Crime News: ఆస్తి వివాదం.. తండ్రిని హతమార్చి కుమారుడి ఆత్మహత్య

అద్దంకి: ఆస్తి వివాదం రెండు నిండు ప్రాణాలను బలి తీసుకుంది. ఈ ఘటన ప్రకాశం జిల్లా అద్దంకి మండలం ధర్మవరం గ్రామంలో చోటు చేసుకుంది. ఆస్తి వివాదం కారణంగా గత కొన్ని రోజులుగా కుటుంబ తగాదాలు జరుగుతున్నాయి. ఈ నేపథ్యంలో ఇవాళ తండ్రి సీతారామయ్య, కుమారుడు శంకర్రావు ఘర్షణపడ్డారు. తండ్రి సీతారామయ్యను శంకర్రావు ఇనుపరాడ్డుతో బలంగా కొట్టడంతో అక్కడికక్కడే మృతి చెందాడు. ఆ తర్వాత శంకర్రావు ఇంట్లో ఉరి వేసుకుని ఆత్మహత్యకు పాల్పడ్డాడు. ఒకే  ఇంట్లో ఇద్దరు మృతి చెందడంతో కుటుంబ సభ్యులు శోకసంద్రంలో మునిగిపోయారు. సమాచారం తెలుసుకున్న పోలీసులు ఘటనా స్థలికి చేరుకుని కేసు నమోదు చేసి దర్యాప్తు చేస్తున్నారు.