Prakash Raj: గర్వించే సందర్భమిది.. ఇండస్ట్రీలో అందరూ కలిసి రారెందుకు?: ప్రకాశ్‌ రాజ్‌

టాలీవుడ్‌లో పలువురికి జాతీయ అవార్డులు దక్కడం.. తెలుగువారందరూ గర్వించాల్సిన క్షణాలు అని నటుడు ప్రకాశ్‌ రాజ్‌ (Prakash Raj) అన్నారు. కానీ, ఇలాంటి సందర్భంలో చిత్ర పరిశ్రమలో అందరూ కలిసి రారెందుకని ఆయన ప్రశ్నించారు. తెలుగు చిత్ర పరిశ్రమకు చెందిన పలువురు జాతీయ చలన చిత్ర అవార్డులు (National Film Awards) అందుకున్న నేపథ్యంలో.. వారి కోసం నిర్మాణ సంస్థ మైత్రీ మూవీ మేకర్స్‌ గ్రాండ్‌ పార్టీ ఇచ్చింది. శనివారం రాత్రి హైదరాబాద్‌లో ఏర్పాటు చేసిన ఈ పార్టీలో అతిథిగా నటుడు ప్రకాశ్‌ రాజ్‌ పాల్గొని మట్లాడారు.