Kangana Ranaut: ఇందిరాగాంధీ పాత్రలో కంగన.. ‘ఎమర్జెన్సీ’ విడుదల ఎప్పుడంటే?

హైదరాబాద్‌: బాలీవుడ్‌ నటి కంగనా రనౌత్‌ (Kangana Ranaut) స్వీయ దర్శకత్వంలో రూపొందిన చిత్రం ‘ఎమర్జెన్సీ’ (Emergency). శనివారం ఈ చిత్ర విడుదల తేదీని ప్రకటించారు. నవంబరు 24న ‘ఎమెర్జెన్సీ’ని విడుదల చేయనున్నట్లు చిత్ర బృందం తెలిపింది. కంగనా రనౌత్‌ ఈ చిత్రంలో భారత మాజీ ప్రధాని ఇందిరాగాంధీగా కనిపించనున్నారు. 1975 నుంచి 1977 వరకు దేశంలో విధించిన ‘అత్యవసర పరిస్థితి’ని భారత రాజకీయ చరిత్రలోనే ఒక చీకటి అధ్యాయంగా చెబుతుంటారు. ఆ ఇతివృత్తంతో ‘ఎమర్జెన్సీ’ తెరకెక్కించారు.