మాదక ద్రవ్యాలు ఇచ్చి నాపై లైంగిక దాడి చేశారు

ఆస్ట్రేలియా మహిళా ఎంపీ ఆరోపణ

యెప్పూన్‌: ఆస్ట్రేలియాలోని క్వీన్స్‌లాండ్‌ ఎంపీ బ్రిటానీ లాగా(37)కు తన సొంత నియోజకవర్గంలోనే చేదు అనుభవం ఎదురైంది. రాత్రి వేళ సరదాగా గడపడానికి వెళ్లిన ఆమెకు కొంతమంది దుండగులు మాదకద్రవ్యాలు అందించారు. ఆపై లైంగిక దాడికి పాల్పడ్డారు. ఈ విషయాన్ని ఆమె తన సామాజిక మాధ్యమంలో పంచుకున్నారు. ఇటువంటి పరిస్థితులను చాలా మంది మహిళలు ఎదుర్కొంటున్నారని.. ఇది ఎంతో విచారకరమని తన ఆవేదనను తెలియజేశారు. యెప్పూన్‌లో జరుగుతున్న ఈ దారుణాలను అడ్డుకునేలా చర్యలు తీసుకోవాలని డిమాండుచేశారు. గత నెల 28న ఈ ఘటన చోటుచేసుకుందని.. మత్తు పదార్థాలు తనపై ఎంతో ప్రభావం చూపుతున్నాయని తెలిపారు. బ్రిటానీ ఫిర్యాదుతో కేసు నమోదు చేసిన పోలీసులు దర్యాప్తు చేపట్టారు.