితాలను గణనీయంగా శాసించేలా రూపుదిద్దుకుంటోంది. -
ఇస్రో ఏఐ వత్సరం 2024
ఇది మనదేశం జాబిల్లిని తాకి ప్రపంచాన్ని సంభ్రమాశ్చర్యాల్లో ముంచిన సంవత్సరం.ఇది కృత్రిమ మేధ ప్రయోగశాలలను దాటుకొని నిత్య జీవన వ్యవహారాల్లోకి విరివిగా చొచ్చుకొచ్చిన సంవత్సరం.శాస్త్ర, సాంకేతిక రంగాలు ఒకదాంతో మరోటి పోటీ పడుతూ కొత్త వత్సరంలోకి అడుగిడుతున్న వేళ సాధించిన ఘనతలను సమీక్షించుకోవటం ముదావహం. -
స్థానిక మేధ
కృత్రిమ మేధ (ఏఐ) తీరు మారుతోంది. ఆంగ్లం గడపను దాటుకొని స్థానిక భాషలపై దృష్టి సారిస్తోంది. ఆయా భాషల వైవిధ్యం, యాసలు, సంస్కృతులకు అనుగుణంగా రూపాంతరం చెందుతోంది.
తాజా వార్తలు (Latest News)
-
భారత్లో నథింగ్ ఫోన్ 2ఏ స్పెషల్ ఎడిషన్.. ధర, ఫీచర్లివే..!
-
ఛేజింగ్కి వస్తే... హైదరా‘బాధ’ తప్పదా?
-
కెనడా ప్రధాని ట్రూడో సమక్షంలో.. ‘ఖలిస్థానీ’ నినాదాలు
-
బాలీవుడ్ స్టార్స్తో ఎన్టీఆర్.. వీడియో వైరల్
-
దక్షిణ మధ్య రైల్వే పరిధిలో మరిన్ని వేసవి ప్రత్యేక రైళ్లు..
-
ఈనాడు.నెట్లో టాప్ 10 వార్తలు @ 1 PM