Telangana News: దక్షిణ్‌ ఎక్స్‌ప్రెస్‌ బోగీలో మంటలు

ఘట్‌కేసర్‌ - పగిడిపల్లి మధ్య ఘటన

ఈనాడు, హైదరాబాద్‌: సికింద్రాబాద్‌ నుంచి దిల్లీ వెళ్తున్న దక్షిణ్‌ ఎక్స్‌ప్రెస్‌ రైలు చివరి బోగీలో మంటలు చెలరేగాయి. భువనగిరి దగ్గరలోని పగిడిపల్లి మధ్య శనివారం అర్ధరాత్రి దాటాక ఒంటి గంట సమయంలో ఈ ఘటన చోటు చేసుకుంది. రైలు చివరి బోగీలో ఈ మంటలు కనిపించాయి. ఇది లగేజీ బోగీ అని రైల్వే అధికారులు తెలిపారు. మంటలను గమనించిన సిబ్బంది డ్రైవర్‌ను అప్రమత్తం చేయడంతో వెంటనే రైలును నిలిపివేశారు. దీంతో ప్రయాణికులు భయాందోళనలతో పరుగులు తీశారు.

ఈ ఘటనలో ఎవరైనా గాయపడ్డారా? లేదా? అన్న విషయాలు తెలియరాలేదు. తక్షణం సికింద్రాబాద్‌ నుంచి ప్రత్యేక రైల్లో సహాయక సిబ్బంది ఘటనా స్థలానికి చేరుకున్నారు. సమీప ప్రాంతాల నుంచి అగ్నిమాపక శకటాలు అక్కడకు చేరుకుని మంటలనార్పే ప్రయత్నం చేశాయి.