NTR: సినిమా పట్ల ఓ మనిషికి ఇంత తాపత్రయం ఉంటుందా?: ఎన్టీఆర్‌

సినిమా పట్ల ఓ మనిషికి ఇంత తాపత్రయం ఉంటుందా?అనేది దర్శకుడు రాజేంద్రను చూశాకే తెలిసిందని నటుడు ఎన్టీఆర్‌ కొనియాడారు. ఆయన దర్శకత్వంలో తెరకెక్కిన చిత్రం ‘అమిగోస్‌’. ఈ నెల 10న విడుదల కానుంది. ఈ సందర్భంగా నిర్వహించిన ప్రీ రిలీజ్‌ వేడుకలో ఎన్టీఆర్‌ మాట్లాడారు. ‘‘దర్శకుడు రాజేంద్ర ఇంజినీరింగ్‌ చేశారు. వాళ్ల అమ్మానాన్న ఉద్యోగం చేసుకోవచ్చు కదరా అంటే.. నేను ఓ సినిమా తెరకెక్కించాకే తిరిగి ఇంటికొస్తానని చెప్పారు. కానీ, సినిమా మొదలయ్యే లోపు వాళ్లమ్మ, పూర్తయ్యే లోపు తండ్రి కాలం చేశారు. సినిమా పట్ల ఓ మనిషికి ఇంత తాపత్రయం ఉంటుందా? అనేది రాజేంద్రను చూశాకే తెలిసింది’’ అన్నారు ఎన్టీఆర్.