Hyderabad: రివార్డు పాయింట్లతో ఎర.. రూ.1.92లక్షలు కాజేసిన సైబర్‌ కేటుగాళ్లు

హైదరాబాద్‌: సైబర్‌ కేటుగాళ్లు వివిధ పద్దతుల్లో మోసాలకు పాల్పడుతున్నారు. తాజాగా రివార్డు పాయింట్ల పేరుతో హైదాబాద్‌కు చెందిన ఓ వ్యాపారిని మోసగించి రూ.1.92లక్షలు కాజేశారు. యాక్సిస్‌ బ్యాంక్‌ రివార్డు పాయింట్ల పేరుతో వ్యాపారికి ఓ లింక్‌ మెసేజ్‌ రూపంలో వచ్చింది. మోటార్‌ ఇన్సూరెన్స్‌ కోసం బ్యాంక్‌ పంపించిన లింక్‌గా భావించిన అతను దాన్ని ఓపెన్‌ చేసి వివరాలు నమోదు చేశారు. ఆ వెంటనే తన బ్యాంక్‌ ఖాతా నుంచి డబ్బు డెబిట్‌ అయినట్లు మెసేజ్‌ రావడంతో పోలీసులను ఆశ్రయించారు. కేసు నమోదు చేసుకున్న పోలీసులు దర్యాప్తు చేపట్టారు. అపరిచిత లింకులను క్లిక్‌ చేయొద్దని పోలీసులు సూచిస్తున్నారు. సైబర్‌ మోసానికి గురైతే వెంటనే 1930కి కాల్‌ చేసి ఫిర్యాదు చేయాలని తెలిపారు.